მეტალურგიის სექტორის წარმომადგენლების ნაწილი კვლავ გამოწვევების წინაშეა. ოფიციალური სტატისტიკა აჩვენებს, რომ ქვეყნის ერთ-ერთ მთავარი საექსპორტო პროდუქციის, ფეროშენადნობების დარგში კლების ტენდენცია ფიქსირდება. კერძოდ, მიმდინარე წლის 8 თვეში საქართველოდან სულ 137 მლნ დოლარის ღირებულების პროდუქცია გავიდა ექსპორტზე, რაც წლიურად თითქმის 38 %-იანი კლებაა. მიზეზი კვლავ გლობალურ ბაზრებზე არსებული რთული ვითარება და დაბალი ფასებია, რის გამოც საწარმოების დიდი ნაწილი კვლავ გაჩერებულია. ზრდას აჩვენებს ისეთი სამრეწველო პროდუქციის ექსპორტი როგორიცაა აზოტოვანი სასუქები, თუმცა სექტორის წარმომადგენლები ამბობენ, რომ ამჟამად საექსპორტო ბაზრებზე საუკეთესო პერიოდი არაა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 02.10.2025 ✔️H&M დაბრუნდა "გალერია თბილისში" განახლებული სივრცითა და ინსპირაციული დიზაინით; ✔️საქართველოს ბანკის მობილბანკში Grand Mall-ის ციფრული სასაჩუქრე ბარათები ხელმისაწვდომია; ✔️თელავში „თელავი მოლი“ ნოემბერში გაიხსნება – „ემპი დეველოპმენტის“ რიგით მე-18 პროექტი; ✔️კახეთში, ჩვენს სერვისზე მოთხოვნა მაღალია - ალკოჰოლური სასმელების ლაბორატორია "აგროლაბი"; ✔️როტერდამში პირველი ქართული რესტორანი "გობი" გაიხსნა - რას სთავაზობს ობიექტი მომხმარებელს? #ახალიამბები #BusinessMediaGeorgia
საქართველოში ხორცის წარმოება იზრდება, რძის და კვერცხის კი იკლებს. ბოლო 5 წლის ტრენდს თუ შევხედავთ, საქსტატის მონაცემები ცხადყოფს, რომ მეცხოველეობის პროდუქტებიდან შედარებით სტაბილურად საქართველოში ხორცის წარმოება იზრდება. მიუხედავად ამისა, ქვეყანას ამ ეტაპზე მხოლოდ კვერცხის შიდა მოხმარება შეუძლია სრულად დააკმაყოფილოს. რა გამოწვევები არსებობს საქართველოს ხორცის/რძის/კვერცხის წარმოების სექტორებში, როგორია დღეს ამ პროდუქტებზე თვითუზრუნველყოფის კოეფიციენტები და რა უშლის ხელს დარგის განვითარებას? #ახალიამბები #BusinessMediaGeorgia
ახელმწიფო შესყიდვებში "თეთრი სია" არ გაუქმდება, თუმცა გამკაცრდება, ახალი სისტემა კი 2029 წლიდან ამოქმედდება. თეთრ სიასთან და გარდამავალ პერიოდთან დაკავშირებით მიღებული შესაბამისი გადაწყვეტილება ინფრასტრუქტურის მინისტრის და სამშენებლო კომპანიებს შორის გამართული შეხვედრის შემდეგ გახდა ცნობილი. მინისტრის განცხადებით, ,,თეთრი სიის“ შემთხვევაში, 2026 წელს ხელშეკრულების შესრულების უზრუნველყოფის გარანტია განისაზღვრება 60%-ით, მომდევნო წლებში კი ეს მაჩვენებელი ეტაპობრივად გაიზრდება. რა გადაწყვეტილება მიიღო სამინისტრომ და როგორია ბიზნესის შეფასება? #ახალიამბები #BusinessMediaGeorgia
საყოველთაო ინტერნეტიზაციის პროექტის 50%-ით ძვირდება და მისი დასრულების ვადამაც 2 წლით გადაიწია. როგორც ირკვევა, რეგიონებში ოპტიკურ-ბოჭკოვანი მაგისტრალური ქსელის ასაგებად გამოყოფილი 70 მლნ ევრო საკმარისი არ არის და დამატებით დაახლოებით 40 მილიონია საჭირო. სამშენებლო ხარჯების გაზრდას ეკონომიკის სამინისტრო კორონავირუსის შედეგად დაწესებულ შეზღუდვებს და გეოპოლიტიკურ კრიზისს უკავშირებს. დამატებითი თანხის 35.4 მლნ ევროს სესხებას მთავრობა რეკონსტრუქციისა და განვითარების საერთაშორისო ბანკისგან გეგმავს. პარლამენტისთვის წარდგენილ სასესხო შეთანხმების პროექტში წერია, ქსელის მშენებლობის ფარგლებში 37.1 მლნ დოლარი მშენებლობისა და აპარატურის შეძენაზე დაიხარჯება, 1 მლნ გაუთვალისწინებელ ხარჯებზე, დანარჩენი საზედამხედველო და სხვა ხარჯებზე მიემართება. დოკუმენტში ასევე აღნიშნულია, რომ მიმდინარე და დაგეგმილი ტენდერების გათვალისწინებით პროექტის ვადა 2025 წლიდან 2 წლით გახანგრძლივდება. Log-in Georgia-ს ფარგლებში, 2025 წლის ბოლოსთვის სულ 5000 კმ. სიგრძის ოპტიკურ-ბოჭკოვანი მაგისტრალური ინფრასტრუქტურა უნდა აშენებულიყო. თუმცა ამ წლის მაისის მონაცემებით, სულ 1,600 კმ ოპტიკურ-ბოჭკოვანი ქსელი იყო აშენებული და 1310 კმ-ზე მშენებლობა მიმდინარეობდა. რატომ შეიძლება ჭიანურდებოდეს ქსელის მშენებლობა და რა შეცვალა ბაზარზე უკვე აშენებულმა მაგისტრალურმა ქსელმა? სტუმარი: უჩა სეთური - “მცირე და საშუალო ტელეკომ ოპერატორების ასოციაციის” აღმასრულებელი დირექტორი #ახალიამბები #BusinessMediaGeorgia
სახელმწიფო შესყიდვებში "თეთრი სია" არ გაუქმდება, თუმცა გამკაცრდება, ახალი სისტემა კი 2029 წლიდან ამოქმედდება - შესაბამისი გადაწყვეტილება ინფრასტრუქტურის სამშენებლო კომპანიებისა და მინისტრს შორის გამართული შეხვედრის შემდეგ გახდა ცნობილი. როგორც მინისტრი რევაზ სოხაძე აცხადებს, რომ ,,თეთრი სიის“ შემთხვევაში, 2026 წელს ხელშეკრულების შესრულების უზრუნველყოფის გარანტია 60%-ით, განისაზღვრება, მომდევნო წლებში კი ეს მაჩვენებელი ეტაპობრივად გაიზრდება. საბოლოოდ რა გადაწყვეტილება მიიღო სამინისტრომ და როგორია ბიზნესის შეფასება? #ახალიამბები #BusinessMediaGeorgia
