კამერუნის ნაკრები აფრიკის თასის გათამაშების გამარჯვებულია. კამერუნელებმა ფინალში ეგვიპიტის ეროვნული გუნდი ანგარიშით 2-1 დაამარცხეს.

ლიბრევილის სტად ანგორჯენზე გამართული მატჩი საკმაოდ საინტერესო გამოდგა. თავიდან ეგვიპტელები მუჰამედ ელნენიმ, 22-ე წუთზე დააწინაურა. თუმცა ეკტორ რაულ კუპერის გუნდმა ეს უპირატესობა ვერ შეინარჩუნა. 59-ე წუთზე ჯერ ნიკოლა ნკულუმ გაათანაბრა, ხოლო 88-ე წუთზე ვინსენ აბუბაკარმა ეფექტური გოლით კამერუნს გამარჯვება და შესაბამისად ტურნირის ჩემპიონობა მოუტანა.

კამერუნმის ნაკრებმა არსებობის ისტორიაში 15 წლიანი პაუზის შემდეგ, აფრიკის თასი მეხუთედ მოიპოვა. რაც შეეხება ექოტრ რაულ კუპერს, არგენტინელმა სპეციალისტმა საკუთარ კარიერაში მორიგი ფინალი წააგო.