პოლონეთის ეროვნულმა საარჩევნო კომისიამ საარჩევნო უბნების 100%-ის დათვლის შედეგები გამოაქვეყნა, რომლის მიხედვითაც პოლონეთის საპრეზიდენტო არჩევნებში „ეროვნული მეხსიერების ინსტიტუტის" დირექტორმა, კონსერვატორმა კაროლ ნავროცკიმ გაიმარჯვა - ვინ არის და რას წარმოადგენს პოლონეთის ახალი პრეზიდენტი პან ნავროცკი? #ახალიამბები #BusinessMediaGeorgia
ხუთი მცირე ბიზნესი, რომლებმაც ტრამპის ტარიფები გაასაჩივრეს
მსოფლიოს ეკონომისტთა საზოგადოებამ გუშინ შეიტყო ლეგენდარული მაკროეკონომისტის, სტენლი ფიშერის გარდაცვალების შესახებ, რომელიც 81 წლის ასაკში აღესრულა. ყველაზე კარგად, ალბათ ნიუორკი ტაიმსი აღწერს მისი პიროვნების მასშტაბს: მისი რბილი, მართვის გამორჩეულად კონსესური სტილი ათწლეულების მანძილზე განსაზღვრავდა მსოფლიო ეკონომიკურ პოლიტიკას და იყო გადამწყვეტი ეკონომიკური კრიზისების განმუხტვაში. სტენლი ფიშერი წლების მანძილზე იყოს სავალუტო ფონდის მმართველი დირექტორის მოადგილე, ამერიკის ფედერალური რეზერვის ვიცე თავმჯდომარე. თუ არ ვცდები, 8 წლის მანძილზე იყო ისრაელის მთავარი ბანკირი ანუ ცენტრალური ბანკის თავმჯდომარე, 1998 წელს, რუსეთის მთავრობა კრიზისიდან გამოსვლაში ეხმარებოდა, არცთუ წარუმატებლად. მსოფლიოს ერთ-ერთი ყველაზე ავტორიტეტული და გავლენიანი ეკონომისტის გარდაცვალების მიზეზი ალცჰაიმერის დაავადების გამწვავება გახდა. #ახალიამბები #BusinessMediaGeorgia
საქსტატმა სამუშაო სივრცეში მომხდარი უბედური შემთხვევების სტატისტიკის მაჩვენებლები გამოაქვეყნა, რომლის მიხედვითაც გასულ წელს სამუშაო სივრცეში ფატალურ უბედურ შემთხვევებს 33 ადამიანის სიცოცხლე ემსხვერპლა. ოფიციალური მონაცემებით, უმეტესობა, 23 ფატალური შემთხვევა, მშენებლობის სექტორთან იყო დაკავშირებული. წლების მიხედვით არსებულ მონაცემებს თუ შევხედავთ, ვნახავთ რომ მაჩვენებლები უმჯობესდება. მაგ. 2020 წელი - 39 შემთხვევა იყო, 2021 წელი - 37 2022 წელი - 35 2023 წელი - 34 2024 წელი - 33 რაც შეეხება არაფატალურ შემთხვევებს, სამუშაო სივრცეში მომხდარი არაფატალური უბედური შემთხვევების რაოდენობა გასულ წელს 257 იყო, 2023 წელს კი 90-ით მეტი - 347 შემთხვევა. როგორ იცავენ კომპანიები სამუშაო სივრცეში უსაფრთხოებას? სტუმარი: ირაკლი ქარჩავა - HSE GEORGIA - დამფუძნებელი #ახალიამბები #BusinessMediaGeorgia
2025 წლის პირველ სამ თვეში საერთაშორისო მოგზაურთა რაოდენობა წლიურად 14 მილიონით, 300 მილიონამდე გაიზარდა, რაც 2024 წლის ანალოგიურ პერიოდთან შედარებით 5%-იანი ზრდაა, პრეპანდემიულ 2019-თან შედარებით კი - 3%-იანი - ამის შესახებ გაეროს ტურიზმის ორგანიზაციის "მსოფლიო ტურიზმის ბარომეტრით" ხდება ცნობილი. ორგანიზაციის თანახმად: 2025 წლის I კვარტალში ევროპის კონტინენტს 125 მილიონი საერთაშორისო ტურისტი ეწვია, რაც წლიურად 2%-იანი, პანდემიური 2019 წლის პირველ სამ თვესთან შედარებით კი 5%-იანი მატებაა. 9%-ით გაიზარდა საერთაშორისო ვიზიტების რაოდენობა აფრიკაში, პრეპანდემიულ მაჩვენებლებს კი 16%-ით გადააჭარბა; რაც შეეხება ამერიკის კონტინენტებს, აქ საერთაშორისო ტურიზმის ზრდამ 2% შეადგინა, მხოლოდ სამხრეთ ამერიკის კონტინენტზე კი მოგზაურთა რაოდენობა 13%-ით გაიზარდა. საერთაშორისო ვიზიტების რაოდენობა მხოლოდ 1%-ით გაიზარდა შუა აღმოსავლეთში, აზიისა და წყნარი ოკეანის რეგიონებში კი 12%-ით. რაც შეეხება შემოსავლებს, წლის პირველ კვარტალში ტურიზმიდან შემოსავლები მაგ. იაპონიაში 34%-ით გაიზარდა, ამერიკის შეერთებულ შტატებში კი მხოლოდ 3%-ით. განახლებული სტატისტიკა გვაქვს საქართველოშიც, რომელსაც ამჯერად თიბისი კაპიტალი გვთავაზობს. მათი ანალიტიკის მიხედვით, 2025 წლის პირველ კვარტალში საერთაშორისო მოგზაურობიდან მიღებულმა შემოსავალმა 826 მლნ დოლარს მიაღწია, რაც წინა წლის ამავე პერიოდთან შედარებით 2.3%-იანი ზრდაა. გასული წლის ანალოგიურ პერიოდში შემოსავლები 808 მლნ აშშ დოლარი იყო. საინტერესოა ის ფაქტიც, რომ საერთო სურათში ზრდის მიუხედავად პირველ კვარტალში ქვეყანაში მაღალბიუჯეტურ სასტუმროებზე მოთხოვნა და ნომრის ღირებულება შემცირებულია. საშუალო დატვირთულობა 45%-ის ფარგლებში იყო. ფასი კი საანგარიშო პერიოდში 118 აშშ დოლარს გაუტოლდა, რაც წინა წლის ანალოგიურ პერიოდთან შედარებით 4%-ით ნაკლებია. როგორ ტრანსოფრმირდება ტურიზმი საქართველოში და ვის მოიაზრებს ქვეყანა სტრატეგიულ ბაზრებად? სტუმარი: ნატალია ბახტაძე - საქართველოს ეკოტურიზმის ასოციაციის ხელმძღვანელი #ახალიამბები #BusinessMediaGeorgia