ბანკებმა დეველოპერულ სექტორში იპოთეკური სესხების გაცემა შეანელეს, თუმცა ბინების რეალიზაცია არ მცირდება. მიზეზი თავად დეველოპერული სექტორის მიერ მოთხოვნის შიდა განვადებებით სტიმულირებაა, რამაც ფაქტობრივად იპოთეკური სესხი ჩაანაცვლა. ბიზნესი ამბობს, რომ ბანკები იპოთეკურ სესხებს აღარ გასცემენ იმიტომ, რომ სექტორის დაკრედიტების ზედა ზღვარს მიაღწიეს, ამიტომ ახლა დეველოპერები ეროვნულ ბანკთან აწარმოებენ მოლაპარაკებებს, რომ მოქმედი რეგულაციები იმდენად შერბილდეს, რომ ბანკებს მეტი ლიკვიდობა გაუჩნდეთ, რომ მეტი იპოთეკური სესხის გაცემა შეძლონ . რა რისკები იქმნება შიდა განვადებების გააქტიურებით დეველოპერულ სექტორში და რაზე ესაუბრება ბიზნესი ეროვნულ ბანკს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 01.10.2025
რუსთავის ფოლადი არმატურის ბიზნესიდან გასვლას გეგმავს. როგორც მეტალურგიის დარგის ერთ-ერთი უმსხვილესი საწარმოს გენერალური დირექტორი bmg-სთან ექსკლუზიურ ინტერვიუში ამბობს, რუსთავის მეტალურგიული ქარხნისთვის ამ ეტაპზე პრიორიტეტი უნაკერო მილების წარმოების გაფართოება და ექსპორტის ზრდაა. რუსთავის ფოლადის ახალ მენეჯმენტში განმარტავენ, რომ გასულ წელს ამ მიმართულებით წარმოების გასამმაგება შეძლეს. როგორია სექტორის ერთ-ერთი უმსხვილესი საწარმოს შედეგები და სამომავლო გეგმები? #ახალიამბები #BusinessMediaGeorgia
ერთ-ერთი პროგრამა, რომელიც 2023 წლის ხორციელდება ბიზნეს სექტორს ისტორიულ არეალში ავარიული შენობის ჩანაცვლება რეაბილიტაციის სანაცვლოდ მის საკუთრებაში არსებულ მიწაზე, რომელიც არა ისტორიულ უბანში მდებარეობას, k2 კოეფიციენტის გაზრდას სთავაზობს. ამის მიღმა 2023 წელსვე გაჟღერდა მსგავსი ინიციატივა რეკრეაციულიო არეალებთან მიმართებითაც. ბიზნესი თუ მის საკუთრებაში არსებულ რეკრეაციულ ზონას, რომლის მიმართაც საზოგადოებრივი ინტერესი მაღალია მუნიციპალიტეტს დაუბრუნებს, სხვა მისსავე კუთვნილ არეალში კ2 კოეფიციენტის გაზრდას შეძლებს. რა შემთხვევაში ხდება მუნიციპალიტეტში სამშენებლო პროექტებში კოეფიციენტების ზრდა და რამდენად სწორია ქალაქში ამ კუთხით წარმოებული პოლიტიკა? სტუმარი: ანა ბიბილაშვილი - ურბანისტი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 30.09.2025
აგვისტოში საქართველოს ეკონომიკა 6.6%-ით გაიზარდა, ხოლო 2025 წლის 8 თვეში ზრდის ტემპმა 7.9% შეადგინა. საქსტატის თანახმად, აგვისტოში საქართველოს კერძო სექტორის, ანუ დღგ-ის გადამხდელი საწარმოების ბრუნვა წლიურად 9%-ით გაიზარდა და მან 15.3 მილიარდი ლარი შეადგინა. ზრდა დაფიქსირდა IT სექტორში, ასევე საფინანსო და ენერგეტიკის დარგსა და ვაჭრობაში. კლება კი მშენებლობასა და მრეწველობაში აღინიშნა. ამასთან, მორიგმა საერთაშორისო საფინანსო ორგანიზაციამ, აზიის განვითარების ბანკმა 2025 წლისთვის საქართველოს ეკონომიკური ზრდის პროგნოზი 1 პროცენტული პუნქტით, 7%-მდე გაზარდა. თუმცა როგორც საერთაშორისო ორგანიზაციები, ასევე ეკონომისტები ელიან, რომ მომდევნო პერიოდში საქართველოს ეკონომიკური ზრდის ტემპი შენელდება. #ახალიამბები #BusinessMediaGeorgia
ოქროს ფასმა ახალ რეკორდულ ნიშნულს მიაღწია. საერთაშორისო ბირჟაზე უნცია ძვირფასი მეტალის ღირებულება 3 800 დოლარიან ნიშნულს გადასცდა, რაც ისტორიულ შედეგს წარმოადგენს. ბოლო ერთ წელში ოქრო 45%-ით არის გაძვირებული. საერთაშორისო ბაზრის ტენდენციები გადმოეცემა ქართულ ბაზარსაც. ოქროს ბირჟაზე გაძვირდა როგორც ოქროს ნაკეთობები, ისე ვერცხლი, რადგან ოქროზე ფასის ზრდის პარალელურად საერთაშორისო ბირჟაზე ვერცხლზეც ფასი თითქმის 50%-ით გაიზარდა. რა იწვევს ძვირფას ლითონებზე ფასის ზრდას, რა ტენდენციებია საქართველოში და როგორ რეაგირებს მომხმარებელი ფასის მერყეობაზე? #ახალიამბები #BusinessMediaGeorgia
