ბოლო პერიოდში ბაზრობებზე გაჩენილმა რამდენიმე მასშტაბურმა ხანძარმა კიდევ ერთხელ გამოკვეთა ქონებასთან დაკავშირებული რისკების დაზღვევის საჭიროება. დაზღვევის ეს სახეობა ბოლო წლებში იზრდება, თუმცა არა სწრაფი ტემპით, როგორც ამაზე ბაზრის მოთამაშეები აცხადებენ. დაზღვევის სახეობებიდან ქონების დაზღვევა სექტორის პორტფელში წამყვანი არ არის, თუმცა ჯანმრთელობის და სახმელეთო ტრანსპორტის დაზღვევის სახეობების შემდეგ მოზიდული პრემიის მიხედვით ქონების დაზღვევას მესამე პოზიცია უჭირავს. მაგალითად, გასულ წელს სექტორმა ქონების დაზღვევიდან 132 მლნ ლარის პრემია მოიზიდა. სტუმრები: დევი ხეჩინაშვილი - სადაზღვევო კომპანიათა ასოციაციის ხელმძღვანელი; ბესო ორთოიძე - "არსის" გენერალური დირექტორი #ახალიამბები #BusinessMediaGeorgia
ყველაფერი საკრუიზო მოგზაურობის შესახებ სტუმარი: ანა კირკიტაძე - "ვინგლეთის" დამფუძნებელი #ახალიამბები #BusinessMediaGeorgia
ხელოვნური ინტელექტის განვითარებასა და პოპულარიზაციას თან ბევრი შფოთვა და შიში ახლავს, ხშირად გვესმის მოსაზრებები, რომ ამან შეიძლება სამუშაო ადგილები შეამციროს, ადამიანური რესურსი ჩაანაცვლოს და რეალობა სრულად შეცვალოს. სტატისტას მონაცემების მიხედვით, ხელოვნური ინტელექტში ყველაზე მეტ საფრთხეს ექსპერტები და რიგითი მოქალაქეები ხედავენ. როგორ გამოიყურება მათი შეხედულებები? #ახალიამბები #BusinessMediaGeorgia
BDO Digital, რომელიც BDO-ს გლობალური ქსელის ნაწილია, არსებობის ისტორიაში პირველად ქმნის ბრენდ კამპანიას სახელწოდებით – „ტრანსფორმაცია მოქმედებაშია“. რა გამოცდილება და ხედვა უდგას ამ გზავნილს, როგორ პასუხობს ის თანამედროვე ტენდენციებს და რას სთავაზობენ ბიზნესებს, ციფრულ სტრატეგიასა და ინოვაციებზე ორიენტირებულ სამყაროში? სტუმრები: ზვიად ორაგველიძე - BDO საქართველოს პარტნიორი, BDO Digital-ის ხელმძღვანელი; ანანო ციცვიძე - BDO საქართველოს ბრენდის და მარკეტინგის დეპარტამენტის ხელმძღვანელი #ახალიამბები #BusinessMediaGeorgia
გლობალური ბაზრებისა & ბირჟების მიმოხილვა - Galt & Taggart - ყოველკვირეული ანალიტიკა / Global Markets Weekly Update სტუმარი: ანი სამხარაძე - Galt & Taggart-ის ასოცირებული ბროკერი; #ახალიამბები #BusinessMediaGeorgia
საქართველოს ეკონომიკის მიმოხილვა - Galt&Taggart;-ყოველკვირეული ანალიტიკა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
ყვარლის რაიონის სოფელ თხილისწყაროში ახალი ტურისტული კომპლექსი - "ანაპეა ვილიჯი" გაიხსნა, რომელიც ერთგვარ ცოცხალი მუზეუმის სივრცეს ქმნის, სადაც ქართული ტრადიციული ელემენტებითა და იდეით შექმნილი სახლები, საკვები სივრცეები, ღვინის სადეგუსტაციოები თუ სხვა, კომფორტზე ორიენტირებული ლოკაციებია გაერთიანებული. ანაპეას სოფლის ისტორია ღვინის წარმოებითა და ვენახების გაშენებით იწყება, თუმცა მალევე, მისმა დამფუძნებლებმა გადაწყვიტეს, რომ სტუმრებისთვის სრულყოფილი სივრცე შეეთავაზებინათ და ასე, მეცხრამეტე საუკუნის ინსპირაციით, ისტორიული სოფელი შექმნეს. #ახალიამბები #BusinessMediaGeorgia
