"ფეხსაცმელი, რომელიც შეუმჩნეველი არ დარჩება" - ეს არის ბრენდი “ხუხუას” მთავარი სლოგანი, კომპანიის რომელიც სულ ერთი წელია რაც საქართველოს ბაზრისთვის, როგორც ამბობენ, ხარისხიან, ფერად, განსხვავებულ ფეხსაცმელს ქმნის. "ხუხუას" დამფუძნებელი პროფესიით მხატვარია და თითოეულ დიზაინს თავისი ხედვით ქმნის. მასვე ეკუთვნის ბრენდის იდეა, რომელიც საქართველოს კუთხეების, განსაკუთრებით კი აფხაზეთის სილამაზით არის შთაგონებული. ერთი წლის თავზე ქართულმა ბრენდმა უკვე საერთაშორისო ბაზრებისკენაც აიღო გეზი და უახლოეს პერიოდში ექსპორტი ყაზახეთიდან დაიწყება, დუბაისკენაც გადაინაცვლებს და შემდეგი გეგმაში ევროპაა.

#ახალიამბები #BusinessMediaGeorgia