გაბონში მიმდინარე, აფრიკის თასის გათამაშებაზე ფეხბურთში, ჯგუფური ეტაპი სრულდება. შეჯიბრს გამოეთიშა მოქმედი ჩემპიონი კოტდიუარის ნაკრები, რომელმაც ჯგუფში, ვერცერთი თამაში ვერ მოიგო. მიშელ დუსიეს გუნდი, გუშინ, მაროკოსთან 0:1 დამარცხდა. მატჩის ერთადერთი გოლი, 64-ე წუთზე ფრანგული ნიმის ფორვარდმა, რაშიდ ალუიმ გაიტანა. ამ გამარჯვებით, მაროკომ შემდგომი ეტაპის საგზური გაინაღდა. მაროკოსთან ერთად, „ცე” ჯგუფიდან კონგოს დემოკრატიული რესპუკლის ნაკრები პირველი ადგილიდან გავიდა.