საქართველოში მოქმედმა 10-მა უმსხვილესმა აუდიტორულმა კომპანიამ გასული წელი 67.2 მილიონი ლარის მიღებული შემოსავლით დახურა. 2023 წელთან შედარებით, 2024 წელს, კომპანიების ერთობლივად დაგენერირებული შემოსავლები 32.7%-იან ზრდას აჩვენებს. რომელი აუდიტორული კომპანიები პოზიციონირებენ რეიტინგის ათეულში და როგორ განისაზღვრება თითოეული მათგანის შემოსავალი? #ახალიამბები #BusinessMediaGeorgia
#საუბრები ბიზნესსა და ევროკავშირზე - შესაბამისობა და კეთილსინდისიერება ბიზნეს სექტორში რუბრიკის წამყვანი: ბაკურ კვარაცხელია - გაეროს გლობალური შეთანხმების საქართველოს ქსელი, პროექტებისა და ფონდების მოძიების მიმართულების ხელმძღვანელი; სტუმრები: რუსუდან კერვალიშვილი - საქართველოს ბანკის შესაბამისობისა და სამართლებრივი რისკების მართვის სამსახურის უფროსი; რუსუდან მაჭარაშვილი - MBC-ის იურიდიული დეპარტამენტის უფროსი #ახალიამბები #BusinessMediaGeorgia
საქსტატმა 2025 წლის აპრილის ინფლაციის ანგარიში გამოაქვეყნა, რომლის მიხედვითაც გასული თვის განმავლობაში ქვეყანაში ფასები წლიურად 3.4%-ით არის გაზრდილი. საქსტატი ინფლაციას ყოველთვიურად 305 დასახელების საქონლისა და მომსახურების ფასების გამოკვლევით ითვლის. ანგარიშის თანახმად, გასული თვის განმავლობაში ყველაზე მეტად გაძვირებულ პროდუქტს შორის ძირითადად ხილ-ბოსტნეულია, მათ შორის პირველ ადგილზე ლიმონია. კიდევ რომელ პროდუქტებს შეეხო ფასთა მატება გასულ თვეს ყველაზე მეტად? #ახალიამბები #BusinessMediaGeorgia
ქართული თხილის ფასი ადგილობრივ და საერთაშორისო ბაზრებზე გაზრდილია. არსებული მონაცემით, ბოლო თვეებში ფასის ზრდა 20%-ს აღწევს, მიზეზი კი თურქეთში არსებული კლიმატური პირობებია. აპრილში დაფიქსირებულმა ყინვებმა მოსავლის 30%-მდე დაზიანება გამოიწვია, ამასთან ფაროსანას პრობლემის გამო მოლოდინია, რომ წელს თურქეთი არსებული პოტენციალის მხოლოდ 60%-ს გამოიყენებს. რა მოლოდინებია საქართველოში როგორც რაოდენობის, ისე ფასის ნაწილში? #ახალიამბები #BusinessMediaGeorgia
როგორ შეიქმნა დევიდ ბექჰემის ბრენდი? #ახალიამბები #BusinessMediaGeorgia
მსოფლიოს ყურადღება უკრაინის ომის გარდა კიდევ ერთი შესაძლო კონფლიქტისკენ არის მიპყრობილი, რომელიც თავისი მასშტაბით შესაძლოა არათუ ჩამოუვარდეს, არამედ გადააჭარბო უკრაინა-რუსეთის სამხედრო დაპირისპირებას. საუბარია ინდოეთის და პაკისტანის დაპირისპირებაზე, რომელიც სრულად გადაზრდილია დიპლომატიურ ომში და ეკონომიკური ემბარგოს რეჟიმში. ვითარება, ისეთი დაძაბულია რომ ინდოეთის პრემიერ მინისტრმა და თავდაცვის მინისტრმა გააუქმეს მოსკოვში ვიზიტი წითელ მოედანზე გამარჯვების დღის 80 წლის აღსანიშნავად, და აზიის ერთ-ერთი უდიდესი სახელმწიფოს სახელით მას ინდოეთის თავდაცვის მინისტრის მოადგილე დაესწრება. რა ეტაპზეა კონფლიქტი და რა პირი უჩანს მას? #ახალიამბები #BusinessMediaGeorgia
