„ვისოლ ჯგუფი“ „საბვეისთან“ ექსკლუზიური, მასტერ ფრენჩაიზის ხელშეკრულების საფუძველზე საქართველოში 80 ამერიკულ რესტორანს გახსნის. გუშინ, თბილისი მარიოტში, „ვისოლ ჯგუფმა“ „საბვეისთან“ - სარესტორნო ინდუსტრიის მსოფლიო ლიდერთან - მასტერ ფრენჩაიზის ექსკლუზიურ ხელშეკრულებას მოაწერა ხელი. ხელმოწერის ოფიციალურ ცერემონიალს ამერიკული სარესტორნო ქსელის, „საბვეის“ დელეგაცია დაესწრო. #ახალიამბები #BusinessMediaGeorgia
#საქმიანიდილა - 8 ნოემბერი - პროლოგი #ახალიამბები #BusinessMediaGeorgia
საქართველოში წარმოებული ბავშვის სამოსის ბრენდის "რკოს" მმართველ გუნდს სამაგიდო თამაშების მწარმოებელი კომპანიის "თამაშობანას" დამფუძნებლები ნინი ჩიქოვანი და ნია სონღულაშვილი შეუერთდნენ. "რკო" ნოემბერში 7 წლის გახდება, შესაბამისად, დამფუძნებლებისთვის ცვლილებების დრო მოვიდა, და საჭიროდ ჩათვალეს ბრენდის განვითარება ახალ ეტაპზე გადავიდეს. როგორი კოლაბორაცია მოხდება თამაშობანას და სამოსს შორის? სტუმრები: თამუნა მესარკიშვილი - "რკოს" დამფუძნებელი; ნინი ჩიქოვანი - "თამაშობანას" დამფუძნებელი; #ახალიამბები #BusinessMediaGeorgia
ველნეს კურორტი ბიოლი 55 მლნ დოლარამდე ინვესტიციის განხორციელებას გეგმავს. ინვესტიცია „ბიოლის“ მიმდებარე ტერიტორიაზე ინფრასტრუქტურულ განახლებისთვის გამოიყოფა. სამუშაოების გამო კი 1-ელი ნოემბრიდან კურორტი ახალი რეჟიმით იმუშავებს. კომპანიაში ამბობენ, რომ შესაძლებელი იქნება კურორტის ტერიტორიაზე არსებული კოტეჯების მხოლოდ ერთი თვიდან ერთ წლამდე დაჯავშნა, მოკლევადიანი ვიზიტებს კი „ბიოლი“ დროებით აღარ მიიღებს. რა სიახლეები აქვთ ბიოლში და როგორ ვითარდება ჩვენს ქვეყანაში ველნეს მიმართულება? სტუმარი: თამაზ მჭედლიძე - ველნეს კურორტ „ბიოლის“ დამფუძნებელი; #ახალიამბები #BusinessMediaGeorgia
თხილის მწარმოებელთა და ექსპორტიორთა ასოციაციაში, თხილის საექსპორტო პოტენციალს დადებითად აფასებენ და ნოემბრის სტატისტიკით მონაცემები პოზიტიურისკენ შეიცვლება. რაც შეეხება ქართული თხილის ექსპორტის მაჩვენებლებს, საქსტატის მონაცემებით, 2023 წლის სექტემბერში თხილი საექსპორტო პროდუქტების ათეულს მიღმა აღმოჩნდა. 2023 წლის 9 თვის განმავლობაში საქართველოდან $52.3 მილიონი დოლარის ღირებულების თხილის ექსპორტი განხორციელდა, რაც წინა წელთან შედარებით $7.6 მილიონით, ანუ 13%-ით ნაკლებია. სტუმარი: ლევან ქარდავა - თხილის მწარმოებელთა და ექსპორტიორთა ასოციაციის ხელმძღვანელი; #ახალიამბები #BusinessMediaGeorgia
Galt&Taggart;-ის მიერ გამოქვეყნებული სოფლის მეურნეობის მიმოხილვის მიხედვით, საქართველოში ხორცის წარმოება მზარდია, თუმცა სექტორი კვლავ იმპორტ დამოკიდებულია. 2022 წლის მონაცემებით, საქართველოში სულ 74.6 მლნ კგ ხორცი იწარმოვა და თვითუზრუნველყოფის მაჩვენებელი მხოლოდ 49.9% იყო. მეცხოველეობა სოფლის მეურნეობის უმსხვილესი სექტორია. 2022 წელს სოფლის მეურნეობის ბიზნესის 915.5 მლნ ლარიან ბრუნვაში ამ დარგზე 50.7% მოდის. 2023 წლის მონაცემებით კი მეცხოველეობის მიმართულებით 611 კომპანია ოპერირებს. ამასთან დარგში 3 მსხვილი, 9 კი საშუალო კომპანია ფიქსირდება. როგორი პროგნოზია მეცხოველეობის დარგში, ზამთრის პერიოდისთვის? სტუმარი: ბექა გონაშვილი - ფერმერი; #ახალიამბები #BusinessMediaGeorgia
