შორ მანძილზე მიკროავტობუსით მგზავრობა 2026-შიც დაშვებული იქნება - რეგულაცია ისევ, ამჯერად თითქმის 2 წლით გადავადდა. 1 იანვრიდან აკრძალვა ძალაში უნდა შესულიყო, თუმცა 31 დეკემბერს საკანონმდებლო მაცნეზე გამოქვეყნებული დოკუმენტით გაირკვა, რომ თბილისი-ბათუმის ხაზზე მომუშავე მიკროავტობუსებისთვის წესები ძალაში შედის 2027 წლის 1 ივნისიდან. სხვა ყველა ქალაქთაშორისო ხაზისთვის ყველა სხვა მიმართულებაზე (მაგ. თბილისი-ქუთაისი, ზუგდიდი-თბილისი და ა.შ.) რეგულაცია ამოქმედდება 2027 წლის 1 დეკემბრიდან. შეგახსენებთ, რომ საქალაქთაშორისო გადაყვანებთან დაკავშირებით რამდენიმე ახალი რეგლამენტი 2024 წლის განმავლობაში დამტკიცდა და ამოქმედება ეტაპობრივად 2025 წლიდან იყო დაგეგმილი. რეგულაციებს შორის იყო ცვლილება, რომლის მიხედვითაც 2025 წლის 1-ლი ივნისიდან საქალაქთაშორისო გადაყვანა შორ მანძილზე მიკროავტობუსებით ვეღარ განხორციელდებოდა. თუმცა, 2025 წლის 30 მაისის დადგენილებით, ამ შეზღუდვის ამოქმედება 2026 წლის 1-ელ იანვრამდე გადავადდა ახლა კი რიგ შემთხვევაში 2027 წლის 1 ივნისამდე, რიგ შემთხვევებში კი 2027 წლის 1 დეკემბრამდე. რა დაშვებით გაუქმდა ჩანაწერი და რა შეიცვალა მგზავრებისა და ავტოსადგურებისთვის 2026 წლიდან?

სტუმარი: პაატა ყვავაძე - ავტოსადგური „ოკრიბას“ იურისტი

#ახალიამბები #BusinessMediaGeorgia