კვირას რუმინეთში ჩატარებული საპრეზიდენტო არჩევნების პირველ ტურში, წინასწარი შედეგების თანახმად, ნაციონალისტური პარტიის — „ალიანსი რუმინელთა გაერთიანებისთვის“ — კანდიდატმა, ჯორჯ სიმიონმა, ხმების 40.1%-ით გაიმარჯვა. ცენტრალური საარჩევნო კომისიის მიერ ბიულეტენების 95%-ის დათვლის შემდეგ ჩანს, რომ სიმიონმა პირველივე ტურში გამარჯვებისთვის საჭირო რაოდენობის ხმები ვერ დააგროვა, რის გამოც არჩევნების მეორე ტური გაიმართება. #ახალიამბები #BusinessMediaGeorgia
#საქმიანიდილა - 6 მაისი - პროლოგი #ახალიამბები #BusinessMediaGeorgia
Google Analytics: BMG 3 მლნ-ჯერ წაიკითხეს - წლიური ზრდა 70%-ია (აპრილი) #ახალიამბები #BusinessMediaGeorgia
ეკონომიკური პრობლემების გაღრმავების შემთხვევაში, მოსახლეობა ხარჯების შემცირების სამიზნედ პირველ რიგში HORECA სექტორს განიხილავს - „ეისითი კვლევის“ შედეგების მიხედვით, თუ ფინანსური მდგომარეობა გაუარესდება, მოსახლეობის 30% ხარჯების დაზოგვას მოგზაურობასა და დასვენებაზე, ხოლო 29% - გართობის მიმართულებით გეგმავს. რა ხდება დღეისთვის, რამდენად აქტიურობენ ქართველები უცხოეთში მოგზაურობის თვალსაზრისით და როგორია 2025 წლის ზაფხულის სეზონისთვის ფასები? სტუმარი: მამუკა კელაურაძე - გამყვანი ტურიზმის ასოციაციის თანადამფუძნებელი; ტურისტული სააგენტო "კლარკ რობინსის" აღმასრულებელი დირექტორი #ახალიამბები #BusinessMediaGeorgia
რა ტენდენციებია გლობალურ სასურსათო ბაზარზე? სტუმარი: ჯუბა მარუაშვილი - "FAO საქართველოს" პოლიტიკის უფროსი მრჩეველი #ახალიამბები #BusinessMediaGeorgia
ქართული თხილის საექსპორტო ფასი გაზრდილია. არსებული მონაცემით, წინა წელთან შედარებით მატება 15%-ის ფარგლებშია.მზარდია მოთხოვნაც, რასაც ექსპორტიორები გლობალური ტენდენციით ხსნიან და არ გამორიცხავენ, რომ ზრდა უახლოეს მომავალში კიდევ გაგრძელდეს. სექტორის წარმომადგენლების თქმით, შესაძლოა ფასი 10 წლის წინანდელ რეკორდულ ფასსაც მიუახლოვდეს. რა ღირს დღეს ქართული თხილი ადგილობრივ და საერთაშორისო ბაზრებზე და რა მარაგია დარჩენილი? სტუმარი: ჯენერ ბელქანია - "ჯეო-ნათსის" დირექტორი #ახალიამბები #BusinessMediaGeorgia
ბოლო ორ წელიწადში, საქართველო მედიის თავისუფლების ინდექსში 37 ადგილით ჩამოქვეითდა -ამის შესახებ ორგანიზაცია „რეპორტიორები საზღვრებს გარეშეს“ მიერ გამოქვეყნებული ანგარიშიდან ხდება ცნობილი. 2025 წლის მედიის თავისუფლების ინდექსის მიხედვით, საქართველოს პოზიცია 11 ადგილით ჩამოქვეითდა. კერძოდ, უახლესი შეფასებით, 180 ქვეყანას შორის 114-ე ადგილზე ვიმყოფებით, მაშინ როცა 2024 წელს ინდექსში 103-ე ადგილი გვეკავა. 