2021 წელს, ახლო აღმოსავლეთის ქვეყნების ექსპორტის ღირებულებამ 1 ტრილიონ 270 მილიარდ დოლარს მიაღწია. მიუხედავად იმისა, რომ რეგიონი გლობალური ექსპორტით აზიას, ევროპასა და ჩრდილოეთ ამერიკას ჩამორჩება, ის უსწრებს აფრიკასა და სამხრეთ ამერიკას. ახლო აღმოსავლეთია ნავთობის უდიდესი ექსპორტიორი. კიდევ რის ექსპორტს ახდენენ ქვეყნები და რა წილს იკავებენ გლობალურ ექსპორტში? #ახალიამბები #BusinessMediaGeorgia
კომპანია „ჯორჯიან უოთერ ენდ ფაუერი“ წერეთლის გამზირზე წყალმომარაგების სისტემის სრულ რეაბილიტაციას ახორციელებს. სამუშაოების ფარგლებში სრულად განახლდება 15.5 კმ-ზე მეტი სიგრძის წყალსადენისა და წყალარინების ქსელები, მოეწყობა ახალი ევროსტანდარტის ჩამკეტ-მარეგულირებელი ურდულები და სახანძრო ჰიდრანტები. ჯამურად სარეაბილიტაციო პროექტისთვის კომპანია 21 მლნ ლარზე მეტს დახარჯავს. რა ეტაპზეა სამუშაოები? ზურაბ ალფაიძე - GWP-ის ტექნიკური განვითარების და სისტემების დირექტორი; #ახალიამბები #BusinessMediaGeorgia
15 წელი მომენტალური გადახდების ბაზარზე - ამ დროს და წლებს ითვლის "თიბის ფეი", რომლის სერვისიც სფეროში შემოსვლის და ბაზარზე გამოჩენის დროს სრულიად უცხო და უნიკალური იყო. სიახლეები და ამბები კომპანიას ეტაპობრივად ემატებოდა. 2015 წლიდან "თიბისი ფეიმ" გადახდის ონლაინ პლატფორმა შექმნა, რომელიც სრულად 2017 წელს განახლდა. "თიბისი ფეის" საშუალებით მომენტალური გადახდები ხელმისაწვდომია ყველგან და ყველასთვის და მისი მომსახურება ფოკუსირებულია მომხმარებელზე, რისთვისაც გადახდა როგორც ონლაინ, ისე სწრაფი ჩარიცხვის ტერმინალებში წამებში ხდება. წლების განმავლობაში ინტერნეტ თუ მობაილ ბანკის სერვისების განვითარებამ სერვისს ახალი გამოწვევები და ახალ ახალი შესაძლებლობები დააწია - როგორია 15 წლის კომპანიის მონაგარი და გეგმები? სტუმარი: ირაკლი ხატიაშვილი - "თიბისი ფეის" დირექტორი; #ახალიამბები #BusinessMediaGeorgia
ოქტომბრის განმავლობაში ქვეყანაში სულ 150,000 სამუშაო ადგილი შექმნა, ნაცვლად პროგნოზირებული 170,000-ისა და წინა თვეში დაფიქსირებული 297,00-ისა. ექსპერტების შეფასებით, სამუშაო ძალის სტატისტიკის გაუარესება პირდაპირ კავშირშია ფედერალური რეზერვის მიერ გატარებულ მკაცრ მონეტარულ პოლიტიკასთან, რომელმაც მდინარე კვირას რეფინანსირების განაკვეთი ისევ 5.5%-იან ნიშნულზე დატოვა. უნდა აღინიშნოს, რომ უმუშევრობის სტატისტიკა თავად FED-ისთვის კრიტიკული მნიშვნელობის ინდიკატორია, რომლის ზრდა ცენტრალურ მარეგულირებელს მონეტარული პოლიტიკის შემსუბუქებისკენ უბიძგებს. სტუმარი: რატი მესხიშვილი - Galt & Taggart-ის უფროსი ასოცირებული ბროკერი; #ახალიამბები #BusinessMediaGeorgia
სექტემბერში საქართველოს ეკონომიკა 5.1%-ით გაიზარდა, რაც თანხვედრაშია ჩვენს მოლოდინთან. ჯამურად, 2023 წლის იანვარ-სექტემბერში საქართველოს ეკონომიკა წლიურად 6.8%- ით გაიზარდა. სექტემბერში ზრდა დაფიქსირდა საფინანსო საქმიანობის, მშენებლობის, ვაჭრობის და სასტუმროების და რესტორნების დარგებში. Galt&Taggart;-ი აღნიშნავს, რომ რეალური ზრდა შემცირდა დამამუშავებელი მრეწველობის, ტრანსპორტის და უძრავი ქონების დარგებში. და ამ მონაცემების პარალელურად საინვესტიციო კომპანია ზრდის პროგნოზს 6.8%-ის დონეზე, ხოლო 2024 წლისთვის 5.0%-ს ვარაუდობენ. სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
