„ეკონომიკის განვითარების ბანკის“ ნაცვლად „ეკონომიკის განვითარების კორპორაცია“ - პრემიერ-მინისტრმა დღევანდელ მთავრობის სხდომაზე სააგენტო “აწარმოე საქართველოს“ ბაზაზე ახალი ინსტიტუციის შექმნასთან დაკავშირებით კიდევ ერთხელ ისაუბრა და განაცხადა, რომ მიზანი ბიზნესისთვის ფინანსებზე ხელმისაწვდომობის გაზრდაა. ცნობილია, რომ კორპორაცია საქართველოს განვითარების ფონდის ფუნქციებსაც შეითავსებს და ის როგორც სესხების, ასევე კაპიტალის ბაზრის ინსტრუმენტებს გააერთიანებს. ახალი ინსტიტუციის ჩამოყალიბების მოლოდინშია ბიზნესი, მათ შორის ენერგეტიკის დარგი, რომელიც მთავრობის მხრიდან ახალი კორპორაციის ერთ-ერთ მიზნობრივ სეგმენტად დასახელდა. ეკონომისტების ნაწილი კი ამბობს, რომ ქართული ოცნების ინიციატივასთან დაკავშირებით არაერთი კითხვა რჩება, მათ შორის რამდენად იზრდება ფისკალური რისკები.


#ახალიამბები #BusinessMediaGeorgia