გაბონში მიმდინარე აფრიკის ერთა თასის გათამაშებაზე ორივე ფინალისტი გუნდი გამოვლენილია.

ეგვიპტის მეტოქე გადამწყვეტ შეხვედრაში კამერუნის ეროვნული ნაკრები იქნება, რომელმაც გუშინ გამართულ ნახევარფინალში განა ანგარიშით 2-0 დაამარცხა.

კამერუნელებმა ორივე გოლი მეორე ტაიმში გაიტანეს. 72-ე წუთზე, ანგარიში მაიკლ ნგადეუ ნგაჯუიმ გახსნა. ხოლო მსაჯის მიერ დამატებულ მესამე წუთზე, კრისტიან ბასოსოგმა თამაშს საბოლოო წერტილი დაუსვა.

აღსანიშნავია, რომ კამერუნის ეროვნული გუნდი ამ ტურნირის ფინალში მეშვიდედ გავიდა, ტიტული კი ოთხჯერ აქვს მოპოვებული.

რაც შეეხება ეგვიპტეს, ამ ნაკრებს აფრიკის თასის რვიდან შვიდი ფინალი აქვს მოგებული. კამერუნი - ეგვიპტის ფინალური შეხვედრა 5 თებერვალს ლიბრევილის სტად ანგორჯენზე ჩატარდება.