თბილისის ვიცე-მერის, გიორგი ტყემალაძის განცხადებით, თბილისის ანძაზე ვიზიტორთა ცენტრისა და პანორამული რესტორნის სამშენებლო სამუშაოები ანონსიდან თითქმის 10 წლის შემდეგ 2027 წელს დასრულდება - ამის შესახებ ვიცე-მერმა ტრანსპორტისა და ურბანული განვითარების პოლიტიკის პრეზენტაციაზე გასულ კვირას ისაუბრა. შეგახსენებთ, რომ თბილისის ისტორიული ანძის მოდერნიზების შესახებ დედაქალაქის მერმა, კახა კალაძემ ჯერ კიდევ 2018 წელს განაცხადა. მომზადდა განვითარების კონცეფციაც, თუმცა ბიზნესის ყურადღება პროექტმა მხოლოდ 2021 წელს მიიქცია, როდესაც, გამოცხადებული ინტერესთა გამოხატვით, შეირჩა კომპანია, რომელმაც თბილისის ანძა ტურისტულად უნდა დატვირთოს. ინვესტორ KASS GROUP-ს ადგილზე 4 მილიონი დოლარის ინვესტიციის განხორციელების ვალდებულება აქვს. ამის შემდეგ კი KASS GROUP-ს თბილისის ანძაზე მოწყობილი ტურისტული ინფრასტრუქტურა 28-წლიან მართვაში გადაეცემა. რა ეტაპზეა თბილისის ანძის მოდერნიზების პროექტი, რატომ გაჭიანურდა ადგილზე სამუშაოები და როგორია ინვესტორი კომპანიის გეგმები საქართველოში? სტუმარი: ეკა თორდია KASS GROUP-ის გენერალური დირექტორი #ახალიამბები #BusinessMediaGeorgia
აგვისტოში საქართველოს ეკონომიკა 6.6%-ით გაიზარდა, ხოლო 2025 წლის 8 თვეში ზრდის ტემპმა 7.9% შეადგინა. საქსტატის თანახმად, აგვისტოში საქართველოს კერძო სექტორის, ანუ დღგ-ის გადამხდელი საწარმოების ბრუნვა წლიურად 9%-ით გაიზარდა და მან 15.3 მილიარდი ლარი შეადგინა. სექტორებიდან ზრდა დაფიქსირდა IT სექტორში, ასევე საფინანსო და ენერგეტიკის დარგში, ასევე ვაჭრობაში. კლება კი მშენებლობასა და მრეწველობაში აღინიშნა. როგორია მაკროეკონომიკური ტენდენციები და მოლოდინები? #ახალიამბები #BusinessMediaGeorgia
ფინანსთა სამინისტრომ ქონების გადასახადის რეფორმა გადაავადა და ის წელს არ განხორციელდება. ეს კი იმ ფონზე, რომ სამინისტრო შესაბამისი საკანონმდებლო ცვლილებების ინიცირებას პარლამენტში ჯერ კიდევ გასული წლის გაზაფხულზე გეგმავდა. ფინანსთა მინისტრის პირველი მოადგილის განცხადებით, შესაბამისი ანალიზის შემდეგ გამოიკვეთა, რომ რეფორმის შედეგად მუნიციპალიტეტების ნაწილს შემოსავლები მნიშვნელოვნად ეზრდება, ნაწილს კი უმცირდება. შესაბამისად, მთავრობა ამ რეფორმის გატარებას არ ჩქარობს. სპეციალისტები კი მიუთითებენ, რომ ქონების გადასახადის რეფორმა, განსაკუთრებით ფიზიკური პირების ნაწილში, დასაჩქარებელია. რატომ ჭიანურდება ქონების გადასახადის რეფორმა და რა გამოწვევები ახლავს დაბეგვრის არსებულ მოდელს? #ახალიამბები #BusinessMediaGeorgia
ერთჯერადი პლასტიკის მოხმარების რეგულირებაზე სოფლის მეურნეობის სამინისტროში ბიზნესთან კიდევ ერთი შეხვედრა გაიმართა. ამჯერად სამინისტროს წარმომადგენლები, ჰიპერმარკეტების ქსელების და სტუმარმასპინძლობის სექტორს შეხვდნენ. ამ ეტაპზე უცნობია, კონკრეტულად რა ტიპის საკანონმდებლო პაკეტს მოამზადებს დარგობრივი უწყება, თუმცა საუბარია უშუალოდ სურსათთან შემხებლობაში არსებული პლასტიკის აკრძალვაზე, რომელიც დღეს ერთ-ერთ მნიშვნელოვან გარემოსდაცვით გამოწვევას წარმოადგენს. მეორეს მხრივ, ბიზნესისთვის ჯერ კიდევ ბევრი რამ გაურკვეველია, მათ შორის რა გავლენა ექნება დაგეგმილ ცვლილებებს ბაზარზე და ერთჯერადი პლასტიკის საგნების აკრძალვის შემთხვევაში რა ალტერნატივა, რა დროში უნდა შესთავაზონ მომხმარებელს. რამდენად მზად არის ბაზარი ახალ მოთხოვნებს დროულად მოერგოს და რა გავლენა ექნება პლასტიკის მოხმარების რეგულირებას ბიზნესზე და მომხმარებელზე? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 29.09.2025 ✔️ინფლაცია და სეზონურობა სერიოზული გამოწვევაა - „კესანე - არ დამივიწყო"; ✔️მომხმარებლების 70% ადგილობრივები არიან - "ნეკრესის მამული"; ✔️„ქინდერლაბი“ თელავში კემბრიჯის პროგრამებზე დაფუძნებულ ინოვაციურ სასწავლო ცენტრს ხსნის - რას შესთავაზებს მომხმარებლებს? ✔️ქუთაისში Sami Street Bistro გაიხსნა - რას სთავაზობს მომხმარებელს ობიექტი? #ახალიამბები #BusinessMediaGeorgia
ერთჯერადი პლასტიკის მოხმარების რეგულირებაზე სოფლის მეურნეობის სამინისტროში ბიზნესთან კიდევ ერთი შეხვედრა გაიმართა. ამჯერად სამინისტროს წარმომადგენლები, ჰიპერმარკეტების ქსელების და სტუმარმასპინძლობის სექტორს შეხვდნენ. ამ ეტაპზე უცნობია, კონკრეტულად რა ტიპის საკანონმდებლო პაკეტს მოამზადებს დარგობრივი უწყება, თუმცა საუბარია უშუალოდ სურსათთან შემხებლობაში არსებული პლასტიკის აკრძალვაზე, რომელიც დღეს ერთ-ერთ მნიშვნელოვან გარემოსდაცვით გამოწვევას წარმოადგენს. რა გავლენა ექნება პლასტიკის მოხმარების რეგულირებას ბიზნესზე და მომხმარებელზე და რამდენად მზად არის ბაზარი ახალ მოთხოვნებს დროულად მოერგოს? #ახალიამბები #BusinessMediaGeorgia
