ონლაინ კონვერტაციის პირველი პლატფორმა Kursi.ge საქმიანობის ერთ წელს აღნიშნავს და პარტნიორებთან ერთად შედეგებს აჯამებს. Kursi.ge-იმ თავის კორპორატიულ მომხმარებლებსა და პარტნიორებს 24 ოქტომბერს რედისონში გამართულ ღონისძიებაზე უმასპინძლა. კომპანიაში აცხადებენ, რომ ეს მათი მხრიდან ერთგვარი სამადლობელი მასპინძლობა იყო, თანამშრომლობისა და ერთგულებისთვის. ასევე, ამ ღონისძიებით ის წარმატებები აღინიშნა, რომელსაც პლატფორმამ ამ ერთი წლის განმავლობაში მიაღწია - ამ ეტაპზე Kursi.ge-ის 100 000-ზე მეტი ფიზიკური და 4 000-ზე მეტი კორპორატიული მომხმარებელი ჰყავს. სამომავლოდ კი დიდი გეგმები აქვთ, რომელიც როგორც მობილური აპლიკაციის, ისე ოფისის გახსნასაც მოიაზრებს.

#ახალიამბები #BusinessMediaGeorgia