პარლამენტმა დაჩქარებული წესით, პირველი მოსმენით, 80 ხმით, „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში“ ცვლილება მიიღო. საკანონმდებლო ცვლილებების მიზანია მუნიციპალიტეტებისთვის არსებული ვალდებულებების შესრულების ვადის გადატანა – 2028 წლის ნაცვლად, 2035 წლის 31 დეკემბრამდე. კანონპროექტის განმარტებით ბარათში აღნიშნულია, რომ ქვეყნის ტერიტორიის 80%-ზე მეტი ამჟამად სივრცის დაგეგმარების გეგმებით დაფარული არ არის, ხოლო მუნიციპალიტეტებს არ აქვთ საკმარისი ფინანსური და ადამიანური რესურსი ამ პროცესის დროულად დასასრულებლად, რის გამოც ამჟამად არსებული ვადა, რაც სივრცითი დაგეგმარების 80%-ის მოცვას 2028 წლის 1 იანვრიდან ითვალისწინებს უმჯობესია მთელი 7 წლით, 2035 წლამდე გადაიწიოს. მთავრობის მიერ მომზადებული განმარტებითი ბარათის თანახმად, დაგეგმილი ცვლილებები ხელს შეუწყობს მუნიციპალიტეტების მხარდაჭერას, ქალაქგეგმარებითი პროცესების გამარტივებას და ქვეყნის ურბანული განვითარების უფრო სისტემურ მართვას. რას შეიძლება ნიშნავდეს მუნიციპალიტეტებში სივრცითი დაგეგმარებითი დოკუმენტების მომზადების ვადის გახანგრძლივებს, რატომ ჭიანურდება მუნიციპალიტეტებში გენგეგმების მომზადება, დამტკიცება და საბოლოოდ რატომ არის გამოწვევა უკვე დამტკიცებული დოკუმენტების აღსრულება?

სტუმარი: მერაბ გუჯეჯიანი - არქიტექტორი

#ახალიამბები #BusinessMediaGeorgia