საქართველოს დერეფანში ტრაილერების გატარებით მიღებული შემოსავალი შემცირდა. სახელმწიფო ხაზინის მონაცემებით, წელს 8 თვეში ბიუჯეტში გზათსარგებლობის გადასახადის სახით 110 605 237 ლარის შემოსავალი მიიღო, რაც წლიურად 6%-ით, ანუ 7.1 მლნ-ით შემცირებული მაჩვენებელია. მიღებული მონაცემები ცხადყოფს, რომ თუ შარშან ქვეყნის გზებით 336 402 ტრაილერმა გაიარა, წელს 316 015 ტრაილერის გატარება მოხდა, ეს 20 387 ტრაილერით ნაკლებია. მხოლოდ აგვისტოში ქვეყნის გზებით 38 956 სატვირთომ ისარგებლა, მათ მიერ ბიუჯეტში 13 634 838 ლარი შევიდა. აღსანიშნავია, რომ წელს საქართველოზე გამავალ შუა დერეფანში სახმელეთო გადაზიდვები შემცირებულია როგორც სატვირთო ასევე სარკინიგზო მიმართულებით, თუმცა მარშრუტი გეოპოლიტიკური მდგომარეობის გათვალისწინებით აქტუალობას ისევ ინარჩუნებს. თიბისი კაპიტალის მიერ ცოტა ხნის წინ წარდგენილი კვლევაც აჩვენებს, რომ შუა დერეფანი სტრატეგიულია, თუმცა ალტერნატიულ დერეფნებთან შედარებით ნაკლებად კონკურენტულია გამტარუნარიანობის, დროისა და ხარჯების თვალსაზრისით. მთავარ გამოწვევად ინფრასტრუქტურის არასაკმარისი გამტარუნარიანობა და ადმინისტრაციული და საბაჟო პროცედურების სირთულე სახელდება. საინვესტიციო ბანკის ექსპერტები ფიქრობენ, რომ თუ დაწყებული და დაანონსებული პროექტები განხორციელდება ეს დერეფნის გამტარუნარიანობას გაზრდის. რა ტენდენციებია შუა დერეფანში, რამდენად ახერხებს საქართველო არსებული ინფრასტრუქტურის გათვალისწინებით ტვირთების სრულფასოვან გატარებას და რა პერსპექტივები აქვს ქვეყანას? სტუმარი: მიხეილ ნამადოვი - Kairos Logistics-ის გენერალური დირექტორი #ახალიამბები #BusinessMediaGeorgia
2025 წლის 30 სექტემბრიდან - 08 ოქტომბრის ჩათვლით, ECLIPSE ENTERTAINMENT ჯგუფი ბათუმში EAPT Batumi 2025-ს უმასპინძლებს. ერთ-ერთი ყველაზე მასშტაბური და პრესტიჟული საერთაშორისო პოკერის ტურნირის საპრიზო ფონდი 800 ათასი დოლარი იქნება. ეს რიგით მესამე საერთაშორისო ტურნირია, რომელსაც ECLIPSE POKER CLUB ატარებს. ორგანიზატორები აცხადებენ, რომ მსგავსი მაღალი დონის პოკერის ტურნირები საქართველოსთვის უპრეცედენტოა და მათ შეუძლიათ ქვეყნის ეკონომიკურ და ტურისტულ განვითარებაში მნიშვნელოვანი როლი შეასრულონ. კერძოდ, ღონისძიებას ექნება ტურისტული ეფექტი, რადგანაც ტურნირის ვიზიტორები ტურისტების ახალ სეგმენტს ქმნის, რომელიც პლაჟის სეზონზე დამოკიდებული არ არის. იზრდება საქმიანი აქტივობა. სასტუმროების ბიზნესი, კვების სფერო, ტრანსპორტი და სხვა სერვისები განვითარებისთვის ხელშესახებ სტიმულს იღებენ, ასევე ხდება ბათუმის, როგორც ტურისტული, ასევე კულტურული, საქმიანი და გასართობი ცენტრის სტატუსის განმტკიცება. ორგანიზატორები მიუთითებენ, რომ ამ ეტაპზე, ბათუმი სათამაშო ინდუსტრიის ცენტრად ვერ ჩამოყალიბდება. პირიქით,მაღალი საგადასახადო წნეხის გამო, შესაძლოა არსებული აზარტული მოთამაშეების ნაკადიც შემცირდეს. აზერბაიჯანის კასპიის ზღვის ხელოვნურ ტერიტორიაზე კაზინოების ლეგალიზებამ კი შესაძლოა ამ ტიპის ვიზიტორთა ნაკადი მკვეთრად შეამციროს, რაც საგადასახადო შემოსავლების შემცირებასაც გამოიწვევს/ #ახალიამბები #BusinessMediaGeorgia
საქართველოს ბანკის ავტო ინდუსტრიის მხარდაჭერის გაგრძელებაზე აცხადებს. ამჯერად, ბანკის ფინანსური ხელშეწყობით, ოტო მოტორსმა წეროვანში ახალი შოურუმი გახსნა. პროექტის ჯამური ღირებულება 10 მილიონი ლარია, საქართველოს ბანკის მიერ განხორციელებული ინვესტიცია კი 7 მილიონ ლარს შეადგენს. პროექტის ფარგლებში, წეროვანში, 9.000 კვ.მ ფართობზე ახალი სივრცე მოეწყო, რომელიც პროდუქციის შოურუმსა და სასაწყობე სივრცეს აერთიანებს. კომპანიას ქართულ ავტოინდუსტრიაში საბითუმო ვაჭრობისა და ბიზნეს პარტნიორობის ჰაბად ქცევა აქვს მიზნად დასახული. ოტო მოტორსი ბაზარზე 2008 წლიდან ოპერირებს. კომპანია მომხმარებლებს 20-ზე მეტი ქვეყნიდან, 100-ზე მეტ საერთაშორისო ბრენდის პროდუქციას სთავაზობს. ის სრულად ფარავს ავტომობილის მოვლა-შეკეთებისთვის საჭირო მოთხოვნას, იქნება ეს ნაწილი თუ დანადგარები, რაც ხელს უწყობს ბაზარზე არსებული სხვადასხვა სეგმენტური საჭიროების დაკმაყოფილებას. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 28.09.2025
საქართველოში საშუალო ხელფასი ნომინალში მუდმივად მზარდია. იზრდება თუ ინფლაციის გათვალისწინებით რეალური ხელფასიც ქვეყანაში და რა დინამიკას აჩვენებს ხელფასების სტატისტიკა 2012 წლიდან დღემდე, ანუ მას შემდეგ, რაც ხელისუფლებაში “ქართული ოცნება” მოვიდა. როგორ და რამდენით გაიზარდა ხელფასი საქართველოში და რა არის აუცილებელი გაითვალისწინოთ ხელფასის ზრდის დათვლისას? #ახალიამბები #BusinessMediaGeorgia