გერმანული სასწრაფო-სამედიცინო დახმარების ცენტრი მედ 11 საქართველოში 2019 წლიდან ოპერირებს, 2023 წლის ივლისიდან კი ის, „მედიქალ ვორლდის“ ჰოლდინგის წევრი გახდა. კომპანია ადგილობრივი, მაღალკვალიფიციური კადრებით არის დაკომპლექტებული, ხოლო მისი რეანიმობილები თანამედროვე, უახლესი თაობის სამედიცინო აპარატურით არის აღჭურვილი. ამ ყველაფერთან ერთად, აღსანიშნავია ისიც, რომ მედ 11 პაციენტების ჰოსპიტალიზაციას როგორც მთელი საქართველოს მასშტაბით, ასევე ქვეყნის ფარგლებს გარეთაც უზრუნველყოფს. სტუმარი: ლევან ქობალია - "მედიქალ ვორლდის" დამფუძნებელი; #ახალიამბები #BusinessMediaGeorgia
2023 წლის სექტემბერში მშენებლობის ღირებულების ინდექსი წინა თვესთან შედარებით 1.6 პროცენტით გაიზარდა. საქსტატის მიერ გავრცელებულ ინფორმაციაში აღნიშნულია, რომ აღნიშნული ცვლილება, ძირითადად, მშენებლობის დარგში დაქირავებით დასაქმებულთა საშუალო თვიური ნომინალური ხელფასის 3.2 პროცენტიანი ზრდით იყო განპირობებული, რამაც ჯამური ინდექსის ცვლილებაში 0.71 პროცენტული პუნქტი შეიტანა. საერთო ხარჯის რა წილი მოდის დასაქმებულთა ხელფასებზე და როგორია ბიზნესის მოლოდინები უძრავი ქონების ფასებთან მიმართებით? #ახალიამბები #BusinessMediaGeorgia
ლიდერი დეველოპერული კომპანია არქი კვლავ აგრძელებს თავისი დიდი ოჯახის წევრებზე ზრუნვას. 5 ნოემბერს სპეციალურად არქის რამდენიმე კომპლექსის მაცხოვრებლებისთვის მულტიფუნქციურ პავილიონ „თეატრში“ ლეგენდარული ვოდევილი „ჩიკაგო“ დაიდგა. 300-ზე მეტი არქელი დაუვიწყარ შოუს ვახშმის თანხლებით დაესწრო. #ახალიამბები #BusinessMediaGeorgia
ტექინსპექტირების რეფორმის წარმატებით განხორციელებისათვის და ევროპული სტანდარტების შესაბამისად კადრების გადასამზადებლად, ბაზრის ლიდერმა კომპანია, „გრინვეიმ“, USAID-თან ურთიერთთანამშრომლობის მემორანდუმი გააფორმა. პროექტი 2024 წლის 15 მაისამდე გაგრძელდება და თანამშრომლობის ფარგლებში, შეიქმნება ტრენინგ ცენტრი, შემუშავდება ტრენინგ მოდულები და გადამზადდებიან ტრენერები, რომლებიც ევროპული გამოცილების დანერგვას თბილისსა და საქართველოს მასშტაბით უზრუნველყოფენ. #ახალიამბები #BusinessMediaGeorgia
ბორჯომში, სასტუმრო ქრაუნ პლაზაში, მოტოროლა სოლუშენსისა და კომუნიკომის 2023 წლის კონფერენცია გაიმართა. კონფერენციას კომუნიკომის პროდუქციის მომხმარებელი კომპანიების წარმომადგენლები და მოტორლა სოლუშენსის რეგიონალური ხელმძღვანელობა ესწრებოდა და აქ ახალი თაობის რადიოსადგურების მოდელების განხილვა და დემონსტრაცია გაიმართა. #ახალიამბები #BusinessMediaGeorgia
საქართველოში მწვანე ბარათის გათამაშება დასრულდა. ჯერჯერობით უცნობია ჯამში რამდენი ადამიანი ჩაერთო გათამაშებაში თუმცა ყოველწლიურად მონაცემები მზარდია, არამარტო საქართველოდან, არამედ მთელი მსოფლიოდან. Რაც იმას ნიშნავს, რომ ყოველ წელს სულ უფრო მეტ ადამიანს უნდა აშშ-ში ცხოვრება. ადამიანები ამერიკაში ცხოვრების გადაწყვეტილებას სხვადასხვა მიზეზის გამო იღებენ, მათ შორის სამუშაოს ძიების, განათლების მიღების მიზნით. აშშ-ს სახელმწიფო დეპარტამენტის მონაცემები, რომელიც USAFacts-ის მიერ არის შედგენილი, იმ ძირითად ფაქტორებს წარმოაჩენს, რატომაც მსოფლიოს სხვადასხვა ქვეყნის მოქალაქეები ამერიკაში საცხოვრებლად მიდიან. რატომ იზრდება ამერიკაში იმიგრანტების წილი? #ახალიამბები #BusinessMediaGeorgia
ფეიერვერკი ავარიის გამო #ახალიამბები #BusinessMediaGeorgia
#საქმიანიდილა - 7 ნოემბერი - პროლოგი #ახალიამბები #BusinessMediaGeorgia