2023 წელს კი ჩვენი პოზიცია 77-ე იყო. ორგანიზაცია აღნიშნავს, რომ საქართველოში, სახელმწიფოს ჩარევა ძირს უთხრის პრესის თავისუფლების გაუმჯობესების მცდელობებს. "ოპოზიციური მედიისთვის გარემო რჩება მტრული, ჟურნალისტებზე სიტყვიერი და ფიზიკური თავდასხმების მზარდი რაოდენობით. უცხოური გავლენის“ და „ოჯახური ღირებულებების“ შესახებ კანონების მიღება ჟურნალისტების მარგინალიზებას ახდენს, ცენზურის ქვეშ აქცევს მათ და ამცირებს სივრცეს სიტყვის თავისუფლებისთვის", - წერია შეფასებაში. სტუმრები: ნანა ბიგანიშვილი - სტუდია მონიტორის რედაქტორი და ჟურნალისტური ეთიკის ქარტიის საბჭოს წევრი; ნატალია ვახტანგიშვილი - მედია პროექტის კოორდინატორი, საერთაშორისო გამჭვირვალობა საქართველო #ახალიამბები #BusinessMediaGeorgia
#ავიაციისსიახლეები: ✈️ მოსკოვსა და დროებით ოკუპირებულ აფხაზეთს შორის ავიამიმოსვლა დაიწყო; ✈️ ვგმობთ [ოკუპირებული აფხაზეთის] აეროპორტის საერთაშორისო ნორმების დარღვევით ოპერირებას - დავითაშვილი; ✈️ „ახლა სახელმწიფოსთან მოლაპარაკებები მხოლოდ 2027-2028 წლებში თბილისის აეროპორტის მზაობაზე გვაქვს“ - თეა ზაქარაძე; ✈️ რა ღირს ბილეთი ქუთაისიდან მადრიდის მიმართულებით Wizz air-ის აღდგენილ რეისებზე? ✈️ „ჯორჯიან ეარვეისმა“ რომის მიმართულებით პირდაპირი ფრენები დაიწყო;
უახლესი მონაცემებით, საქართველოში ავიაგადაზიდვების მოცულობა 34%-ით გაიზარდა, ზრდა სხვადასხვა ფაქტორით აიხსნება მათ შორის, წითელი ზღვის კრიზისით, რამაც საზღვაო მარშრუტების შეფერხება გამოიწვია და ტვირთების გადაზიდვა საჰაერო გზით დაიწყო. მეორე მიზეზად ორგანიზაცია ელექტრონული ვაჭრობის ზრდას ასახელებს, ასევე გაზრდილია ჩინეთში გაზრდილი ტვირთების მოცულობაც. რა ტვირთებზეა ყველაზე მაღალი მოთხოვნა, რომელი მიმართულებებია აქტიური და როგორ იყენებს საქართველო მის გეოგრაფიულ უპირატესობას? სტუმარი: გიორგი სეთურიძე - პროექტი "კამექსის" ხელმძღვანელი #ახალიამბები #BusinessMediaGeorgia
ქვევრის საერთაშორისო დღე საქართველომ წელს პირველად აღნიშნა. ეს თარიღი არ ეხება მხოლოდ ღვინოს - ის ხაზს უსვამს უძველეს ქართულ ტრადიციას, რომელიც იუნესკოს არამატერიალური კულტურული მემკვიდრეობის ნაწილია. ქართული ღვინო, მათ შორის ქვევრის მეთოდით დაყენებული, ქვეყნის ერთ-ერთი მთავარი საექსპორტო ნაწილია და სწორედ ახლა, გადავხედოთ ბოლო სტატისტიკას, როგორია ღვინის ექსპორტის მაჩვენებლები, სად მიემართება ქართული ღვინო და რომელი ქვეყნები რჩებიან ჩვენს ძირითად პარტნიორებად. სტუმარი: შალვა ხეცურიანი - საქართველოს სომელიეთა ასოციაციის პრეზიდენტი #ახალიამბები #BusinessMediaGeorgia
