აშშ-ის პრეზიდენტ დონალდ ტრამპის განაცხადებით, ნებისმიერი ირანთან ბიზნესურთიერთობაში მყოფ ქვეყანას, აშშ-სთან ვაჭრობისას 25%-იანი ტარიფი დაუწესდება. ვაშინგტონი ამ ნაბიჯით ირანში შექმნილ ვითარებას პასუხობს, სადაც ბოლო წლების განმავლობაში ყველაზე მასშტაბური ანტისამთავრობო პროტესტი მიმდინარეობს. როგორც ტრამპი სოციალურ ქსელში წერს, "განკარგულება საბოლოო და შეუცვლელია". ამასთან ტარიფები „დაუყოვნებლივ ამოქმედდა“. თუმცა რომელ ქვეყნებს შეეხება ტარიფები ან რა იგულისხმება „ირანთან ბიზნესის წარმოებაში“ აშშ-ის პრეზიდენტი არ აკონკრეტებს. მიუხედავად იმისა, რომ ტრამპი კონკრეტულ ქვეყნებს არ ასახელებს, თუ გავითვალისწინებთ ირანის სავაჭრო ურთიერთობებს, ცალსახაა რომ ერთ-ერთი პირველი ვინც ტრამპის ტარიფს მიიღებს ჩინეთია. ქვეყანა, რომელიც წლებია ირანის უმსხვილესი სავაჭრო პარტნიორისა და ენერგეტიკული გარანტის როლს ასრულებს. ჩინეთთან ერთად საფრთხე ინდოეთს და თურქეთსაც ემუქრება. რომლები ქვეყნები არიან ამერიკის პრეზიდენტის 25%-იანი ტარიფების სამიზნე?


#ახალიამბები #BusinessMediaGeorgia