მიწის სისტემური რეგისტრაცია კვლავ გარკვეული ხარვეზებით მიმდინარეობს. პროცესში იკვეთება მიწების არაკეთილსინდისიერად დაუფლების ფაქტები. ხშირად მოქალაქეები ერთმანეთთან გარიგებაშიც შედიან და ხელმოწერების საფუძველზე ირეგისტრირებენ მიწებს, რომელიც რეალურად მათი არც არასდროს ყოფილა. მეორე მხრივ, პრობლემა მეზობლებს შორის სადავო ტერიტორიები, ხშირად ისინი ვერ გარკვეულან, რომელ მხარეს ეკუთვნის ესა თუ ის ნაკვეთი, რის გამოც რეგისტრაცია არ ხდება და საქმე სასამართლოში გრძელდება. რამდენად მასობრივია დავების წარმოება და ვის რა შანსები აქვს სადავო ქონებაზე? სტუმარი: ოთარ კაჭკაჭაშვილი - იურიდიული კომპანია " ოქეი ენდ სი ჯი", დამფუძნებელი და დირექტორი; #ახალიამბები #BusinessMediaGeorgia
31 მაისს ჩატარდა GIMPHA-ს მე-10 საიუბილეო კონფერენცია თბილისში, შერატონ-მეტეხი-პალასში, რომელშიც 600-მდე ექიმი მონაწილეობდა საქართველოდან და ევროპის ქვეყნებიდან (ქართული დიასპორის წარმომადგენლები და ასევე უცხოელი კოლეგები) რომელმაც კიდევ ერთხელ დაადასტურა თავისი მნიშვნელობა, როგორც ერთ-ერთმა ყველაზე მასშტაბურმა და გავლენიანმა პროფესიულმა პლატფორმამ რეგიონში. კონფერენცია პროფესიული დიალოგის, გამოცდილების გაზიარებისა და ჯანდაცვის სფეროში არსებული ინოვაციური მიდგომების განხილვის სივრცედ იქცა. ჯანდაცვის სტანდარტი, თავისთავად რომ წარმოდგენილი იყო აღნიშნულ კონფერენციაზე, ჩვენ ადგილზე მოვაწყვეთ სპეციალურად ამ დღისთვის გარე სტუდია, რომლის სივრცეშიც ქართველი და უცხოელი ექიმების და პროფესიონალების მოსაზრებები მოვისმინეთ. გადაღებული მასალიდან მოვამზადეთ სიუჟეტი, რომელიც ასახავს თანამედროვე მედიცინის გამოწვევებს, მიღწევებს და კონფერენციის მნიშვნელობას, როგორც საერთაშორისო თანამშრომლობის პლატფორმას. #ახალიამბები #BusinessMediaGeorgia
1 ივნისს, ბავშვთა დაცვის დღეს, სტუდია ანა-ბანას ორგანიზებით ღონისძიება — „სიმღერა ანა-ბანა“ გაიმართა. აღსანიშნავია, რომ კონცერტი “ანა ბანას” 15 წლის იუბილეს ეძღვნებოდა, ხოლო მისი ერთგული მხარდამჭერი კომპანია “ავერსი” იყო. ღონისძიების მიზანი, ბავშვებისთვის სადღესასწაულო განწყობის გახანგრძლივება გახლდათ, ხოლო დამსწრე საზოგადოებას შესაძლებლობა ჰქონდა, თაობათა საყვარელი ქართული და საერთაშორისო ჰიტები მოესმინათ. #ახალიამბები #BusinessMediaGeorgia
1-ელ ივნისს, ბავშვთა დაცვის საერთაშორისო დღეს, "ავერსის კლინიკის" ცენტრალურმა ლაბორატორიამ პატარა სტუმრებს უმასპინძლა. ღონისძიების მიზანი იყო ბავშვებისთვის ლაბორატორიული გარემოს უფრო ახლოს გაცნობა, მათში ცნობისმოყვარეობის გაღვიძება და ამ სფეროსადმი შიშის დაძლევა. #ახალიამბები #BusinessMediaGeorgia
#ავიაციისსიახლეები: ✈ Air Astana-მ ატირაუდან თბილისის საერთაშორისო აეროპორტის მიმართულებით პირველი ფრენა შეასრულა ✈ უზბეკური ავიაკომპანია Fly Khiva ტაშკენტი-ბათუმი-ტაშკენტის მიმართულებით კვირაში ორი სიხშირით იფრენს ✈ Air Samarkand-მა ბათუმის აეროპორტში დაიწყო ოპერირება ✈ TAV Georgia-მ თბილისისა და ბათუმის აეროპორტები ITB China-ზე წარადგინა კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები
"საქართველოს ეროვნულმა ბანკმა" ფინანსური სტაბილურობის მაისის ბიულეტენი გამოაქვეყნა, რომელიც უძრავი ქონების ბაზარზე შექმნილ ვითარებას ეძღვნება. სებ-ის თანახმად, პოსტ-პანდემიურ პერიოდში იპოთეკის ხელშემწყობმა პროგრამებმა, ლარის იპოთეკების პირობების გაუმჯობესებამ, უფრო შემდგომში კი მიგრაციულმა ეფექტებმა უძრავ ქონებაზე მოთხოვნა გაზარდა, რასაც ფასების მატება მოჰყვა. ამას დაერთო ასევე მშენებლობის ღირებულების ზრდაც, რაც სამშენებლო და სარემონტო მასალების გაძვირებით და ხელფასების მატებით იყო განპირობებული. #ახალიამბები #BusinessMediaGeorgia