JCI აკრედიტებულმა კავკასიის მედიცინის ცენტრმა ონკოლოგიის ექთნების პირველ კონფერენციას უმასპინძლა, ღონისძიებას ექთნების საერთაშორისო თვის ფარგლებში ჩატარდა. კონფერენცია საქართველოს ონკოლოგიის ექთნების ასოციაციისა და კავკასიის მედიცინის ცენტრის თანამშრომლობით ჩატარდა და ისეთი საკითხები მოიცვა - როგორიცაა: პაციენტზე ორიენტირებული ზრუნვა, ექთნის როლი ონკოლოგიაში. კონფერენციის მთავარი მიზანი აუდიტორიისთვის დარგის აქტუალური თემების გაცნობა გახლდათ. მათ შორის: პრევენციის, სკრინინგის, მკურნალობისა და მკურნალობის გვერდითი მოვლენების მართვა. ღონისძიებაზე კავკასიის მედიცინის ცენტრში, საექთნო მიმართულებით დანერგილი უახლესი პროცესები და მეთოდოლოგიებიც განიხილეს. #ახალიამბები #BusinessMediaGeorgia
კლასიკური მანქანების სააუქციონო სახლი Classic-Car-Auctions აქვეყნებს 2025 წლის პირველ კვარტალში გაყიდული ყველაზე ძვირად ღირებული მანქანების სიას, რომელშიც ჭარბად შეხვდებით, როგორც თანამედროვე ჰიპერქარებს ასევე 1930-იანი წლების რეტრო ავტომობილებსა და ფორმულა ერთის ბოლიდებს. სააუქციონო სახლის მიხედვით რომელი ავტომობილები გასხვისდა ყველაზე ძვირად მიმდინარე წელს? #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
#საქმიანიდილა - 5 მაისი - პროლოგი #ახალიამბები #BusinessMediaGeorgia
სამშენებლო და სარემონტო მასალების კომპანია ნოვამ ქუთაისში ლოკაცია შეიცვალა და ახალი ფილიალი, 9 აპრილის ქუჩის 2 ნომერში გახსნა. ქუთაისის საგამოფენო სივრცეში წარმოდგენილია ფართო სპექტრი არა მხოლოდ იმპორტირებული, არამედ თავად ნოვას მიერ წარმოებული პროდუქციის. გეტყვით იმასაც, კომპანია დღეის მდგომარეობით 7 ფილიალსა და 2 ფრენჩაიზს აერთიანებს, მათ შორის ცხადია ქუთაისის ახალი ფილიალიც მოიაზრება. #ახალიამბები #BusinessMediaGeorgia
საქართველოს წყლის რესურსების ანალიზი ADB-ისგან - ინტერვიუ მათიას ლაიტნერთან ინტერვიუ: მათიას ლაიტნერი - ADB-ის ბუნებრივი რესურსებისა და სოფლის მეურნეობის ეკონომისტი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
4 მაისი, ღვინის ბარი „საამური“, FABRIKA Tbilisi-ში, უკვე მეოთხედ უმასპინძლებს „საამური ბუნებრივი ღვინის სალონს“ – ღონისძიებას, რომელიც მიზნად ისახავს ორგანული და ბუნებრივი ღვინის კულტურის პოპულარიზაციას საქართველოში. წლევანდელ სალონში მონაწილეობას მიიღებს 40-მდე მცირე მარანი, რომლებიც მხოლოდ ორგანულად მოყვანილი ყურძნითა და ბუნებრივი მეთოდებით აყენებენ ღვინოს. გარდა ამისა, ღონისძიებას დაესწრებიან უცხოელი მეღვინეები, რომლებიც საკუთარ გამოცდილებას გაუზიარებენ სტუმრებს და წარმოადგენენ საკუთარ ნატურალურ ღვინოებს. სტუმარი: მაია ჭოხონელიძე - „საამური ბუნებრივი ღვინის სალონის” ორგანიზატორი #ახალიამბები #BusinessMediaGeorgia
ანიმაციური ფილმების ჟანრი ერთ-ერთი ყველაზე პოპულარული და მოთხოვნადია კინო ინდუსტრიაში. ეს ძირითადად ბავშვების ინტერესითაა გამოწვეული, რომელთაც ხშირად ერთი და იგივე მულტფილმის მრავალჯერ ნახვა სურთ. საქმე ისაა, რომ ინდუსტრიაში ახალი სარეკორდო ნიშნული დამყარდა. აქამდე თუკი ყველაზე შემოსავლიანი ანიმაციური ფილმის სტატუსს გასულ წელს გამოსული “თავდაყირას” მეორე ნაწილი იკავებდა, წელს რეკორდი ახალმა ანიმაციამ გადაიბარა. “Ne Zha 2” ან მეორენაირად “ნაზას ხელმეორედ დაბადება 2” ჩინური ანიმაციაა, რომელმაც ყველა საფასო კატეგორიაში ახალ მწვერვალებს მიაღწია. #ახალიამბები #BusinessMediaGeorgia
