ფინანსთა სამინისტროს მომზადებული საგადასახადო დანახარჯების ანალიზის თანახმად, 2024 წელს ბიუჯეტმა საგადასახადო შეღავათების გამო 6.4 მილიარდი ლარი ვერ მიიღო. ყველაზე მეტი საგადასახადო შეღავათი დამატებული ღირებულების გადასახადს უკავშირდება. 2024 წელს დღგ-ს საგადასახადო დანახარჯებმა მთლიანი დანახარჯების 94% შეადგინა. ეს დანახარჯები ძირითადად მოდის იმ სექტორებიდან, რომლებიც დაბეგვრისგან ნაწილობრივ ან სრულად თავისუფლდებიან, მათ შორისაა: ჯანდაცვის, ფარმაცევტული, განათლებისა და ასევე სოფლის მეურნეობის სექტორი.

ამ უკანასკნელის შემთხვევაში, 2024 წელს ბიუჯეტმა 617 მილიონი ლარი ვერ მიიღო. ექსპერტების მოსაზრებით, სექტორში არსებული დღგ-ის ნულოვანი დაბეგვრის მექანიზმი არა მხოლოდ საბიუჯეტო შემოსავლებს ამცირებს, არამედ ფერმერებისთვისაც დამაზიანებლად მოქმედებს და ადგილობრივი წარმოების პროდუქტს, იმპორტირებულთან შედარებით, კონკურენტულ უპირატესობას აკარგვინებს.რა გამოწვევებზე საუბრობენ ინდუსტრიაში და როგორ ესახებათ მათი გადაჭრის გზები?

#ახალიამბები #BusinessMediaGeorgia