1 ივნისს უკრაინის უსაფრთხოების სამსახურმა მასშტაბური სპეცოპერაცია "აბლაბუდა" ჩაატარა. 7 მილიარდი აშშ დოლარი - ესაა მტრის სტრატეგიული ავიაციის ღირებულება, რომელიც დღეს უსაფრთხოების სამსახურის სპეცოპერაცია "აბლაბუდას" შედეგად დაზიანდა.რუსეთის ძირითადი ავიაბაზების ტერიტორიაზე სტრატეგიული ფრთოსანი რაკეტების მატარებელი თვითმფრინავების 34% დაზიანებულია. ოპერაციას აკონტროლებდა უკრაინის პრეზიდენტი ვოლოდიმირ ზელენსკი, ხოლო ჩანაფიქრის აღსრულება უკრაინის უსაფრთხოების სამსახურის მეთაურს, ვასილი მალიუკს დაევალა. #ახალიამბები #BusinessMediaGeorgia
ბოლნისის ძველ გერმანულ უბანში ადგილწარმოშობის ღვინის ფესტივალი უკვე მესამედ გაიმართა. ღონისძიების ფარგლებში, სტუმრებს სხვადასხვა კუთხის მეღვინეებმა თავიანთი უნიკალური, დაცული ადგილწარმოშობის ღვინოები გააცნეს. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
#საქმიანიდილა - 2 ივნისი - პროლოგი #ახალიამბები #BusinessMediaGeorgia
PSG & ხვიჩა კვარაცხელიას ტრიუმფი - ”წყალი მთის” გამარჯვებულის პარტნიორი! #ახალიამბები #BusinessMediaGeorgia
გასული რამდენიმე წელი საქართველოს ლოგისტიკური სექტორისთვის შესაძლებლობებითა და გამოწვევებით იყო აღსავსე. სექტორზე როგორც გლობალური (კოვიდ პანდემია, წითელი ზღვის კრიზისი და ა.შ), ასევე რეგიონში მიმდინარე (რუსეთ-უკრაინის ომი) მოვლენები მყისიერად აისახება. სექტორს კი აღნიშნულ ცვლილებებთან ადაპტაცია უწევს. საყურადღებოა, რომ საქართველოს ლოგისტიკურმა სექტორმა რუსეთ-უკრაინის ომისა და რუსეთისთვის დაწესებული სანქციების ფონზე ზრდა განიცადა. 2022 წელს, საქართველოში გადაზიდული ტვირთების მოცულობა თითქმის 25%-ით გაიზარდა წლიურად, ხოლო უშუალოდ შუა დერეფნის მეშვეობით საქართველოში გადაზიდული ტვირთების რაოდენობამ დაახლოებით 30%-ით იმატა იმავე წელს. საერთო ჯამში, 2021-2024 წლებში საქართველოში გადაზიდული საერთაშორისო ტვირთის (ექსპორტი, იმპორტი და ტრანზიტი) მოცულობა CAGR 6.0%-ით გაიზარდა და 2024 წელს 31 მილიონი ტონა შეადგინა. სტუმრები: მარიამ ქოიავა - SavvY-ის მმართველი პარტნიორი; მერაბ ჟღენტი - "დიპლომატ ჯორჯიას" ბიზნესის განვითარების მენეჯერი #ახალიამბები #BusinessMediaGeorgia
31 მაისს ბოლნისის ადგილწარმოშობის დასახელების ღვინის ფესტივალი 2025 იმართება. ფესტივალი მესამე წელია ფაქტობრივად ტრადიციად იქცა და წლევანდელი შეკრება, რომელიც 12 საათიდან გაიხსნება და გერმანული უბანში, დაცული ადგილწარმოშობის დასახელების ღვინოებს უმასპინძლებს ტრადიციულ სლოგანს - ბოლნისი - ოქროსფერი ღვინის ქალაქი ეხმიანება. ფესტივალში წელს ტრადიციულად საქართველოს სხვადასხვა კუთხის 60-ზე მეტი მეღვინეობა იქნება წარმოდგენილი, რომელთა შორის არიან როგორც მსხვილი მწარმოებლები, ასევე მცირე და საშუალო მარნები, საოჯახო მეღვინეობები - ყველა ვინც ადგილწარმოშობის დასახელების ღვინოს აწარმოებს. სტუმრები: ჯაბა ძიმისტარიშვილი - სომელიე; ნატალი ნოზაძე - "არემჯი" საზოგადოებასთან ურთიერთობის მენეჯერი #ახალიამბები #BusinessMediaGeorgia
88 წლის წინ, გლობალური ავტოინდუსტრიის ლეგენდა, ვოლკსვაგენი შეიქმნა. მისი დაარსების მიზეზი ნაცისტური რეჟიმის სურვილი იყო, გერმანელი მოსახლეობისთვის ხელმისაწვდომი ავტომობილი, ე.წ. ხალხის მანქანა შეექმნათ, რითაც თავის მხრივ ნაცისტური ეკონომიკის წარმატებას წარმოაჩენდნენ. როგორ დაიწყო საკულტო საავტომობილო ბრენდის ისტორია და რა გზა გაიარა მან გლობალურ ექსპანსიამდე? #ახალიამბები #BusinessMediaGeorgia
ქალაქ გორში “ავერსის” თანამედროვე სტანდარტების კლინიკის სამშენებლო სამუშაოებს “იმპოსტ ჯგუფში” შემავალი კომპანიები უზრუნველყოფენ. შესაბამისი მემორანდუმი მხარეებს შორის უკვე გაფორმდა. ხელშეკრულების ფარგლებში “იმპოსტ მეპ”-ი კლინიკაში საინჟინრო კომუნიკაციების სრულ სამონტაჟო, IMEP Project კი - შენობის გათბობა-გაგრილებისა და ვენტილაციის სისტემების მხრივ საჭირო სამუშაოებს შეასრულებენ. #ახალიამბები #BusinessMediaGeorgia
