სავარაუდო შეთანხმებული ქმედებები - კონკურენციისა და მომხმარებლის დაცვის სააგენტომ სახელმწიფო ტენდერებში მონაწილე 11 სამშენებლო ზედამხედველობის კომპანიის მიმართ მოკვლევა დაიწყო. სააგენტოს ხელმძღვანელის თქმით, დაახლოებით 260-მდე ტენდერის მონიტორინგმა აჩვენა, რომ არის რიგი ტენდერები, სადაც მონაწილეობს მხოლოდ 1 ან 2 კომპანია, რაც უწყების შეფასებით კონკურენციის ნაკლებობაზე მიუთითებს. სააგენტომ მოკვლევა რეგიონული განვითარების სამინისტროს მომართვის საფუძველზე დაიწყო. თავად სააგენტოს მიერ დასახელებული კომპანიების ნაწილში კი ბრალდებებს უარყოფენ და ამბობენ, რომ მათი მხრიდან შეთანხმებულ ქმედებებს ადგილი არ ჰქონია.

#ახალიამბები #BusinessMediaGeorgia