გუდაური კვლავაც ინფრასტრუქტურული გამოწვევების წინაშეა. ადგილობრივი ბიზნესი და დამსვენებლები წელსაც სატრანსპორტო კოლაფსზე საუბრობენ, რომელსაც საპარკინგე სივრცეების დეფიციტი იწვევს. არასწორად გაჩერებული მანქანების გამო კურორტზე დროულად ვერ ხერხდება ვერც სასწრაფოს, ვერც დისტრიბუციის და ვერც დასუფთავების მანქანების გადაადგილება. პრობლემაა შესაბამისი სიმძლავრის ამბულატორიული ცენტრის არარსებობაც. ინდუსტრიის წარმომადგენლები შესაბამის ორგანოებს კონკრეტული გადაწყვეტილების მიღებისკენ მოუწოდებენ და ამბობენ, რომ სხვა შემთხვევაში კურორტის მიმართ ინტერესი სამომავლოდ, სულ უფრო შემცირდება. რა ხდება გუდაურში და რა გამოსავალი აქვს შესაბამისს უწყებას?


#ახალიამბები #BusinessMediaGeorgia