მასწავლებლის ეროვნულ ჯილდოზე განაცხადების წარდგენა სრულდება. მსურველებს დღეს, დღის ბოლომდე, საკუთარი ან სხვა, თავისთვის გამორჩეული მასწავლებლის კანდიდატურის წარდგენა შეეძლებათ. წელს კონკურსის მთავარი მხარდამჭერი საქართველოს ბანკია, რომლის საზოგადოებისა და მასწავლებლების წახალისების მიზნით სხვადასხვა აქტივობებს ახორციელებს, ერთ-ერთი მათგანი კი გუშინ, ისთ ფოინთში განთავსებული გიგანტური დაფა იყო, სადაც ყველა ადამიანს საკუთარ მასწავლებელთან დაკავშირებული ისტორიის დაწერა ცარცით შეეძლო. #ახალიამბები #BusinessMediaGeorgia
სელფი მობაილს ბიზნეს მომხმარებლისთვის სიახლე აქვს. კომპანიამ, სითი თაუერში კორპორატიული მომსახურების ახალი ოფისი გახსნა, სადაც მომხმარებელს ყველა საჭირო სერვისს შესთავაზებენ. სელფი მობაილის კორპორატიული მომსახურება მცირე და საშუალო ბიზნესისთვის აუცილებელი სერვისების სპექტრს მოიცავს. მათი მომსახურება კლიენტის საქმიანობის სფეროსაც ითვალისწინებს და შესაბამისად ერგება საჭიროებებს. #ახალიამბები #BusinessMediaGeorgia
1953 წელს, სწორედ დღევანდელ დღეს ჟურნალ „Nature“-ში გამოქვეყნდა ჯეიმზ უოტსონის და ფრენსის კირკის ნაშრომი, რომლითაც მათ საზოგადოებას დნმ-ის ორმაგი სპირალის სტრუქტურა გააცნეს. ეს აღმოჩენა ბიოლოგიის ისტორიაში გარდამტეხი მოვლენა იყო და ის თანამედროვე გენეტიკის საფუძვლად იქცა. ამავე დროს, დნმ-ის სტრუქტურის გაგებამ შესაძლებელი გახადა გენეტიკური კოდის გაშიფვრა და გენების მემკვიდრეობითი გზით გადაცემის მექანიზმის ახსნა. რას გვიყვება დრო, დნმ-ის სტრუქტურის შექმნის შესახებ? #ახალიამბები #BusinessMediaGeorgia
ილონ მასკი ტრამპის ადმინისტრაციაში დაკავებულ თანამდებობას ტოვებს. მილიარდერი, სულ რაღაც ხუთი თვის განმავლობაში, სპეციალურად შექმნილ მთავრობის ეფექტიანობის დეპარტამენტს ხელმძღვანელობდა. სოციალურ მედია პლატფორმა X-ზე გამოქვეყნებულ პოსტში მასკი მადლობას უხდის ტრამპს, რომ DOGE-ის, მართვის შესაძლებლობა მისცა და ამასთან, მისი განცხადებით, მთავრობის ეფექტიანობის დეპარტამენტი მუშაობას მისი თანამდებობიდან წასვლის შემდეგაც გააგრძელებს. რა მონაგარით ბრუნდება პოლიტიკიდან ბიზნესში პლანეტის უმდიდრესი მეწარმე? #ახალიამბები #BusinessMediaGeorgia
#საქმიანიდილა - 30 მაისი - პროლოგი #ახალიამბები #BusinessMediaGeorgia
თიბისი მომხმარებლებისთვის პროცესების გამარტივებას აგრძელებს. ამჯერად, სიახლე მობაილბანკში შესვლას და მის სარგებლობას ეხება. განახლების შემდეგ რეგისტრაციისთვის სულ რაღაც 30 წამი დაგჭირდებათ; მონაცემების აღდგენა კი, კიდევ უფრო ნაკლებ დროშია მოსახერხებელი. სტუმრები: გიორგი ყანჩაველი - თიბისის ციფრული ბიზნესის განვითარების ლიგის ლიდერი; სალი დადიანი - თიბისის ციფრული ბანკინგის მარკეტინგის მიმართულების ლიდერი #ახალიამბები #BusinessMediaGeorgia
რაჭაში ზაფხულის ტურისტული სეზონი ივნისის შუა რიცხვებიდან გაიხსნება. როგორც ადგილობრივი ბიზნესის წარმომადგენლები აცხადებენ, რეგიონი ახალ საზაფხულო სეზონსაც ძველი პრობლემებით ხვდებიან, რომელთა შორის არის გაუმართავი ინფრასტრუქტურა და არასაკმარისი გასართობი ობიექტები. ვინ უნდა იზრუნოს კურორტის მიმზიდველობის გაზრდაზე და როგორია ზაფხულის სეზონის მოლოდინები? სტუმარი: თამარ დავითულიანი - სასტუმრო "გარემოს" დამფუძნებელი; #ახალიამბები #BusinessMediaGeorgia
22 მაისს, აშშ-ის ელჩმა რობინ დანიგანმა ყოფილი პრემიერ-მინისტრისა და “ქართული ოცნების” დამფუძნებლის, ბიძინა ივანიშვილისგან შეხვედრა მოითხოვა, თუმცა ივანიშვილმა ამ შეხვედრაზე უარი განაცხადა. როგორც აშშ-ის საელჩო აცხადებს, დანიგანმა სახელმწიფო მდივნის, მარკო რუბიოს თხოვნით მოქმედებდა და შეხვედრის მიზანი ტრამპის ადმინისტრაციის გზავნილის გადაცემა იყო. საელჩოს მიერ გავრცელებულ განცხადებას რამდენიმე სთ-ში გამოეხმაურა ქვეყნის ყოფილი პრემიერი ბიძინა ივანიშვილი და მიზეზად აშშ-ის მიერ დაწესებული, როგორც ფორმალური, ასევე არაფორმალური სანქციები დაასახელა. მისი თქმით, შარშან "პირადი შანტაჟის პირობებში" შეხვედრაზე უარი უთხრა ო'ბრაიანსაც. საკმაოდ მოცულობით წერილში ივანიშვილი ყველაზე მეტს ამავე განცხადებაში მმართველი პარტიის დამფუძნებელი აცხადებს, რომ ელჩს ირაკლი კობახიძესთან შეხვედრა შესთავაზეს, თუმცა ამერიკელი დიპლომატისგან უარი მიიღეს. ინფორმაციისთვის, "ქართული ოცნების“ საპატიო თავმჯდომარე ბიძინა ივანიშვილმა არჩევნებამდე ერთი კვირით ადრე, "იმედის" ეთერში განაცხადა, რომ საქართველოში აშშ-ის ელჩთან შეხვედრას არჩევნების შემდეგ აპირებდა. რა ტიპის ურთიერთობას აყალიბებს „ქართული ოცნება“ ქვეყნის სტრატეგიულ პარტნიორთან და პროცესების რა მიმართულებით განვითარებას უნდა ველოდოთ? სტუმარი: გიგი გიგიაძე - საგარეო საქმეთა მინისტრის ყოფილი მოადგილე, ეკონომიკური პოლიტიკის კვლევის ცენტრის უფროსი მკვლევარი; #ახალიამბები #BusinessMediaGeorgia
