ინგლისის საფეხბურთო თასის გათამაშებაზე ყველა ნახევარფინალისტი გუნდის ვინაობა ცნობილია. კვარტეტი გუშინ ლონდონის "ჩელსიმ" შეავსო.
ანტონიო კონტეს გუნდმა საკუთარ "სტემფორდ ბრიჯზე" "მანჩესტერ იუნაიტედს" უმასპინძლა და უაღრესად დაძაბულ და უხეშ შეხვედრაში მინიმალური ანგარიშით 1-0 აჯობა.
აღსანიშნავია, რომ მანჩესტერელებმა თავისი საუკეთესო ბომბარდირი, ზლატან იბრაჰიმოვიჩის გარეშე ითამაშეს. შვედ ფორვარდს სამმატჩიანი დისკვალიფიკაცია აქვს. პლუს ამას, სტუმრები 35-ე წუთზე 10 კაცით დარჩნენ. ორი ყვითელი ბარათის გამო, მოედნის დატოვება ანდერ ერერას მოუწია.
თამაშის ერთადერთი გოლი კი, 51-ე წუთზე მასპინძელთა ფრანგმა ნახევარმცველმა ნგოლო კანტემ გაიტანა.
ლონდონის "ჩელსი" ნახევარფინალში თანაქალაქელ "ტოტენჰემს" დაუპირისპირდება. მეორე წყვილში კი ურთიერთობას "არსენალი" და "მანჩესტერ სიტი" გაარკვევენ. ნახევარფინალები, 22 და 23 აპრილს გაიმართება