ეკონომიკის სამინისტროს ზედამხედველობის სააგენტომ გასულ წელს ბაზარზე განთავსებული 130 სათამაშო შეამოწმა. სამინისტროს სამომხმარებლო პროდუქტებზე ზედამხედველობის დეპარტამენტის ხელმძღვანელის ინფორმაციით, 77 შემთხვევაში პროდუქციის რეალიზაციის შეჩერება, 30 შემთხვევაში კი ბაზრიდან ამოღება განხორციელდა. ეკონომიკის სამინისტროს ბაზრის ზედამხედველობის სააგენტომ სათამაშოების ზედამხედველობა 2020 წლიდან დაიწყო, თუმცა ბიზნესისთვის მათი რეკომენდაციების შესრულება 2021 წლიდან გახდა სავალდებულო. მანამდე კი სანქციები არ მოქმედებდა. უსაფრთხოა თუ არა ქვეყანაში იმპორტირებული სათამაშოები და რამდენად საკმარისია მონიტორინგი? სტუმარი: ვახტანგ კობალაძე - სტრატეგიული კვლევებისა და განვითარების ცენტრის პროგრამის კოორდინატორი; #ახალიამბები #BusinessMediaGeorgia
დედაქალაქის საზღვრებში, დიდი გაბარიტების მქონე ტრანსპორტის მუნიციპალიტეტის მიერ დადგენილი ადგილის ან დროის დარღვევით მოძრაობაზე ადმინისტრაციული პასუხისმგებლობა მკაცრდება და არსებული ჯარიმები იზრდება. "ქართული ოცნების" დეპუტატების ინიციატივით პარლამენტში განსახილველად წარდგენილია "ადმინისტრაციულ სამართალდარღვევათა კოდექსში" ცვლილებები, რომლის თანახმად, თბილისში, საერთო სარგებლობის საავტომობილო გზებზე, M3, N2 და N3 კატეგორიების სატრანსპორტო საშუალებების მუნიციპალიტეტის მიერ განსაზღვრული ადგილის ან დროის დარღვევით მოძრაობა პირველივე შემთხვევაში გამოიწვევს პირის დაჯარიმებას 1000 ლარის ოდენობით, ხოლო განმეორების და ყოველ შემდეგ შემთხვევაში - 3000 ლარის ოდენობით. ანალოგიურ შემთხვევებში, ამავე ოდენობით გაზრდილი ჯარიმა დაეკისრება პირს, რომელიც დიდი გაბარიტების სატრანსპორტო საშუალების გამოყენებით ეკონომიკური საქმიანობას ახორციელებს. ჯერ კიდევ მოქმედი ნორმით, აღნიშნულ დარღვევებზე ჯარიმის ოდენობა 100-100 ლარის ოდენობით არის განსაზღვრული. რა ეფექტი ექნება დაანონსებულ ცვლილებებს და როგორ უნდა განიტვირთოს თბილისში საცობები? სტუმარი: ირაკლი იზორია - „პარტნიორობა საგზაო უსაფრთხოებისთვის“ დირექტორი; #ახალიამბები #BusinessMediaGeorgia
საქართველოს მთავრობამ აზარტული თამაშების სექტორის დაბეგვრის განაკვეთის გაზრდის გადაწყვეტილება მიიღო - ამის შესახებ კვირის ბოლოს პრემიერ-მინისტრმა ირაკლი ღარიბაშვილმა განაცხადა. თუკი აქამდე სექტორის მოგების გადასახადის განაკვეთი 10%-ს შეადგენდა, ის 15%-მდე გაიზრდება, მოქალაქეთა მიერ მოგებული თანხის გატანა კი 2%-იანი საშემოსავლო გადასახადის ნაცვლად 5%-ით დაიბეგრება. შესაბამისი კანონპროექტი პარლამენტში უკვე გადაგზავნილია. მთავრობის მეთაური აცხადებს, რომ აღნიშნული ცვლილებები დამატებით ბიუჯეტში 400 მილიონ ლარს მოიტანს. „300 მილიონი ბანკებიდან, 400 მილიონი სათამაშო ბიზნესიდან ამ ცვლილების შედეგად, ჯამში 700 მილიონი დამატებითი შემოსავალი გვექნება 2024 წელს.“ - განაცხადა ღარიბაშვილმა და იქვე სათამაშო ბიზნესის ბრუნვის გაზრდის მაჩვენებლებზეც ისაუბრა. მიუხედავად ფინანსთა სამინისტროს მხრიდან გატარებული შეზღუდვებისა 2022 წელს სათამაშო ბიზნესის მთელი ბრუნვა 48 მილიარდიდან 52 მილიარდ ლარამდე გაიზარდა. ფინანსთა სამინისტროს 9 თვის მონაცემებით, 2023 წელს სახელმწიფომ სათამაშო ბიზნესის მოსაკრებლებიდან 157 მილიონი ლარის შემოსავალი მიიღო, რაც წინა წლის ანალოგიურ პერიოდთან შედარებით 34.4 მილიონი ლარით, ანუ 28%-ით მეტია. იცოდა თუ არა პრემიერ მინისტრი მიერ გაჟღერებული ინიციატივის შესახებ სექტორმა და რა წერია კანონპროექტში? სტუმარი: გიორგი მამულაიშვილი - სათამაშო ბიზნესის ასოციაციის ადმინისტრაციის ხელმძღვანელი; #ახალიამბები #BusinessMediaGeorgia