გადამდგარი მინისტრების სიას გუშინ შინაგან საქმეთა მინისტრი ვახტანგ გომელაურიც შეემატა. როგორც სოციალურ ქსელში გავრცელებული განცხადებით შევიტყვეთ, ოცნებაში გატარებული 10 წლის შემდეგ, გადაწყვეტილება ქვეყნის შიგნით არსებული მშვიდობიანი ვითარების ფონზე, ოჯახთან მეტი დროის გატარების მიზნით მიიღო. გომელაური, რომელიც „ქართული ოცნების" დამფუძნებლის, მილიარდერ ბიძინა ივანიშვილის დაცვის სამსახურს ხელმძღვანელობდა, შინაგან საქმეთა მინისტრად პირველად 2015 წელს დაინიშნა. შემდეგ სახელმწიფო უსაფრთხოების სამსახურის უფროსი იყო. 2019 წლიდან კი ის კვლავ შინაგან საქმეთა მინისტრის თანამდებობაზე დააბრუნეს. გომელაური ადამიანის უფლებების ხელყოფისა და მშვიდობიან დემონსტრანტებსა და ჟურნალისტებზე პოლიციის ძალადობის გამო აშშ-ის, დიდი ბრიტანეთის და ევროკავშირის სახელმწიფოების მიერ არის სანქცირებული. ვის წირავს და ვინ გამოჰყავს სისტემას ასპარეზზე და რა გავლენა ექნება მიმდინარე არასტაბილურობას პოლიტიკურ თუ ეკონომიკურ პროცესებზე? სტუმარი: რომან გოცირიძე - პარლამენტის ყოფილი წევრი #ახალიამბები #BusinessMediaGeorgia
2025 წლის აპრილში jobs.ge-ზე 6 577 ვაკანსია გამოქვეყნდა - ამის შესახებ PMCG კვლევითი ცენტრის დასაქმების თრექერი ავრცელებს. დოკუმენტის თანახმად, ეს რაოდენობა 2025 წლის მარტში გამოქვეყნებულ ვაკანსიების რაოდენობასთან შედარებით, 6.7%-ით მეტია, თუმცა 2024 წლის შესაბამის პერიოდთან შედარებით 16.6%-ით ნაკლებია. რაც შეეხება 2025 წლის თებერვლიდან 2025 წლის აპრილის ჩათვლით პერიოდს, სულ 18,331 ვაკანსია გამოქვეყნდა, რაც 2024 წლის შესაბამის პერიოდთან შედარებით, 18.0%-ით შემცირებული მაჩვენებელია. ყველაზე დიდი, 21.8%- იანი კლება დაფიქსირდა ადმინისტრაციისა და მენეჯმენტის კატეგორიაში, რომელსაც ვაკანსიების საერთო რაოდენობის კლებაზე ყველაზე დიდი გავლენა ჰქონდა აღნიშნულ პერიოდში. სტუმარი: გრიგოლ ფანცულაია - PMCG-ის პროექტების მენეჯერი #ახალიამბები #BusinessMediaGeorgia
31 მაისიდან ძალაში შედის "ოცნების" FARA, რომელიც მმართველმა პარტიამ საზოგადოების, ოპოზიციისა და საერთაშორისო პარტნიორების მწვავე წინააღმდეგობის ფონზე მიიღო. ოცნების თარგმნილი „ფარა“ მის სუბიექტად განიხილავს ყველა ფიზიკურ თუ იურიდიულ პირს, წარმომადგენლობას, ფილიალს, ისეთ ურთიერთობებსაც კი, რომელსაც წინა, „რუსული კანონი“ არ ეხებოდა. იურისტების შეფასებით, ქართულ ფარას ამერიკულ „ფარასთან“ არც კონტექსტურად და არც შინაარსობრივად, არაფერი აქვს საერთო. ის რადიკალურად განსხვავებულ კონტექსტშია გადმოღებული და რადიკალურად განსხვავებულ კონტექსტში აპირებს „ოცნება“ მის აღსრულებას. ფარას „ქართული ოცნებისეული“ თარგმანი ეხება ნებისმიერ უცხოურ დაფინანსებას, პოლიტიკური საქმიანობისთვის. მიღებული კანონის მიხედვით, „უცხოურ პრინციპალად“ შეიძლება ჩაითვალოს ნებისმიერი წყარო უცხოეთიდან, ნებისმიერი მოქალაქე, რომელიც მუდმივად ცხოვრობს უცხოეთში. მათ შორის საქართველოს მოქალაქე ასევე შეიძლება ჩაითვალოს უცხოურ პრინციპალად, თუ უცხოეთში ცხოვრობს - ასეთ განმარტებას იძლევიან იურისტები, თუ ვინ შეიძლება მოექცეს კანონის მოქმედების ქვეშ. მათი შეფასებით, კანონისა და მისი ინტერპრეტაციის ფორმულირება უკიდურესად ბუნდოვანია. ყველაზე ფართო, თუნდაც არასწორი განმარტებით, ნებისმიერ პირს, ვისაც 31 მაისისთვის უცხოელთან კონტრაქტი აქვს, შესაძლოა, აგენტად დარეგისტრირება მოეთხოვოს. როგორ იმუშავებს ოცნების ფარა რამდენიმე დღეში და ვის შეახებს მას ანტიკორუფციული ბიურო, რომელსაც ოცნებამ კანონის აღმასრულებლის ფუნქცია მიანიჭა? სტუმარი: თამთა მიქელაძე - სოციალური სამართლიანობის ცენტრის დირექტორი; #ახალიამბები #BusinessMediaGeorgia