BMG & E-Motors Georgia & Jetour Georgia წარმოგიდგენთ #BMGDRIVE-ს:
მსოფლიოს ყველაზე ძლიერი პასპორტების რეიტინგი შეიცვალა - წინა წლისგან განსხვავებით, წელს ყველაზე გავლენიანი პასპორტის მქონე ქვეყანა ირლანდია გახდა. თუმცა, ათეულში ევროპის ქვეყნების ლიდერობა არ შეცვლილა. როგორ გამოიყურება აღნიშნული რეიტინგი და რის მიხედვით დგინდება? #ახალიამბები #BusinessMediaGeorgia
გათბობა-გაგრილების კომპანია "ლიდერ კლიმატი" - რას წარმოადგენს ბიზნესი? სტუმარი: ზურა ქებაძე - "ლიდერ კლიმატი", დამფუძნებელი #ახალიამბები #BusinessMediaGeorgia
ინოვაციური სასოფლო-სამეურნეო პროდუქციისა და აგროტექნიკის იმპორტიორ კომპანია აგროსფეროს 20 საქართველოს ბაზარზე წელი შეუსრულდა, რის აღნიშვნაც კომპანიამ მომხმარებლებთან ერთად მრავალფეროვანი აქტივობებით, აქციებითა და სიურპრიზებით დაგეგმა. აგროსფეროს გუნდმა, საიუბილეო წელი წამახალისებელი გათამაშებით გახსნა, რომელიც მომხმარებლებს საშუალებას აძლევს მოიგონ ერთი ან რამდენიმე პრიზი 250-ზე მეტი პროდუქტიდან. გათამაშება– 15 აპრილს დაიწყო და 14 ივლისის ჩათვლით გრძელდება. ვინც ახლა საგაზაფხულო სამუშაოებში ხართ აქტიურად ჩართული, დროულია აგროსფეროს შეთავაზება და გათამაშება. #ახალიამბები #BusinessMediaGeorgia
საქართველოს ბიზნეს ასოციაცია მიმდინარე კვირაში კიდევ ერთ წევრ კომპანიასთან იმყოფებოდა, BAG-ის წარმომადგენლები ამჯერად სამშენებლო მასალების იმპორტიორ და რეალიზატორ კომპანია “ჯითისი ჯგუფში” იმყოფებოდნენ. ეს არის კომპანია, რომელიც საქართველოში საყალიბე ინვენტარის მწარმოებელი წამყვანი ავსტრიული ბრენდის “დოკას” ექსკლუზიური დისტრიბუტორია და ქართული ბაზრისთვის ევროპული ხარისხის სამშენებლო მასალის მიწოდებას უზრუნველყოფს. #ახალიამბები #BusinessMediaGeorgia
საზოგადოებრივი გაერთიანება“ მოძრაობა კულტურული მემკვიდრეობისთვის“ აგრძელებს კამპანიას“ მე დავრგე ხე“, რომლის მიზანს წლების განმავლობაში კომპანია“ არემჯის“ სამთო საქმიანობის შედეგად გარემოზე მიყენებული ზიანის გამოსასწორებელ სამუშაოებში ადგილობრივი მოსახლეობის, განსაკუთრებით კი მოსწავლე- ახალგაზრდების აქტიური ჩართვა წარმოადგენს. კამპანიამ სტარტი გასულ წელს აიღო, გუშინ კი ბოლნისის მუნიციპალიტეტში ხის დარგვის სამუშაოები მეორედ ჩატარდა, რომელშიც დაბა კაზრეთისა და დმანისის მუნიციპალიტეტის საჯარო სკოლების მოსწავლეები, მასწავლებლები და არემჯის თანამშრომლები მონაწილეობდნენ. #ახალიამბები #BusinessMediaGeorgia