#ავიაციისსიახლეები: ✈ რამდენ მგზავრს მოემსახურნენ თბილისის და ბათუმის აეროპორტები ოქტომბერში? - TAV Georgia; ✈ ოქტომბერში ქუთაისის საერთაშორისო აეროპორტის მგზავრთნაკადი 415 %-ით გაიზარდა; ✈ 2024 წელს აეროპორტების მშენებლობისთვის დამატებით ₾70 მლნ დაიხარჯება - ღარიბაშვილი; ✈ “დრონი პლიუსმა” სასოფლო-სამეურნეო ნაკვეთის შეწამვლისთვის სერტიფიკატი მიიღო; ✈ “ოპერაცია გრძელდება" - ჰამბურგის აეროპორტი კვლავ დაკეტილია; ✈ Turkish Airlines-ი ავიაპარკს ზრდის; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით; #ავიაცია #ახალიამბები #BusinessMediaGeorgia
ყველაზე მასშტაბური ტექ კონფერენცია კავკასიის რეგიონში “Touch Summit” ბრუნდება. 7 და 8 დეკემბერს წლის შემაჯამებელი ტექნოლოგიური სამიტი - TOUCH23 ტრადიციულად რუსთაველის თეატრში გაიმართება და 3 სხვადასხვა სცენას: მომავლის, განვითარების და სტარტაპ და საინვესტიციო ისტორიების გააერთიანებს. სტუმარი: ბექა ქვარცხავა - Touch Platform-ის დამფუძნებელი #ახალიამბები #BusinessMediaGeorgia
ნინი ლონგურაშვილის ვიზიტი Silicon Valley-ზე Google Cloud Campus-ში #ახალიამბები #BusinessMediaGeorgia
"ორთაჭალა ჰილსის“ მშენებლობა გრძელდება. სამშენებლო დეველოპერული კომპანიების „თი ისთეითის“ და „მარდიელის“ ერთობლივი პროექტი, თიბისი კონცეპტის მომხმარებლებისთვის ბანკის 5%-იანი თანამონაწილეობის გარდა დამატებით სხვა შესაძლებლობებსაც სთავაზობს. როგორია კომპანიის შეთავაზება შემოდგომის მიწურულს მომავალი მობინადრეებისათვის, რომელიც თიბისისთან პარტნიორობით გაკეთდა? სტუმარი: თამარ კანთელაძე - "თი ისთეითის" გაყიდვების სამსახურის ხელმძღვანელი; #ახალიამბები #BusinessMediaGeorgia
„ავერსის“ სააფთიაქო ქსელს, რეგიონში, კიდევ ერთი აფთიაქი შეემატა. ქალაქ ბათუმში, ავერსის რიგით 333-ე აფთიაქი საზეიმოდ გაიხსნა. ახალ აფთიაქში მომხმარებელს დახვდება მედიკამენტების ფართო ასორტიმენტი, მრავალი დასახელების სამკურნალო და დეკორატიული კოსმეტიკა, ბავშვის კვებისა და მოვლის საშუალებები, რომელთა შეძენაც შესაძლებელია თვითმომსახურების სწრაფი გადახდის აპარატით. ავერსი“ განაგრძობს ქსელის განვითარებას, რათა მაღალი ხარისხის სააფთიაქო ქსელის მომსახურება საქართველოს ყველა მცხოვრებისთვის კიდევ უფრო ხელმისაწვდომი იყოს. #ახალიამბები #BusinessMediaGeorgia
საქართველო აგროპროდუქტის იმპორტზეა დამოკიდებული, გარდა ხილისა - ამის შესახებ Galt & Taggart-ის საქართველოს სოფლის მეურნეობის მიმოხილვაშია აღნიშნული, რომელიც საინვესტიციო კომპანიამ დარგის წარმომადგენლებს წარუდგინა. მიმოხილვის თანახმად, სოფლის მეურნეობის პროდუქტებიდან დინამიკაში მხოლოდ ხილის და ხორცის წარმოებაა მზარდი. თვითუზრუნველყოფის კოეფიციენტი ხილის შემთხვევაში გასულ წელს 104%, მარცვლეულის 36,4%, ბოსტნეულის 74,5% და ხორცის 49,9% იყო. როგორ ვითარდება და რა გამოწვევების წინაშე დგას სექტორი? სტუმარი: მარიამ ჩახვაშვილი - Galt&Taggart;-ის უფროსი ანალიტიკოსი #ახალიამბები #BusinessMediaGeorgia