ბოლო ოთხი წლის განმავლობაში არაბთა გაერთიანებული საამიროები რეგიონულ ბიზნეს ჰაბად ჩამოყალიბდა, რასაც აქ არსებული ეკონომიკური პოლიტიკა, ლიბერალური კანონები და განვითარებული ინფრასტრუქტურა განაპირობებს, ცხადია, ქვეყნის სტრატეგიული მდებარეობაც განსაკუთრებულ როლს თამაშობს. როგორ გამოიყურება აქ ბიზნეს გარემო, რომელი სექტორები ვითარდება ყველაზე სწრაფად და რამდენად მასშტაბურია საამიროების ეკონომიკა? #ახალიამბები #BusinessMediaGeorgia
გიორგი ამანათიძე უკვე ორი წელზე მეტია არაბთა გაერთიანებულ საამიროებშია და სხვადასხვა კომპანიებში მენეჯერულ პოზიციას იკავებს. პარალელურად, ის ინდივიდუალურად ეხმარება სხვადასხვა ქვეყნის, მათ შორის საქართველოს, ქართულ ბიზნესს და ადგილობრივ კომპანიებს, მეწარმეებს არაბთა საამიროებში ბიზნესის დაწყებასა და განვითარებაში. როგორ უნდა დავიწყოთ ბიზნესი არაბთა გაერთიანებულ საამიროებში? რა უნდა ვიცოდეთ ლიცენზიების შერჩევისას? სტუმარი: გიორგი ამანათიძე - კორპორატიული სერვისების მიმწოდებელი #ახალიამბები #BusinessMediaGeorgia
არ ვცდებით განათლების თემას და ვინაცვლებთ მსოფლიო ამბებზე. CBRE Research-მა გამოაქვეყნა ანგარიში, რომელიც ყველაზე განათლებული საზოგადოების მქონე ქვეყნებს ასახავს. . რეიტინგი 25 წლიდან 64 წლამდე მოქალაქეების მონაცემებზე დაყრდნობით შედგა, მათზე ვისაც ბაკალავრის ან უფრო მაღალი ხარისხი აქვთ. სიის პირველ ადგილოსანი ირლანდიაა, საინტერესო ტენდენციაა ის, რომ ათეულის 6 წევრი ევროპული ქვეყანაა. რომელ ქვეყნებშია ყველაზე განათლებული საზოგადოება? #ახალიამბები #BusinessMediaGeorgia
სითბო და ზაფხულის სეზონის მოახლოება განწყობაზეც მოქმედებს, და და ზუსტად ასეთ დღეებში კოკა-კოლა განსაკუთრებით ახდენს თავის ეფექტს: გვიბრუნებს ენერგიას და განწყობას. დღეს, როცა ერთი რეკლამიდან დაწყებული ისტორია უკვე 139 წელს ითვლის, საქმიანი დილა სიამაყით გიზიარებთ სიუჟეტს იმ დღის შესახებ, როცა პირველად გაჩნდა კოკა-კოლას სახელი რეკლამაში და ეს იყო 1886 წლის 29 მაისი, ატლანტა. კოკა კოლას პირველმა რეკლამამ, თავის სლოგანთან ერთად ბრენდის სარეკლამო ისტორიას დაუდო სათავე. მას შემდეგ გლობალურმა კომპანიამ ბევრი საიმიჯო რეკლამა და სლოგანი გამოიცვალა, ყველა მათგანის იდეა კი მომხმარებლის გრძნობებთან სიახლოვე იყო. ასე გახდა კოკა-კოლა მსოფლიოს სარეკლამო ინდუსტრიის ერთ-ერთი მთავარი დამფინანსებელი. როგორ განიცადა გამაგრილებელი სასმელების ყველაზე პოპულარულმა ბრენდმა სარეკლამო ევოლუცია, რას გვიყვება დრო? #ახალიამბები #BusinessMediaGeorgia
გუშინ საღამოს დეველოპერულმა კომპანია “ჰოუმერმა” სათავო ოფისის გახსნის საზეიმო ღონისძიება გამართა, სადაც ამავე დროს დამსწრე საზოგადოებისთვის პირველი პროექტის “ჰოუმერ ალფას” პრეზენტაცია მოაწყო. უნდა აღინიშნოს, რომ კომპანიის სათავო ოფისი თბილისის ძველ, ისტორიულ უბანში მდებარე კულტურული მემკვიდრეობის ძეგლის სტატუსის მქონე შენობაში განთავსდა, რომელსაც ჰოუმერმა სრულიად ახალი სიცოცხლე შესძინა. #ახალიამბები #BusinessMediaGeorgia
„თეგეტა გრინ პლანეტმა“ საქართველოს ტექნიკურ უნივერსიტეტთან თანამშრომლობის შესახებ ხელშეკრულება გააფორმა, რომლის მიზანიც გარემოსდაცვით საკითხებთან დაკავშირებით ახალგაზრდების ცნობიერების ამაღლებაა. შეთანხმების ფარგლებში, სტუდენტები ინფორმაციას სამ საგანში მიიღებენ: „ატმოსფეროს დაცვის ტექნიკა“, „ჰიდროსფეროსა და ნიადაგის დაცვის ტექნიკა“ და „საწარმოო პრაქტიკა გარემოსდაცვით ინჟინერიაში“. კურსის თეორიული ნაწილის შემდეგ სტუდენტებს შესაძლებლობა ექნებათ, პირადად გაეცნონ „თეგეტა გრინ პლანეტის“ საქმიანობას, რომელიც უზრუნველყოფს საავტომობილო ნარჩენების ეფექტიან მართვასა და ტექნიკური რეგლამენტის შესაბამისად გადამუშავებას. პრაქტიკულ სწავლებას 40 სტუდენტი გაივლის, როგორც ბაკალავრიატის მესამე და მეოთხე კურსის, ისე სამაგისტრო პროგრამების წარმომადგენლები. #ახალიამბები #BusinessMediaGeorgia
კანადის პარლამენტის სპიკერის ინაუგურაცია #ახალიამბები #BusinessMediaGeorgia
