ქართული ოცნება ეკონომიკის განვითარების ბანკის შექმნას გეგმავს, რომელიც ამჟამინდელი საქართველოს განვითარების ფონდის და სააგენტოს “აწარმოე საქართველოში” შერწყმით ჩამოყალიბდება. განვითარების ფონდის ლიკვიდაციის კანონპროექტი პარლამენტს უკვე წარუდგინა. განმარტებითი ბარათის თანახმად, ფონდის საკრედიტო პორტფელი და ოპერაციები ეკონომიკის სამინისტროს სსიპ-ს "აწარმოე საქართველოში" შეერწყმება. ამ შერწყმის შემდეგ კი მთავრობა ახალი ფინანსური ინსტიტუტის - "ეკონომიკის განვითარების ბანკის" დაფუძნებას გეგმავს, რისთვისაც პარლამენტს ცალკე კანონპროექტი წარედგინება, შესაბამისად უშუალოდ ახალი ფინანსური ინსტიტუტის ფუნქციონირების შესახებ მეტი დეტალი ჯერჯერობით უცნობია. ამ ეტაპზე ცნობილია ის, რომ ახალ ორგანიზაციას სესხების გაცემის ფუნქციაც ექნება, რაც ცოტა ხნის წინ თავად ირაკლი კობახიძემ დაადასტურა. ეკონომიკის მინისტრის განცხადებებიდან ვიცით ისიც, რომ განვითარების ბანკი ეკონომიკის ყველა სექტორს დაფარავს, თუმცა, აქცენტი გაკეთდება იმ სექტორებზე, რომლებსაც გამოკვეთილად დამატებითი ყურადღება სჭირდება, მათ შორის ფულადი სახსრების მეტად მიმართვა. რა ტიპის ფინანსურ ინსტიტუტს ქმნის ქართული ოცნება და იქნება თუ არა განვითარების ბანკი არსებული კომერციული ბანკების კონკურენტი?

სტუმარი: გიორგი ქობულია - ყოფილი ეკონომიკის მინისტრი


#ახალიამბები #BusinessMediaGeorgia