ათწლეულების განმავლობაში მსოფლიოს ყველაზე მაღალი შენობა, 1930-იან წლებში ამერიკელი ხალხისთვის ახალი ერის დასაწყისისა და დღემდე ნიუ-იორკული ოცნებების ასრულების უმთავრესი სიმბოლო - Empire State Building უკვე 91 წელს ითვლის. როგორ მოიპოვა შენობამ წარმატება და შემდგომ როგორ შეინარჩუნა დიდებაც და დიდებულებაც. ასევე, რა გამოწვევები შეხვდა გზად და საბოლოოდ, როგორი გამოსავალი იპოვა კრიზისებიდან? #ახალიამბები #BusinessMediaGeorgia
"აშშ-ისთან ურთიერთობა დასრულებულია" - კანადა ევროპას ირჩევს? #ახალიამბები #BusinessMediaGeorgia
#საქმიანიდილა - 2 აპრილი - პროლოგი #ახალიამბები #BusinessMediaGeorgia
მსოფლიოს უხუცესი ადამიანი, ბრაზილიელი მონაზონი ინა კანაბარო ლუკასი, 116 წლის ასაკში გარდაიცვალა.ამის შესახებ ინფორმაცია პორტო ალეგრეს რელიგიურმა თემმა გაავრცელა. მათი თქმით, "დაბადებისას კანაბარო სუსტი ბავშვი იყო და ბევრს ეჭვი ეპარებოდა, რომ ის გადარჩებოდა." ინა კანაბარო ლუკასი 1908 წლის 8 ივნისს დაიბადა, ის მონაზონი 1934 წელს, 26 წლის ასაკში გახდა. სხვათა შორის, მონაზონმა ინა კანაბარომ 110 წლის იუბილეზე დალოცვა პირადად რომის პაპის, ფრანცისკესგან მიიღო, ხოლო 2022 წელს კოვიდიც გადაიტანა. ინფორმაციისთვის კი ახლა უხუცესი ადამიანი 115 წლის ინგლისელი ქალი, ეთელ კატერჰემია. #ახალიამბები #BusinessMediaGeorgia
სადგურის მიმდებარედ ე.წ. ბორჯომის ბაზრობაზე გუშინ დილით ხანძარი გაჩნდა. შედეგად 15 000 კვ.მ-ის ფართობზე ბაზრობა და განთავსებული სავაჭრო მცირე მაღაზიები დაიწვა. ხანძრის ლიკვიდაციაზე 30 სახანძრო-სამაშველო ბრიგადა მუშაობდა, თუმცა ცეცხლის ჩაქრობა მხოლოდ 9:30 საათისთვის გახდა შესაძლებელი. შემთხვევის ადგილზე დილიდან იმყოფებოდნენ მოვაჭრეები, მათი თქმით თითოეულის მინიმალური ზარალი 20 000 - 50 000 ლარამდეა, რიგ შემთხვევაში კი ფინანსური დანაკარგი 0.5 მლნ ლარსაც აღწევს. რა წილს ჰქონდა ქონება დაზღვეული და რას ვსწავლობთ მსგავსი შემთხვევების შემდეგ? სტუმარი: კონსტანტინე მანჯგალაძე - ჯიპიაი ჰოლდინგის NLI ბაზარზე განვითარების დირექტორის მოადგილე #ახალიამბები #BusinessMediaGeorgia
ჩაის ინდუსტრიის წარმომადგენლებთან სოფლის მეურნეობის მინისტრმა დავით სონღულაშვილმა შეხვედრა ცოტა ხნის გამართა. რა საკითხები განიხილეს უწყებაში და რა აწუხებს ინდუსტრიას? სტუმარი: თენგიზ სვანიძე - საქართველოს ჩაის მწარმოებელთა ასოციაციის პრეზიდენტი #ახალიამბები #BusinessMediaGeorgia
თურქეთიდან შემოტანილი პომიდორი ექსპორტიორ ქვეყანაში გაბრუნებას დაექვემდებარა. ამის შესახებ ინფორმაცია გუშინ შემოსავლების სამსახურმა გაავრცელა. საუბარია 32 039 კგ პროდუქციაზე, რომელზეც საკარანტინო მავნე ორგანიზმისთვის დამახასიათებელი კვალი გამოვლინდა. აღსანიშნავია, რომ საქართველოში იმპორტირებული პომიდვრის 96% სწორედ თურქეთზე მოდის. კერძოდ, სტატისტიკის ეროვნული სამსახურის მონაცემებით, წელს იანვარ-მარტში საქართველოში ჯამში 7 522 ტონა პომიდორი შემოვიდა, აქედან 7 224 ტონა თურქეთიდან. ხუთეულშია აზერბაიჯანი, ირანი, ესპანეთი და ნიდერლანდები. წელს საქართველოს ბაზარზე არსებული ხილ-ბოსტნეული გასული წლის ანალოგიურ პერიოდთან შედარებით მნიშვნელოვნად ძვირია, ამის ერთ-ერთი მთავარი მიზეზი კი სწორედ ზემოთ ხსენებულ თურქეთში არსებული მცირე მოსავალია. სტუმარი: ვახტანგ ბეჟიტაშვილი - „ხილ-ბოსტნეულის ექსპორტიორთა ასოციაციის“ პრეზიდენტი; #ახალიამბები #BusinessMediaGeorgia