თბილისი მსოფლიოს 20 საუკეთესო კულტურულ ქალაქს შორის დასახელდა - სამოგზაურო გამოცემა Time Out Abudhabi-ს გამოკითხვაში, რომელიც 18 500 ადამიანს აერთიანებდა, თბილისი საუკეთესო კულტურულ ქალაქებს შორის მე-12 ადგილზე მოხვდა. თბილისმა ადგილობრივებისგან ხარისხის 69%-იანი შეფასება მიიღო. როგორც გამოცემა აღნიშნავს, საქართველოს დედაქალაქს ისეთი კულტურული შეთავაზებები აქვს, როგორებიცაა წიგნის ფესტივალები და ყვავილების გამოფენები, მუზეუმები ყველაფრისთვის, იქნება ეს ქართული ღვინო თუ ვინტაჟური ავტომობილები, და არაერთი გამორჩეული თეატრი. Time Out ასევე ახსენებს, რომ თბილისში ვიზიტისთვის მაისი საუკეთესო დროა, რადგან ქალაქის საფესტივალო სეზონი სწორედ ამ თვიდან იწყება და ზაფხულის განმავლობაში მიმდინარეობს. #ახალიამბები #BusinessMediaGeorgia
ეროვნული ბანკის მხარდაჭერითა და მიკროსაფინანსო ცენტრის (MFC) ორგანიზებით, თბილისი საერთაშორისო კონფერენციას მასპინძლობს. ყოველწლიური საერთაშორისო კონფერენციის თემაა - „ცვლილებები, შოკები და გადაწყვეტები: მიკროფინანსები გეოპოლიტიკის ჩრდილში“. კონფერენციის მიზანია ინკლუზიურ ფინანსებზე ხელმისაწვდომობის შესაძლებლობების განხილვა გეოპოლიტიკური და კლიმატური გამოწვევების ფონზე. განსაკუთრებული აქცენტი გაკეთდება მიკრო და საოჯახო ბიზნესებსა და მოწყვლად ჯგუფებზე როგორიცაა: ქალები, ახალგაზრდები, მიგრანტები და სოფლად მცხოვრები მოსახლეობა. ინკლუზიური ფინანსების ყველაზე დიდი ღონისძიებას ევროპასა და ცენტრალურ აზიაში. არჩილ ბაკურაძე - ,,კრისტალი'', სამეთვალყურეო საბჭოს თავმჯდომარე' ნუცა შუბაშვილი - BMG - რეპორტიორი #ახალიამბები #BusinessMediaGeorgia
უკვე 2 წელი შესრულდა, რაც იუსტიციის სამინისტროს ინიციატივას, ისევ ინიციატივის სტატუსი აქვს. საუბარია ცვლილებებზე, რომელსაც მესაკუთრეები უძრავ ქონებასთან დაკავშირებულ ფინანსურ ოპერაციებში სახელშეკრულებო რისკებისგან უნდა დაეცვა. თუ ეს იდეა განხორციელდა, იურიდიულ და ფიზიკურ პირებს აღსრულების ეროვნულ ბიუროში სასყიდლიანი ხელშეკრულების, მათ შორის იჯარისა და ქირავნობის ხელშეკრულების რეგისტრაციის შესაძლებლობას მისცემს. მაგალითად, მხარეებს შეუძლიათ ქირავნობის ხელშეკრულებაში ჩაწერონ, რომ მესაკუთრეს საშუალება ექნება, დამქირავებლის მიერ პირობების დარღვევის შემთხვევაში მიმართოს აღსრულების ბიუროს და მისგან დაჩქარებული წესით მიიღოს აღსრულების სერვისი. როგორც ცნობილია, საკუთრებიდან საპოლიციო გამოსახლება 2015 წლიდან აღარ არსებობს, რაც იმას ნიშნავს, რომ იმ შემთხვევაში თუ პირმა, რომელმაც ბინა იქირავა და თანხას ვერ ან არ იხდის, გამქირავებელმა პოლიციის ნაცვლად სასამართლოს უნდა მიმართოს. ეს პრობლემა განსაკუთრებით მიგრანტების შემოდინების დროს გამძაფრდა და როგორც ჩანს დღესაც აქტუალურია. რა პრობლემა შექმნა საპოლიციო გამოსახლების გაუქმებამ, რა ხდება დღეს და რა ბედი ეწია იუსტიციის სამინისტროს ინიციატივას? სტუმარი: ნინო ლიპარტია - იურისტი, “საქართველოს ადვოკატები დამოუკიდებელი პროფესიისათვის” თავმჯდომარე #ახალიამბები #BusinessMediaGeorgia
კიდევ ერთი სიახლე ენერგეტიკაში. მიკროსიმძლავრის ელექტროსადგურებისთვის ანაზღაურების სქემა იცვლება, შესაბამისად მოქმედ ნეტო აღრიცხვის სისტემას, ნეტო დარიცხვის სისტემა ჩაანაცვლებს. შესაბამისი ცვლილებები "ენერგეტიკისა და წყალმომარაგების შესახებ“ კანონში შედის. მიკროსიმძლავრის ელექტროსადგურის მფლობელისთვის სასისტემო და ბაზრის ოპერირების მომსახურებების არსებული შეღავათი უქმდება. პროექტის მიღების შემდეგ, სემეკი დაადგენს ელექტროსადგურის მიერ მიწოდებული ელექტროენერგიის, აგრეთვე ქსელიდან მიღებული ელექტროენერგიის ანაზღაურების პირობებს. ასევე 2027 წლის იანვრამდე მიერთებულ ელექტროსადგურის საბოლოო მომხმარებელს მიეცემა შესაძლებლობა, 2033 წლის იანვრამდე ისარგებლოს მიერთების მომენტისათვის მოქმედი პირობებით, რაც მოიცავს წარმოებული და მოხმარებული ელექტროენერგიის გაქვითვასა და შედეგად ოპერირების მომსახურებებისგან გათავისუფლებას. ამასთან, ნეტო აღრიცხვის სისტემაში უკვე ჩართული მიკროსიმძლავრეებისთვის არსებული პირობები 2033 წლამდე იგივე დარჩება, ხოლო 2027 წლიდან ახალი მიკროსადგურებისთვისთვის ნეტო დარიცხვის სისტემა იმოქმედებს. თუ ნეტო აღრიცხვის