იტალიაში თასის გათამაშების კიდევ ერთი ნახევარფინალისტი გუნდი გამოვლინდა. რომის ლაციომ, სტუმრად სან სიროზე მილანის ინტერი დაამარცხა და საუკეთესო ოთხეულში მოხვდა.
რომელები მეოცე წუთზე ბრაზილიელმა ფელიპე ანდერსონმა დააწინაურა. მატჩის მეორე ნახევრის დასაწყისში მილანელები ათი კაცის შემადგენლობით დარჩნენ, მთავარმა მსაჯმა მირანდა გააძევა. დანიშნული თერთმეტმეტრიანი, გოლად ლუკას ბილიამ გარდასახა.
76-ე წუთზე რიცხობრივი წონასწორობა აღდგა, როდესაც ლაციოს რუმინელმა მცველმა, რადუმ მეორე ყვითელი ბარათი მიიღო.
ინტერმა ერთი ბურთი, 88-ე წუთზე გაქვითა, თავი მარსელო ბროზოვიჩმა გამოიჩინა, თუმცა ეს შეხვედრის გადასარჩენად საკმარისი არ აღმოჩნდა და ნერაძური ტურნირს გამოეთიშა.
ლაციო ნახევარფინალში რომას და ჩეზენას შორის გამარჯვებულს შეხვდება. მეორე ნახევარფინლში კი, ურთიერთობას ტურინის იუვენტუსი და ნაპოლი გაარკვევენ.