კონკურენციისა და მომხმარებლის დაცვის სააგენტომ სამშენებლო ზედამხედველობის მიმართულებით, 2022-2025 წლებში გამოცხადებულ ტენდერებში მონაწილე 11 კომპანიის მიმართ სავარაუდო შეთანხმებული ქმედებების ფაქტებზე მოკვლევა დაიწყო. როგორც სააგენტოს ხელმძღვანელი განმარტავს, დაახლოებით 260-მდე ტენდერის მონიტორინგმა აჩვენა, რომ არის რიგი ტენდერები, სადაც მონაწილეობს მხოლოდ 1 ან 2 კომპანია, რაც უწყების შეფასებით კონკურენციის ნაკლებობაზე მიუთითებს. სააგენტომ მოკვლევა რეგიონული განვითარების სამინისტროს მიმართვის საფუძველზე დაიწყო. თავად სააგენტოს მიერ დასახელებული კომპანიების ნაწილში კი ბრალდებებს უარყოფენ და ამბობენ, რომ მათი მხრიდან შეთანხმებულ ქმედებებს ადგილი არ ჰქონია. რა მიმართულებით აწარმოებს მოკვლევას კონკურენციის სააგენტო და როგორია შეფასებები?


#ახალიამბები #BusinessMediaGeorgia