სისტემაში წელიწადში ერთხელ ხდება გაქვითვა და ანგარიშსწორება, ნეტო დარიცხვის შემთხვევაში, ეს ყოველთვიურად განხორციელდება. მომხმარებელი მის მიერ მოხმარებულ ელექტროენერგიაზე გადაიხდის სემეკის მიერ დადგენილი ტარიფით, ხოლო ენერგია, რომელიც მისი ობიექტის მიერ იქნება გამომუშავებული და ქსელში გაშვებული, კომპანიები ყოველთვიურად აუნაზღაურებენ შესაბამის თანხით. სანამ ბაზარი ნეტო ბილინგის სისტემაზე გადავა, ნეტო აღრიცხვის სისტემაში ჩართვა და ენერგო პრო ჯორჯიას ქსელში ინტეგრაცია შეჩერებულია, რადგან არსებული ლიმიტი ამოიწურა. რა ხდება გარდამავალ ეტაპზე, სანამ ნეტო აღრიცხვიდან ნეტო ბილინგზე გადასვლა განხორციელდება და რა იცვლება მომხმარებლებისთვის ახალ სისტემაზე გადასვლით? სტუმრები: თორნიკე დარჯანია - საქართველოს მზის ენერგიის განვითარების ასოციაციის თანადამფუძნებელი; ნინო გადელია - Shine Energy-ს დამფუძნებელი #ახალიამბები #BusinessMediaGeorgia
19-20 ივნისს თბილისში, „ექსპოჯორჯიასა“ და საკონსულტაციო კომპანია „სავის“ ორგანიზებით ჩატარდება საერთაშორისო მასშტაბის ღონისძიება. ლოგისტიკის სექტორის გამოფენა და ფორუმი გააერთიანებს ლოგისტიკის ყველა ძირითად მიმართულებას – საზღვაოს, სახმელეთოს, საჰაეროს, სარკინიგზოს, ასევე საწყობების ინფრასტრუქტურასა და ციფრულ ტექნოლოგიებს. ეს იქნება ადგილი, სადაც ერთ სივრცეში ხვდებიან საერთაშორისო გადამზიდავები, პორტების წარმომადგენლები, ინფრასტრუქტურული და ფინანსური ინსტიტუტები. სტუმრები: რესან ქიქავა - "ექსპოჯორჯიას" დირექტორი; გიორგი გუდაბანძე - "სავის" ასოცირებული პარტნიორი #ახალიამბები #BusinessMediaGeorgia
საქსტატის მონაცემებით, 2025 წლის პირველ კვარტალში სოფლის მეურნეობის პროდუქციის ერთეულის ღირებულების ინდექსი წინა კვარტალთან შედარებით 9.5%-ით გაიზარდა. ინდექსის ზრდის ძირითადი მამოძრავებელი იყო ერთწლოვანი კულტურების ღირებულების 33.8%-იანი ზრდა, რომელმაც მთლიან ინდექსში 6.66 პროცენტული პუნქტი შეიტანა. წინა წლის ანალოგიურ პერიოდთან შედარებით, სოფლის მეურნეობის პროდუქციის ერთეულის ღირებულების ინდექსი 13.3%-ით არის გაზრდილი. ზრდა კვლავ ერთწლოვან კულტურებზე მოდის – მათი ღირებულება წინა წელთან შედარებით 51.6%-ით გაიზარდა, რაც ჯამურ ინდექსზე 9.09%-ით აისახა. ეს მონაცემები აჩვენებს, რომ სოფლის მეურნეობის პროდუქცია არის გაძვირებული. ასეთ დროს მნიშვნელოვანია პროფესიონალების და დარგის სპეციალისტების მოსმენა და მათი ანალიზი, როგორ აფასებენ ზრდის ტენდენციას გრძელვადიან პერიოდში. სტუმარი: რატი კოჭლამაზაშვილი - საქართველოს ფერმერთა ასოციაცია, თავმჯდომარის მოადგილე #ახალიამბები #BusinessMediaGeorgia
26 მაისის შემდეგ, დამოუკიდებლობის დღეს ჩვენი მეზობელი ქვეყნები ზეიმობენ. 28 მაისს სომხეთსა და აზერბაიჯანში დამოუკიდებლობა აღინიშნება. როგორც ცნობილია 1918 წელს, სამივე ქვეყანამ მეფის რუსეთის მმართველობას თავი დააღწია, თუმცა ამის შემდეგ ქვეყნები საბჭოთა ოკუპაციის ქვეშ მოექცნენ. სწორედ სსრკ-ს დაშლის შემდეგ იწყებენ ეს ქვეყნები დამოუკიდებელი თანამედროვე ეკონომიკის განვითარებას. როგორ შეიცვალა საქართველოს, სომხეთის და აზერბაიჯანის ეკონომიკები? მარიამ იზორია - BMG, რეპორტიორი; თიკო ნატმელაძე - BMG, რეპორტიორი #ახალიამბები #BusinessMediaGeorgia
გრანტებთან დაკავშირებულ კანონში ცვლილებები კიდევ ერთხელ შედის - ევროკავშირის პროგრამების - „ჰორიზონტი ევროპა“ და „ერასმუს +“ ფარგლებში გაცემულ გრანტებს მთავრობის მხრიდან თანხმობა აღარ დასჭირდება. კანონპროექტის ინიციატორები “ქართული ოცნების“ დეპუტატები არიან. ინიციატორთა მხრიდან მოთხოვნილია მისი დაჩქარებული წესით განხილვა. სტუმარი: შალვა ტაბატაძე - განათლების მკვლევარი #ახალიამბები #BusinessMediaGeorgia
1851 წლის 21 მაისს, ავსტრალიაში პირველი ოქროს საბადო აღმოაჩინეს. დღეს კი ავსტრალია იმ ქვეყნებს შორის რომლებსაც ყველაზე მოცულობითი ოქროს საბადოები აქვთ ავსტრალიას მოწინავე ადგილი უკავია. ის რეიტინგში რუსეთთან ერთად ინაწილებს პოზიციებს. მათი ოქროს საბადოები 12 000 ტონას აღწევს. რომელ ქვეყნებს აქვთ ყველაზე მეტი ოქროს საბადო? #ახალიამბები #BusinessMediaGeorgia