კონკურენციისა და მომხმარებლის დაცვის სააგენტოში ფარმა ბიზნესის ბაზარზე პოზიციებს მოიკვლევენ. სააგენტოს ინფორმაციით, იმ დასკვნებს საფუძველზე რომელიც რამდენიმე თვის წინ იყო, ორმა ფარმაცევტულმა კომპანიამ სააგენტოს ჯარიმა სასამართლოში გაასაჩივრა. მიმდინარე წლის აგვისტოში, GCCA-მ გაავრცელა ინფორმაცია, რომ ოთხი ფარმაცევტული კომპანია ჯამში 560 ათასი ლარით დააჯარიმეს. კონკურენციისა და მომხმარებლის დაცვის სააგენტოს ხელმძღვანელი ირაკლი ლექვინაძე სტუმრობდა ანალიტიკას და ცხადია სააგენტო რომელიც რამდენიმე მიმართულებით მუშაობს ყველა მიმართულებით საინტერესოა და რამდენიმე თემაზე იყო საუბარი. #ახალიამბები #BusinessMediaGeorgia
ზოგადი გამოწვევები, ეკონომიკური პარამეტრები, ბიუროკრატია, დაპირებები - მთავრობის წევრები ბიზნესის წარმომადგენლებს ბიზნეს ასოციაციის ორგანიზებულ შეხვედრაზე პარაგრაფში შეხვდნენ. დაახლოებით 4 საათიანი შეკრების შემდეგ კონკრეტული განცხადებები ნაკლებად იყო, პრემიერმა ტრიბუნასთან მოხსენების გარდა ჟურნალისტებთან კომუნიკაციისგან თავი შეიკავა და დღის წესრიგში გაწერილ სხვა ღონისძიებებზე გადადო. ჟურნალისტებთან კომენტარი არც მთავრობის წევრებმა ისურვეს და ამ ამპლუაში კომფორტულად თავს ვერც ბიზნესმენები გრძნობდნენ. მედიის წარმომადგენლებმა კითხვების დასმა მაინც სცადეს. პოლიტიკური კონტექსტის მიმართ ინტერესი როგროც ჩანს ნარჩუნდება და საქმიან მიმართულებებზე საუბრის დრო სულ უფრო მცირდება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) 26.09.2025
საქართველოს აეროპორტებში მგზავრთნაკადი მზარდია. მიმდინარე წლის იანვარ-აგვისტოში საქართველოს აეროპორტები ჯამში 5 მლნ 600 ათასზე მეტ მგზავრს მოემსახურა, რაც 14%-ით მეტია 2024 წლის 8 თვის მონაცემებთან შედარებით. 2025 წლის იანვარ-აგვისტოს მონაცემებით, თბილისის საერთაშორისო აეროპორტი 3 მლნ 500 ათასზე მეტ მგზავრს მოემსახურა, რაც 12%-ით მეტია გასული წლის ანალოგიურ მაჩვენებელზე. ქუთაისის საერთაშორისო აეროპორტი 2025 წლის იანვარ-აგვისტოს მონაცემებით მილიონ 200 ათასზე მეტ მგზავრს მოემსახურა, რაც მგზავრთნაკადის 11%-იანი ზრდაა. ბათუმის აეროპორტმა კი 8 თვეში 840 ათასზე მეტი მგზავრი გაატარა, რაც 32%-ით გაზრდილი მაჩვენებელია. რამდენად მზად არის საქართველოს აეროპორტები შეუფერხებლად მოემსახურონ გაზრდილ მგზავრთნაკადს, რა მიმართულებით სჭირდება საავიაციო ინფრასტრუქტურას განვითარება და როგორ უნდა მოიზიდოს ქვეყანამ ახალი ავიაკომპანიები? სტუმარი: ირაკლი ქარქაშაძე - Nebula AI Hub -ის დირექტორი კომერციული საავიაციო მიმართულებით #ახალიამბები #BusinessMediaGeorgia
მთავრობის წარმომადგენლებსა და ბიზნესსექტორს შორის თითქმის 4 საათიანი შეხვედრა დასრულდა. როგორც კერძო სექტორის ნაწილმა შეხვედრის დასრულების შემდეგ მედიასთან განაცხადა, საუბარი იყო ზოგად გამოწვევებზე, ასევე ენერგეტიკის სექტორში არსებულ ვითარებაზე. შეხვედრიდან გამოსული ბიზნესის ნაწილი აღნიშნავდა, რომ მათი მოლოდინები და განწყობები დადებითია. ამასთან, ბიზნესის ნაწილმა მთავრობის წარმომადგენლებთან შეხვედრაზე ბიუროკრატიასთან დაკავშირებულ გამოწვევებზეც ისაუბრა. რაზე გააკეთა ბიზნესმა ირაკლი კობახიძესთან შეხვედრაზე აქცენტი? #ახალიამბები #BusinessMediaGeorgia
ჯანმოს პროგნოზით, 2030 წლისთვის ევროპა ჯანდაცვის 950 000 მუშაკის დეფიციტის წინაშე აღმოჩნდება. ორგანიზაციის აზრით, ჯანდაცვის სისტემების კოლაფსის თავიდან ასაცილებლად, ქვეყნებმა სასწრაფოდ უნდა განახორციელონ კადრების შენარჩუნების სტრატეგიები და ინვესტიციები ჩადონ განათლებაში. ჯანდაცვის სფეროში კადრების დეფიციტზე წლებია საუბრობენ საქართველოშიც, სადაც ექიმებისა და ექთნების თანაფარდობის მაჩვენებელი მნიშვნელოვნად ჩამოუვარდება ევროპულ ქვეყნებში არსებულ საშუალოს. რატომ მიდიან ქვეყნიდან ექიმები და ექთნები, რატომ არ ინტერესდებიან ახალგაზრდები პროფესიით და რა ნაბიჯები უნდა გადადგას იმისთვის, რომ დარგში კოლაფსი არ შეიქმნას? #ახალიამბები #BusinessMediaGeorgia
ფარმაცევტული ბაზარი მორიგ რეგულაციაზე გადასაწყობად ემზადება. 1 ოქტომბრიდან ძალაში შედის მთავრობის შესაბამისი დადგენილება, რომელიც ეროვნული რეჟიმით ფარმაცევტული პროდუქტის რეგისტრაციის ან ხელახალი რეგისტრაციის დროს იმპორტიორს და ადგილობრივ მწარმოებელს ავალდებულებს არამხოლოდ საბოლოო პროდუქტის მწარმოებელი ქარხნის GMP სერტიფიკატი გააჩნდეს, არამედ იმ სუბსტანციის მწარმოებელი ქარხნის GMP წარმოადგინოს, რომელი სუბსტანციაც წარმოებაში გამოიყენება. რას ითხოვს რეგულატორი ფარმაცევტული ბაზრის მოთამაშეებისგან და რამდენად მზად არის თავად სექტორი აღნიშნული მოთხოვნები დააკმაყოფილოს? #ახალიამბები #BusinessMediaGeorgia
