“სილქ როუდ ჯგუფმა" წარმატებით დაასრულა თავისი პირველი საერთაშორისო 400 მილიონი აშშ დოლარის ღირებულების ობლიგაციების გამოშვება. 5-წლიანი ობლიგაციების წლიური განაკვეთი 7.50% შეადგენს. აღნიშნული ტრანზაქცია წარმოადგენს მნიშვნელოვან ეტაპს როგორც კომპანიის, ასევე საქართველოს კერძო სექტორის კაპიტალის ბაზრებისთვის. დანამდვილებით შეიძლება ითქვას, რომ ეს არის უნიკალური ტრანზაქცია საქართველოს ისტორიაში, როგორც ქართული კომპანიის მიერ განხორციელებული უმსხვილესი კერძო კორპორაციული ემისია, რომელმაც ქართულ ემიტენტებს შორის ყველაზე დაბალ სპრედს მიაღწია, ისევე, როგორც ქვეყნის პირველი საერთაშორისო ემისია 2024 წლის ივლისის შემდეგ, რამაც პრაქტიკულად აღადგინა ქართველი მსესხებლებისთვის საერთაშორისო ბაზარზე წვდომა. ობლიგაციების გამოშვების პროცესი ერთობლივად მართეს მსოფლიოს უმსხვილესმა საინვესტიციო ბანკმა და ფინანსური მომსახურების კომპანიამ J.P. Morgan, და მსოფლიოს უმსხვილესმა კერძო საინვესტიციო ბანკმა UBS. ზემოხსენებულ უმსხვილეს საინვესტიციო ბანკებთან ერთად ტრანზაქციის თანაწამყვანი მენეჯერები არიან "თიბისი კაპიტალი", Galt&Taggart; და საერთაშორისო საბროკერო და საინვესტიციო ბანკი Oppenheimer. პროცესის იურიდიულ უზრუნველყოფაზე იმუშავეს მსოფლიოს წამყვანმა იურიდიულმა კომპანიებმა Baker McKenzie და Dentons, ადგილობრივ იურიდიულ ფირმებთან Dentons Georgia და BLC ერთად, ხოლო აუდიტორული სამუშაო შეასრულა კომპანიამ KPMG. ცხადია, BMG არ და ვერ გამორჩებოდა ასეთ საეტაპო მოვლენას, ჩვენ ვიმყოფებოდით წინანდალში სადაც გაცხადდა ყველა დეტალი აღნიშნული ობლიგაციების გამოშვების შესახებ და საშუალება მოგვეცა ჩაგვეწერა რამდენიმე ინტერვიუ. TBC Capital-ი ტრანზაქციის თანაწამყვანი მენეჯერი იყო. როგორც ოთარ შარიქაძე ამბობს, ემისიას ისიც გამოარჩევს, რომ ძალიან მაღალი მოთხოვნა დაფიქსირდა. ყველაფერი დანარჩენისთვის და ემისიის შესახებ "ბიზნესის კვირეულთან" ინტერვიუში TBC Capital-ის დირექტორმა ოთარ შარიქაძემ და "სილქ როუდ ჯგუფის" ფინანსურმა დირექტორმა ნონა ონიანმა ისაუბრეს.

ოთარ შარიქაძე - TBC Capital, დირექტორი;
ნონა ონიანი - "სილქ როუდ ჯგუფი", ფინანსური დირექტორი;

ინტერვიუერი:
გიორგი ისაკაძ


#ახალიამბები #BusinessMediaGeorgia