3 ნოემბერს ბათუმში გარემოსდაცვითი პასუხისმგებლობისა და მწარმოებლის გაფართოებული ვალდებულების) ორგანიზაციების მიზნებისა და ვალდებულებების შესახებ „თეგეტა ჰოლდინგის“ შვილობილმა ორგანიზაციამ, „თეგეტა გრინ პლანეტმა“, ღონისძიება გამართა. „თეგეტა გრინ პლანეტის“ დირექტორმა შალვა ახვლედიანმა ორგანიზაციის საქმიანობის შესახებ, ნარჩენების სწორად მართვის პროცესში მათი ჩართულობის მნიშვნელობასა და მწარმოებლის გაფართოებული ვალდებულების ფარგლებში არსებულ რეგულაციებზე ინფორმაცია პარტნიორებს ამჯერად აჭარის რეგიონში გააცნო. „თეგეტა გრინ პლანეტი“ „თეგეტას“ კორპორაციულ მომხმარებლებს შესაძლებლობას აძლევს, ნარჩენი ზეთები, აკუმულატორები და საბურავები კომპანიის შეგროვების პუნქტებში ჩააბარონ. ამის შემდეგ „თეგეტა გრინ პლანეტი“ უზრუნველყოფს სპეციფიკური ნარჩენების ტრანსპორტირებასა და ლიცენზირებულ გადამმუშავებელ კომპანიებში ჩაბარებას. #ახალიამბები #BusinessMediaGeorgia
soft master trade-ის ორგანიზებით, სასტუმრო შერატონ მეტეხი პალასში ღონისძიება, SMT WORLD გაიმართა, რომელმაც ჰორეკა და რითეილ ბაზრის ლიდერებს თავი მოუყარა. sMT WORLD-მა გამოფენა და კონფერენციასთან ერთად, ქართული და უცხოური კომპანიები გააერთიანა. ისინი სექტორში მიმდინარე სიახლეებსა და ინოვაციებს გაეცნენ. აღსანიშნავია, რომ ღონისძიებაზე პანელური დისკუსიებიც შედგა. ადგილზე სტუმრებს სხვდასხვა სიმულაციის გატესტვის საშუალებაც ჰქონდათ. SMT-ს გუნდისთვის წარმატების მთავარი საზომი ფინანსურ მაჩვენებლების ზრდის გარდა, პარტნიორების, გარემოს და, ზოგადად, საზოგადოების ცხოვრების უკეთესობისკენ შეცვლის ერთობლიობაა. სწორედ ამიტომ სიმულაციების ნაწილში წარმოდგენილი იყვნენ ისეთი ქართული კომპანიები როგორებიცაა: აუგუსტი, ყავის აკადემია, რივერსაიდი, რაც მიზნად ისახავს უცხოელი ვიზიტორებისთვის ქართულ პროდუქტზე ცნობიერების ამაღლებას. #ახალიამბები #BusinessMediaGeorgia
#საქმიანიდილა - 6 ნოემბერი - პროლოგი #ახალიამბები #BusinessMediaGeorgia
საქართველომ 2019 წელს საბიუჯეტო დეცენტრალიზაციის კანონმდებლობა მიიღო. კანონით განისაზღვრა, რომ მუნიციპალიტეტებს უფლება აქვთ მიიღონ ქვეყანაში მობილიზებული დამატებული ღირებულების 19%. 2019 წელს მიღებული ცვლილებები ბოლომდე ძალაში არ შესულა, რადგანაც 2023 წლის ჩათვლით განისაზღვრა გარდამავალი პერიოდი, რომლის შემდგომაც ახალი წესი უნდა ამოქმედებულიყო, თუმცა ფინანსთა სამინისტრო განმარტავს, რომ სახელმწიფო ახალ მოდელზე გადასვლისთვის მზად არ არის და მიზანშეწონილია მისი 2025 წლამდე გადავადება. ამასთან, სამინისტრო აზუსტებს, რომ გარდამავალი პერიოდის გასვლის შემდგომ პერიოდისთვის, ფინანსთა სამინისტრომ დაიწყო მუშაობა დღგ-ის განაწილების სისტემასთან ერთად, საშემოსავლო გადასახადის განაწილების სისტემაზეც, რათა ქვეყანაში მობილიზებული საშემოსავლო გადასახადის ნაწილი დარჩეს მუნიციპალურ ბიუჯეტებში, რა პრაქტიკაც არის ევროკავშირის წევრ თითქმის ყველა ქვეყანაში. დღეს მუნიციპალიტეტებზე ცენტრალური ხელისუფლება გათანაბრებითი ტრანსფერით ახდენს რესურსების მიმართვას. 2023 წლის ბიუჯეტით გათანაბრებითი ტრანსფერზე 515 მილიონი ლარი, 2024 წლის ბიუჯეტის პროექტით კი 516 მილიონი ლარი არის გათვალისწინებული. სტუმარი: დავით მელუა - ადგილობრივ თვითმმართველობათა ეროვნული ასოციაციის საჯარო მმართველობის პროგრამის ხელმძღვანელი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
✔ სებ-ის ფინანსური სტაბილურობის 4 რისკი; ✔ ფინანსური რისკების ალბათობა და პრევენცია; სტუმარი: დავით უტიაშვილი - საქართველოს ეროვნული ბანკის ფინანსური სტაბილურობის დეპარტამენტის უფროსი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