საქართველოს ბანკის მხარდაჭერით თერმოინდუსტრიამ ახალი შოურუმი “ბუდე პლიუსი” გახსნა. ახალი სივრცე თბილისში, გ.ამილახვარის #1 ში, 10 000კვ.მ ფართობზე განთავსდა და ის შოურუმს, სასაწყობე სივრცესა და საოფისე ფართებს აერთიანებს. შოურუმში წარმოდგენილია გათბობა-გაგრილების, მზის სისტემებისა და ჭკვიანი სახლის პრემიუმ ხარისხის პროდუქცია. მომხმარებლებს შოურუმში ისეთი ექსკლუზიური ბრენდები დახვდებათ, როგორიცაა: ვისმანი, იტალთერმი, ისიეი და სხვა 80-ზე მეტი საერთაშორისო ბრენდის პროდუქცია. #ახალიამბები #BusinessMediaGeorgia
ფარმაცევტული ბაზარი მორიგ რეგულაციაზე გადასაწყობად ემზადება. 1 ოქტომბრიდან ამოქმედდება მთავრობის შესაბამისი დადგენილება, რომელიც ეროვნული რეჟიმით ფარმაცევტული პროდუქტის რეგისტრაციის ან ხელახალი რეგისტრაციის დროს იმპორტიორს და ადგილობრივ მწარმოებელს ავალდებულებს არამხოლოდ საბოლოო პროდუქტის მწარმოებელი ქარხნის GMP სერტიფიკატი, არამედ იმ სუბსტანციის მწარმოებელი ქარხნის GMP წარმოადგინოს, რომელი სუბსტანციაც წარმოებაში გამოიყენება. რას ითხოვს რეგულატორი ფარმაცევტული ბაზრის მოთამაშეებისგან და რამდენად არის მზად თავად სექტორი აღნიშნული მოთხოვნები დააკმაყოფილოს? #ახალიამბები #BusinessMediaGeorgia
ჯანმოს პროგნოზით, 2030 წლისთვის ევროპა ჯანდაცვის 950 000 მუშაკის დეფიციტის წინაშე აღმოჩნდება. ორგანიზაციის აზრით, ჯანდაცვის სისტემების კოლაფსის თავიდან ასაცილებლად, ქვეყნებმა სასწრაფოდ უნდა განახორციელონ კადრების შენარჩუნების სტრატეგიები და ინვესტიციები ჩადონ განათლებაში. ჯანდაცვის სფეროში კადრების დეფიციტზე წლებია საუბრობენ საქართველოშიც, სადაც ექიმებისა და ექთნების თანაფარდობის მაჩვენებელი მნიშვნელოვნად ჩამოუვარდება ევროპულ ქვეყნებში არსებულ საშუალოს. რატომ მიდიან ქვეყნიდან ექიმები და ექთნები, რატომ არ ინტერესდებიან ახალგაზრდები პროფესიით და რა ნაბიჯები უნდა გადადგას იმისთვის, რომ დარგში კოლაფსი არ შეიქმნას? #ახალიამბები #BusinessMediaGeorgia
საქართველოში ელექტროენერგიის გამომუშავება შემცირდა. სახელმწიფო ელექტროსისტემის მონაცემებით, 2025 წლის 8 თვეში ქვეყანაში 9.3 მლრდ კვტ.სთ ელექტროენერგია იწარმოვა, რაც 2024 წელთან შედარებით 9%-ით შემცირებული მაჩვენებელია. მცირდება საქართველოდან ექსპორტირებული ელექტროენერგიის მოცულობაც და აგვისტოში ქვეყნიდან მცირე 10 მლნ კვტ.სთ ელექტროენერგია გავიტანეთ. წელს ჯამურად კი ექსპორტზე 505 მლნ კვტ.სთ მოცულობის ელექტროენერგია გავიდა. 2024 წელს კი ეს მოცულობა მილიარდ კილოვატსაათს აჭარბებდა. რა განაპირობებს მაჩვენებლების შემცირებას და რა ვითარებაა ენერგეტიკის დარგში? სტუმარი: მერაბ ლომინაძე - ET SYNERGY-ის დამფუძნებელი #ახალიამბები #BusinessMediaGeorgia
ეკონომიკის სამინისტრომ ენერგეტიკის სექტორში ინვესტორებზე გაცემული მემორანდუმების გადახედვა დაიწყო. მარიამ ქვრივიშვილის ენერგეტიკის სექტორის წარმომადგენლებთან შეხვედრის შემდეგ, ბიზნესი ამბობს, რომ საუბარია ახალ მემორანდუმებზე, რომელიც CFD აუქციონების შემდეგ ინვესტორებს პირდაპირი მოლაპარაკებების სქემის ფარგლებში გაუფორმდათ. კერძო სექტორი ამბობს, რომ წლების განმავლობაში დარგში სპეკულაციური ბაზარი ჩამოყალიბდა, ხდებოდა მემორანდუმებით ვაჭრობა, ამიტომ არ არის გამორიცხული სამინისტრომ ძველ პროექტებზე გაცემულ მემორანდუმებსაც გადახედოს. გაუქმდება თუ არა პირდაპირი მოლაპარაკებების გზით გაფორმებული კონტრაქტები და რა კრიტერიუმებით უნდა შეარჩიოს მთავრობამ რეალურად განხორციელებადი პროექტები? #ახალიამბები #BusinessMediaGeorgia
პარლამენტი ბიზნესების და მომხმარებლების დაცვის მოტივით ახალ კანონპროექტზე იწყებს მუშაობას, რომლითაც ბარათით თუ საგადახდო სისტემის ოპერატორით გადახდების შესრულების მაქსიმალურ საკომისიოდ ოპერაციის ღირებულების 0.5% -ით განისაზღვრება. ინიციატივის განმარტებითი ბარათის მიხედვით, ერთიანი საგადახდო ჭერის დანერგვა ბიზნესებისთვის განჭვრეტად სივრცეს შექმნის და მათ საგადახდო დანახარჯებს შეამცირებს. #ახალიამბები #BusinessMediaGeorgia
