Galt & Taggart-ის შეფასებით, 2025 წელს ტურიზმიდან მიღებული შემოსავლები 4.6 მლრდ აშშ დოლარს გაუტოლდა, რაც წლიურად 4.9%-ით გაზრდილი მაჩვენებელია. საინვესტიციო ბანკის ბაზრის ყოველკვირეული განახლების მიხედვით, 2025 წლის დეკემბერში ტურიზმიდან მიღებული შემოსავლები წლიურად 5.3%-ით გაიზარდა და 280 მლნ აშშ დოლარი შეადგინა.

საინვესტიციო ბანკში საქართველოს ტურიზმის სექტორზე ირანში არსებული ვითარების გავლენასაც აფასებენ. რადგან საქართველოს ირანთან ეკონომიკური დამოკიდებულება ძირითადად ტურიზმით შემოიფარგლება, სადაც ირანიდან მიღებული ტურისტული შემოსავლები 2025 წლის იანვარ-სექტემბერში მთლიანი შემოსავლების 2.7% შეადგენდა.

2026 წლის 1 იანვრიდან საქართველოში შემოსული უცხო ქვეყნის მოქალაქეებისთვის დაზღვევა სავალდებულოა. ახალი რეგულაციის მიხედვით, საქართველოში შემოსვლისას ტურისტს უნდა ჰქონდეს ჯანმრთელობისა და უბედური შემთხვევის დაზღვევა. შემომავალი ვიზიტორების სავალდებულო დაზღვევის შემოტანა ტურიზმის შესახებ კანონითაა გაწერილი, დაზღვევის სქემა და პირობები კი, მთავრობის დადგენილებამ უნდა განსაზღვროს. როგორ ხვდება რეგულაციას ტურისტული ბიზნესი?

სტუმრები: სალომე ბერაია - “პეგას ტურისტიკ ჯორჯიას” გენერალური დირექტორი;
ანა კირკიტაძე - "ვინგლეთის" დამფუძნებელი

#ახალიამბები #BusinessMediaGeorgia