მშენებლობის ნებართვები & ექსპლუატაციაში მიღებული ობიექტების რაოდენობა შემცირდა - რას აჩვენებს ბაზარი? სტუმრები: ზუკა თავყელიშვილი - Galt & Taggart-ის ასოცირებული მკვლევარი; თამარ კანთელაძე - „სეილკომის“ დამფუძნებელი; #ახალიამბები #BusinessMediaGeorgia
დეველოპერულმა კომპანია “თეთრ კვადრატმა” კომპანია „მეპერსთან“ და პროკრედიტ ბანკთან ურთიერთთანამშრომლობის მემორანდუმი გააფორმა, რომლის ფარგლებშიც თეთრი კვადრატის მინდელის პროექტში OTIS-ის ბრენდის უმაღლესი ხარისხის ლიფტები დამონტაჟდება, ამასთან კომპანიის “მინდელის პროექტი” პროკრედიტ ბანკთან პარტნიორობით განხორციელდება. ეს სამმხრივი თანამშრომლობა დამატებით ხელს შეუწყობს პროექტის წარმატებით დასრულებას. #ახალიამბები #BusinessMediaGeorgia
მარტში ეკონომიკა 9% ით გაიზარდა, I კვარტალის საშუალო რეალური ზრდა 9.3%-ია. ეკონომიკური ზრდა თებერვალთან შედარებით დაჩქარდა, გაზრდილია მსხვილ გადამხდელთა ბრუნვაც, რამაც 14 მილიარდს გადააჭარბა, წლიური ზრდის ტემპი კი 10.8% იყო. ზრდა დაფიქსირდა ინფორმაცია და კომუნიკაციის, პროფესიული სამეცნიერო და ტექნიკური საქმიანობების სექტორში, სამშენებლო, საფინანსო და სატრანსპორტო- ლოგისტიკურ სექტორში. კლებაა დამამუშავებელ მრეწველობაში. სტუმარი: ოთარ ნადარაია - "თიბისი ჯგუფის" მთავარი ეკონომისტი #ახალიამბები #BusinessMediaGeorgia
საქართველოს ბანკი განაგრძობს ინოვაციური ბიბლიოთეკების გახსნას და ის ქვეყნის 11 რეგიონის მასშტაბით უკვე 25 სკოლაში ფუნქციონირებს. რიგით 25-ე ინოვაციური ბიბლიოთეკა ანუ იდეათეკა ქარელის რაიონის, სოფელ ძლევიჯვარში გაიხსნა, რომელმაც ბავშვებში ახალი მოტივაცია დანერგა და დიდი სიხარული გამოიწვია. #ახალიამბები #BusinessMediaGeorgia
ქართული კომპანია "დეველორი" მსოფლიოს 18 ქვეყანაში არის წარმოდგენილი, აგერ უკვე თითქმის 10 წელიწადია კომპანია ნერგავს კორპორაციული სწავლებისა და განვითარების ევროპულ სტანდარტს საქართველოშიც. უამრავ სხვადასხვა საკონსულტაციო სერვისს შორის, კომპანია "დეველორ ინნერნეშენალი" უკვე მეორე წელიწადია ატარებს საავტორო კვლევას, L&D Kaleidoscope რომელიც კორპორაციული სწავლებისა და განვითარების ტენდენციების ღრმად გაანალიზებას. კვლევა 2025 წლის დასაწყისში ჩატარდა და მასში მონაწილეობდა 1 770-ზე მეტი HR და L&D პროფესიონალი 24 სხვადასხვა ქვეყნიდან – მათ შორის საქართველოდანაც. სტუმარი: მარიამ დულსკიენე - „დეველორ საქართველოს“ მმართველი დირექტორი; #ახალიამბები #BusinessMediaGeorgia