გალტ & თაგარტმა, სომხეთში „კაპიტალის ბაზრის მხარდაჭერის პროგრამის ფარგლებში, საგანმანათლებლო კონფერენცია გამართა. კონფერენცია ევროპის რეკონსტრუქციისა და განვითარების ბანკის და ევროკავშირის მხარდაჭერითა და Ameria Management Advisory-თან თანამშრომლობით ჩატარდა. შეხვედრა კაპიტალის ბაზრის განვითარებისთვის საჭირო ESG ინსტრუმენტების განხილვას დაეთმო. კერძოდ, განიხილეს ESG-სთან დაკავშირებული ინსტრუმენტების თავისებურებები; ობლიგაციების გამოშვების პროცედურები და მოთხოვნები ასევე როგორ მუშაობს მწვანე ობლიგაციების ბაზარი. კაპიტალის ბაზრის მხარდაჭერის პროგრამის მიზანი სომხეთში უფრო ეფექტური და თვითკმარი ადგილობრივი კაპიტალის ბაზრების განვითარებაა. პროგრამა მოიცავს საგანმანათლებლო და საკონსულტაციო მხარდაჭერას და დაფინანსების მოპოვების შესაძლებლობას, მათ შორის კოორდინაციას სომხეთის ცენტრალურ ბანკთან და სომხეთის ეკონომიკის სამინისტროსთან. #ახალიამბები #BusinessMediaGeorgia
პარლამენტი ბიზნესების და მომხმარებლების დაცვის მოტივით ახალ კანონპროექტზე იწყებს მუშაობას, რომლითაც ბარათით თუ საგადახდო სისტემის ოპერატორით გადახდების შესრულების მაქსიმალურ საკომისიოდ ოპერაციის ღირებულების 0.5% -ით განისაზღვრება. ინიციატივის განმარტებითი ბარათის მიხედვით, ერთიანი საგადახდო ჭერის დანერგვა ბიზნესებისთვის განჭვრეტად სივრცეს შექმნის და მათ საგადახდო დანახარჯებს შეამცირებს. #ახალიამბები #BusinessMediaGeorgia
ეკონომიკის სამინისტრომ ენერგეტიკის სექტორში ინვესტორებზე გაცემული მემორანდუმების გადახედვა დაიწყო. მარიამ ქვრივიშვილის ენერგეტიკის სექტორის წარმომადგენლებთან შეხვედრის შემდეგ, ბიზნესი ამბობს, რომ საუბარია როგორც ახალ, ისე ძველ მემორანდუმებზე. მხოლოდ PPA კონტრაქტების გზით, სამინისტროში 435 განაცხადია შესული, რომლის გადახედვაც მიმდინარეობს. კერძო სექტორი ამბობს, რომ წლების განმავლობაში დარგში სპეკულაციური ბაზარი ჩამოყალიბდა, ხდებოდა მემორანდუმებით ვაჭრობა, რა პრაქტიკის დასრულებაც ქვრივიშვილის ახალი გუნდის ერთ-ერთი სამიზნეა. #ახალიამბები #BusinessMediaGeorgia
კრიპტო აქტივების მომსახურე პროვაიდერების საქმიანობაზე ზედამხედველობა მკაცრდება- პარლამენტს განსახილველად უკვე წარედგინა ცვლილებები, რომელის მიხედვით, ვირტუალური აქტივის მომსახურების პროვაიდერების საქმიანობა სრულად ეროვნული ბანკის ზედამხედველობის ქვეშ ექცევა. ცენტრალურ ბანკს შეეძლება მათ შორის ვირტუალური აქტივების მომსახურე კომპანიებს მინიმალური საზედამხედველო კაპიტალის მოთხოვნა დაუდგინოს. რა წერია, “ოცნების” დეპუტატების სახელით ინიცირებულ კანონპროექტში და რა იცვლება ბაზრისთვის ახალი მარეგულირებელი ჩარჩოს შემოღებით? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 23.09.2025 წელს მოცვის ექსპორტი 63.4%-ით გაიზარდა - სად ვყიდით? "[სუბსიდიის მოხსნას] უფრო მეტად საბრენდე სპირტზე ექნება გავლენა, ბოთლის ღირებულება 15-20 ცენტით გაიზრდება - "ასკანელი"; "წლის ბოლომდე გაყიდვების, დაახლოებით, 15%-იანი ზრდაა მოსალოდნელი" – "ოჯახური"; ფრინველის ხორცზე მოთხოვნას ადგილობრივი წარმოება ვერ აკმაყოფილებს - უჩუმბეგაშვილი სექტორის განვითარების პერსპექტივაზე; საშუალო ჩეკის ფასი ვერ მიდის იმ დონემდე, რაც პანდემიამდე იყო - “მეგრული სახლი”; #ახალიამბები #BusinessMediaGeorgia
შენობების ფასადებთან დაკავშირებით ახალი სტანდარტები დამტკიცდება - ამის შესახებ ინიციატივით ირაკლი კობახიძე გამოდის. მისი თქმით, დამტკიცდება კონკრეტული პარამეტრები, რაც განსაზღვრავს შენობების ფასადებს, ღობეებს და სახურავებს. რა ტიპის სტანდარტებზეა საუბარი ჯერ უცნობია, თუმცა კობახიძე ამბობს, რომ შენობების იერსახე გემოვნებიანი უნდა იყოს. რას შეიძლება ნიშნავდეს კობახიძის ინიციატივა, როგორ ფასდება ის არქიტექტორების მხრიდან და რა კითხვებს აჩენს შენობების იერსახისთვის სტარტების დადგენა? #ახალიამბები #BusinessMediaGeorgia
მთავრობა სახელმწიფო შესყიდვებში მონაწილე კომპანიებისთვის თეთრი სიით მინიჭებული შეღავათების გაუქმებას გეგმავს. ეს სიახლე ბიზნესს გასული კვირის დასაწყისში პრემიერ-მინისტრ ირაკლი კობახიძისა და ინფრასტრუქტურის მინისტრის შეხვედრაზე გააცნეს. რევაზ სოხაძის განცხადებით, შესაბამისმა პრეფერენციებმა მავნე პრაქტიკა შეიძინა, ამიტომ მისი გაუქმების საჭიროება დადგა დღის წესრიგში. ინფრასტრუქტურული პროექტების მშენებელი კომპანიების ნაწილში კი აცხადებენ, რომ "თეთრი სიის" ერთიანად გაუქმება სექტორში ლიკვიდურობის მნიშვნელოვან კრიზისს შექმნის. კერძო სექტორში ამბობენ, რომ ე.წ. თეთრი სიის მოდიფიცირება იმგვარად უნდა მოხდეს, რომ ამან კომპანიების მხრიდან ინფრასტრუქტურული პროექტების შესრულებას პრობლემა არ უნდა შეუქმნას. როგორია ბიზნესის პოზიცია და რა გამოწვევების წინაშე შეიძლება დადგეს დარგი ე.წ თეთრი სიის გაუქმებით? სტუმარი: ირაკლი გოგოლიშვილი - სამშენებლო კომპანია "ანაგის" გენერალური დირექტორი #ახალიამბები #BusinessMediaGeorgia
