მადრიდის „რეალის“ სენსაციური მარცხი ესპანეთის სამეფო თასის გათამაშებაზე. ზიდანის გუნდმა, გუშინ, საკუთარ სანტიაგო ბერნაბეოზე, ვიგოს სელტასთან, ანგარიშით 1-2 წააგო.

უგოლო პირველი ტაიმის შემდეგ, სტუმრები 64-ე წუთზე დაწინაურდნენ. მარსელოს შეცდომით, იაგო ასპასმა ისარგებლა და 0-1. Bრაზილიელმა, თავისი შეცდომა მალევე გამოასწორა და ლამაზი დარტყმით, წონასწორობა აღადგინა. ზუსტად ერთ წუთში, ლუკას ვასკესმა, ბურთი მოედნის ცენტრში დაკარგა, რითაც ჯონი კასტრომ ისარგებლა და შანსი ხელიდან არ გაუშვა. 2-1 გალისიური კლუბის გამარჯვება. ამ წყვილის განმეორებითი მეოთხედფინალური მატჩი, 25 იანვარს ვიგოში, ბალაიდოსზე ჩატარდება.