#ReformTalks: დატაფესტი 2023. სტუმრები: მარი ცუცქირიძე - USAID-ის ეკონომიკური მმართველობის პროგრამის ეკონომიკური და საფინანსო პოლიტიკის ანალიტიკოსი; ნინო მაჭარაშვილი - ForSet-ის თანადამფუძნებელი და დირექტორი. #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
26 ჯაზ ფესტივალი თბილისში, 14 ბათუმში და 7 კახეთში, ისთერნ ფრომოუშენი გაჩერებას არ აპირებს და ზამთრის ჯაზ ფესტივალს გუდაურში აანონსებს. რა კულტურული და ეკონომიკური შედეგები აქვს ფესტივალებს, უნდა ხარჯავდეს თუ არა სახელმწიფო კულტურულ ღონისძიებებში 70 მილიონ ლარს, ამ და სხვა საინტერესო საკითხებზე, ბი ემ ჯი დრაივის სტუმარი, ისთერნ ფრომოუშენის დაფუძნებელი, მიხეილ გიორგაძე იყო. ბექა ბაციკაძემ მას "დოჯი დურანგოს" სივრცეში უმასპინძლა. BMGDRIVE-ის მგზავრი: მიხეილ გიორგაძე - Eastern Promotions-ის დამფუძნებელი; ავტორები: ბექა ბაციკაძე, გურამ ხუნდაძე, კაკი პაიჭაძე #ახალიამბები #BusinessMediaGeorgia
ნოემბერში ერთი წელი შესრულდა მომხმარებელთა უფლებების კანონის განახლებიდან და მას შემდეგ რაც კონკურენციის სააგენტო ამ მხრივ ბიზნესსა და მომხმარებლებს შორის ურთიერთობების მოწესრიგების პროცესში ჩაერთო. ამ წლის ნოემბრიდან სააგენტოში საქმიანობის ეფექტიანობის ზრდის და სტრუქტურული ოპტიმიზაციის საჭიროებიდან გამომდინარე, უწყების დებულებაში ცვლილებების საფუძველზე განახლებული სტრუქტურით უნდა განხორციელდეს საქმიანობა. მათ შორის სიახლე ითვალისწინებს ცვლილებას თავმჯდომარის მოადგილეების რაოდენობის შემცირებას, კომუნიკაციის დეპარტამენტის საერთაშორისო და ადგილობრივი მიმართულების გაძლიერებას, ქოლ-ცენტრის შექმნას, რომელიც სააგენტოში შემოსულ ზარებზე ეფექტური რეაგირებისა და მონიტორინგზე იქნება პასუხისმგებელი სხვა კიდევ არაერთ ცვლილებასთან ერთად. სტუმარი: ირაკლი ლექვინაძე - "საქართველოს კონკურენციის სააგენტოს" ხელმძღვანელი; #ახალიამბები #BusinessMediaGeorgia
ამერიკის შეერთებული შტატების ფედერალურმა რეზერვმა მონეტარული პოლიტიკის უცვლელად დატოვების გადაწყვეტილება მიიღო. FED-ის კომიტეტის განცხადებით, ქვეყანაში რეფინანსირების განაკვეთი ისევ 5.5%-იან ნიშნულზე შენარჩუნდება. გამკაცრების პოლიტიკის დროებით შეჩერება პირდაპირ კავშირშია აშშ-ში წლიური ინფლაციის დონის 3.7%-მდე შემცირებასთან, რაც ბოლო ორი წლის ყველაზე დაბალი მაჩვენებელია. წინა შეხვედრაზეც FED-მა რეფინანსირების განაკვეთი უცვლელად დატოვა. როგორი შედეგები დაფიქსირდა და როგორ აღიქვეს ეს ყველაფერი ბაზრის მონაწილეებმა? სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
მალე ფერმერები მანდარინის მოსავლის აღებას დაიწყებენ. ჯერჯერობით ზუსტ შედეგებზე საუბარი რთულია, თუმცა ექსპორტიორი კომპანიები წინასწარ პროგნოზებს აკეთებენ. აღსანიშნავია ისიც, რომ არასტანდარტულს მანდარინს მთავრობა წელსაც დაასუბსიდირებს და ცხადია ეს სექტორის შედეგებზე აისახება - როგორი მოლოდინი აქვთ ექსპორტიორებს მოახლოებულ ნარინჯისფერ რთველთან დაკავშირებით და რომელ ქვეყნებში გეგმავენ ექსპორტს? #ახალიამბები #BusinessMediaGeorgia
ეროვნული ბანკის ინფორმაციით შუა კვირაში სებ-ის პრეზიდენტობის მოვალეობის შემსრულებელი, კოლეგებთან ერთად ეკონომისტების ნაწილს შეხვდა და როგორც ოფიციალურ რელიზშია ნათქვამი საუბარი მონეტარული პოლიტიკისა და ფინანსური სტაბილურობის კომიტეტების ბოლო გადაწყვეტილებებზე იყო. როგორია სებ-ის ხედვები და იყო თუ არა საუბარი ამ შეხვედრისას სავალუტო ფონდის პროგრამის გაგრძელების გეგმაზე? სტუმარი: ოთარ ნადარაია - თიბისის მთავარი ეკონომისტი #ახალიამბები #BusinessMediaGeorgia