სახელმწიფო, როგორც ბაზრის მთავარი მოთამაშე - კახეთის რეგიონში რთველის სუბსიდირების არსებულმა სქემამ სპირტის ბაზარზე სახელმწიფო მოსავლის მართვის კომპანიის პოზიციები კიდევ უფრო გაამყარა. დარგის წარმომადგენლების ინფორმაციით, ბევრი კომპანია გამოეთიშა პროცესებს, მათ შორის დიდი ზომის ქარხნებიც, რადგან სახელმწიფო კომპანიასთან კონკურენციის გაწევა უჭირთ. რეალობა აჩვენებს, რომ მოსავლის მართვის კომპანიას შეუძლია ბაზარზე არსებული ე.წ ჭარბი ყურძენი სრულად შეიძინოს, მიღებული სასპირტე მასალა კი თვითღირებულებაზე დაბალ ფასადაც კი გაყიდოს, რისი მაგალითები მრავლად არსებობს. #ახალიამბები #BusinessMediaGeorgia
დასაწყობების სექტორში მოთხოვნა გაზრდილია და სასაწყობე ფართებზე გაცემული ნებართვები გასამმაგებულია, - ამის შესახებ "თიბისი კაპიტალის” კვლევაშია ნათქვამი. როგორც ტრანსპორტირების და დასაწყობების სექტორის შესახებ მომზადებულ დოკუმენტშია აღნიშნული, ბოლო 3-4 წლის განმავლობაში დასაწყობებაზე მოთხოვნა 9%-ით იზრდებოდა, სასაწყობე ფართებზე გაცემული ნებართვები კი 2024 წელს 2023 წელთან შედარებით გასამმაგებულია. ამავე მონაცემებით 2025 წლის 8 თვეში კი - 100 000 კვ.მ-ზეა ნებართვა გაცემული. როგროც თიბისი კაპიტალში განმარტავენ, ჯერჯერობით ქვეყანაში მაღალგანვითარებული ლოგისტიკური სერვისების სიმცირეა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 22.09.2025 "ფაქტობრივად, ამდენი მილიონი წლების მანძილზე გადაიყარა, შედეგი რა მივიღეთ?" - "ხომლის მარანი" სუბსიდიაზე; ატმის ფასმა მოლოდინი ვერ გაამართლა - "ქანდა აგრიქალჩერი" სეზონის შედეგებზე; წელს, საქართველომ ლოკოკინას ექსპორტით $1.5 მლნ-ს შემოსავალი მიიღო - ზრდა 115%-ია; სვანეთში ხელოვნურად შემცირებული ფასები ტურიზმის მომავალს საფრთხეს უქმნის - სასტუმრო "ფალიანი"; ქუთაისში რამდენიმე ტერიტორიაზე მიწის ფასი გაორმაგებული დაგვხვდა - Brokeri.ge; #ახალიამბები #BusinessMediaGeorgia
სასაწყობე ფართების მშენებლობაზე გაცემული ნებართვების რაოდენობა გასამმაგებულია- თიბისი კაპიტალმა საქართველოს ლოგისტიკის სექტორის შესახებ ახალი კვლევა წარადგინა, სადაც საუბარია, რომ დასაწყობების სექტორში დიდი მოთხოვნა შეიქმნა, რამაც განაპირობა ამ ტიპის ინფრასტრუქტურის მშენებლობაზე მზარდი ინტერესი, თუმცა თიბისი კაპიტალში აცხადებენ, რომ ჯერ-ჯერობით ქვეყანაში მაღალგანვითარებული ლოგისტიკური ცენტრების სიმცირეა, სადაც კომპანიები ყველა საჭირო სერვისს, ერთი ფანჯრის პრინციპით იღებენ. რა ტენდენციებია დასაწყობების სექტორში და როგორია ბიზნესის მხრიდან მოთხოვნა? #ახალიამბები #BusinessMediaGeorgia
22 სექტემბრის მონაცემებით, კახეთის რეგიონში 84 ათასი ტონა ყურძენია გადამუშავებული. ღვინის ეროვნული სააგენტოს ინფორმაციით, ამ ეტაპზე, ღვინის საწარმოებს ყურძენი 6500-მდე მევენახემ ჩააბარა. ღვინის საწარმოების მიერ გადამუშავებული ყურძნიდან 40 ათას ტონამდე რქაწითელი, 37,5 ათას ტონამდე საფერავი, დანარჩენი კი, სხვადასხვა ჯიშის ყურძენია. აღსანიშნავია, რომ წელს რთველი განსხვავებული პირობებით ტარდება, კერძო კომპანიებზე სუბსიდია აღარ გაიცემა და ჭარბ ყურძენს მხოლოდ სახელმწიფო "მოსავლის მართვის კომპანია" ყიდულობს. წელს ერთი კილოგრამი საფერავის ჯიშის ყურძნის ფასი კილოგრამზე 1.50 ლარით განისაზღვრება. სხვა ჯიშის ყურძენზე, მათ შორის რქაწითელზე შესასყიდი ფასი დიფერენცირებულია და ყურძნის შაქრიანობაზეა დამოკიდებული, შესაბამისად, ფასი 1 ლარი -1.20 ლარია. წლევანდელი რთველი ღვინის ექსპორტის კლების ფონზე მიმდინარეობს. წელს 8 თვეში საქართველოდან ექსპორტზე სულ 165.5 მლნ დოლარის ღირებულების ღვინო გავიდა, რაც წლიურად თითქმის 16%-ით შემცირებული მაჩვენებელია. როგორ მიმდინარეობს რთველი და რა ტენდენციებია ექსპორტში? სტუმარი: ირაკლი უგლავა - „ასკანელის“ დირექტორი #ახალიამბები #BusinessMediaGeorgia
სახელმწიფო, როგორც ბაზრის მთავარი მოთამაშე - კახეთის რეგიონში რთველის სუბსიდირების არსებულმა სქემამ სპირტის ბაზარზე სახელმწიფო მოსავლის მართვის კომპანიის პოზიციები კიდევ უფრო გაამყარა. დარგის წარმომადგენლების ინფორმაციით, ბევრი კომპანია გამოეთიშა პროცესებს, მათ შორის დიდი ზომის ქარხნებიც, რადგან სახელმწიფო კომპანიასთან კონკურენციის გაწევა უჭირთ. რეალობა აჩვენებს, რომ მოსავლის მართვის კომპანიას შეუძლია ბაზარზე არსებული ე.წ ჭარბი ყურძენი სრულად შეიძინოს, მიღებული სასპირტე მასალა კი თვითღირებულებაზე დაბალ ფასადაც კი გაყიდოს, რისი მაგალითები მრავლად არსებობს. რა გავლენა აქვს ამას სექტორულ ბიზნესზე? #ახალიამბები #BusinessMediaGeorgia