ბრენდის ხმა - “ლუკა პოლარე” / Luca Polare ანი ციცქიშვილი - “ლუკა პოლარეს” საზოგადოებასთან ურთიერთობისა და მარკეტინგის ხელმძღვანელი; #BrandVoice #ბრენდისხმა #ახალიამბები #BusinessMediaGeorgia
2019 წლიდან განვითარებისა და ახალი უნარ-ჩვევების შეძენის მსურველ ახალგაზრდებს აქვთ შესაძლებლობა, რომ საქართველოს ბანკისა და Miami Ad School Europe-ის მიერ შექმნილი, ამავე უნივერსიტეტის კურსდამთავრებული ნიკა გუჯეჯიანის სტიპენდია მოიპოვონო და Miami Ad School-ში ორი წლის განმავლობაში 100%-იანი გრანტით ისწავლონ. Miami Ad School Europe-ში ნიკა გუჯეჯიანის სტიპენდიით უკვე მეოთხე გამარჯვებული ისწავლის. #ახალიამბები #BusinessMediaGeorgia
საქართველოს ბიზნეს ასოციაცია წევრი კომპანიების წარმომადგენლებთან შეხვედრას კვლავ ჩვეულ რეჟიმში აგრძელებს. BAG-ი ამჯერად კომპანია "აპარტ ჯგუფს" ესტუმრა სადაც როგორც კომპანიის ოფისში, ასევე სხვადასხვა მიმდინარე სამშენებლო პროექტებზე სამუშაო პროცესს გაეცნენ. "აპარტ ჯგუფი" ქართულ დეველოპერულ ბაზარზე 4 წლის წინ გამოჩნდა და დღეისთვის ის 4 დამოუკიდებელ შპს-ს: აპარტ დეველოპმენტს, აპარტ ქონსთრაქშენს, აპარტ აქრიტექტსა და აპარტ შოურუმს აერთიანებს, კომპანიის პროექტების საერთო სამშენებლო ფართი კი 100 000 კვ.მ-ს აღემატება. როგორ ვითარდება "აპარტ ჯგუფი" და რა გეგმები აქვთ სამომავლოდ? #ახალიამბები #BusinessMediaGeorgia
ლიბერთი აგრძელებს რეგიონებში ახალგაზრდა თაობის განათლებისა და განვითარებას ხელშეწყობას. 28 -29 ოქტომბერს, ლეჩხუმში, „ცაგერის ისტორიულ მუზეუმში“ ვეფხისტყაოსნის უნიკალური გამოცემები გამოიფინა, რაც ამავე მუზეუმისა და ლიბერთის ერთობლივი პროექტის ნაწილია. პროექტი სახელწოდებით „საუბრები ვეფხისტყაოსანზე“ მიზნად ისახავს მოზარდების ცოდნის ამაღლებას და შეხვედრას იმ ადამიანებთან, რომლებიც იშვიათ ცოდნას ფლობენ რუსთაველისა და მისი პოემის შესახებ. ამჯერად შეხვედრა ლევან თაქთაქიშვილთან გაიმართა, რადგან მუზეუმში წარმოდგენილი „ვეფხისტყაოსნის“ თითოეული ეგზემპლარი, სწორედ ეროვნული ბიბლიოთეკის ფონდების ხელმძღვანელის პირადი კოლექციიდან იყო წარმოდგენილი. #ახალიამბები #BusinessMediaGeorgia
#საქმიანიდილა - 3 ნოემბერი - პროლოგი #ახალიამბები #BusinessMediaGeorgia
თაფლის მოსავალი შემცირდა, ფასი გაიზარდა - მიზეზები #ახალიამბები #BusinessMediaGeorgia
„საქკაბელმა“ ზესტაფონში მესამე გადაიარაღებული სივრცე და ახალი შოურუმი გახსნა. საზეიმო ღონისძიებას როგორც სახელმწიფოს, ისე კერძო სექტორის და „საქკაბელის“ პარტნიორ კომპანიათა წარმომადგენლები ესწრებოდნენ. განახლებული საწარმოს საქმიანობის შესწავლის შემდეგ, „საქკაბელის“ ორგანიზებით, ბიზნესურთიერთობის განვითარების ხელშემწყობი კონფერენცია გაიმართა, სადაც კომპანიის მენეჯმენტმა დამსწრე საზოგადოებას „საქკაბელის“ გეგმებისა და სიახლეების შესახებ ინფორმაცია მიაწოდეს. კონფერენციის დასრულების შემდეგ შემოსავლების სამსახურის საბაჟო დეპარტამენტის უფროსის მოადგილე, ელგუჯა ბერანძემ კომპანიას ავტორიზებული ეკონომიკური ოპერატორის სტატუსის დამადასტურებელი სერტიფიკატი გადასცა. #ახალიამბები #BusinessMediaGeorgia
2023 წლის ოქროს ბურთის დაჯილდოების ცერემონიალი - ყველაფერი, რაც უნდა იცოდეთ #ახალიამბები #BusinessMediaGeorgia