გამომცემლობები განათლების სამინისტროს ინიციატივას, რომელიც სასკოლო სახელმძღვანელოების უშუალოდ სამინისტროს მიერ ბეჭდვას გულისხმობს, სექტორისთვის „მძიმე დარტყმად“ აფასებენ. სექტორის წარმომადგენლების განცხადებით, გადაწყვეტილება საფრთხეს უქმნის არა მხოლოდ კონკრეტულ კომპანიებს, არამედ წლების განმავლობაში დაგროვილ საგამომცემლო გამოცდილებას. გამომცემლობების უდიდეს ნაწილში საგანმანათლებლო მიმართულება შემოსავლების მესამედს აგენერირებდა. სამინისტროს მხრიდან კერძო გამომცემლობების პროცესიდან ჩახსნა კი, კომპანიებისთვის მოულოდნელი აღმოჩნდა. სახელმწიფო პოლიტიკის პარალელურად, საგამომცემლო სექტორს გლობალური ეკონომიკური გამოწვევებიც უტევს. გაძვირებული ქაღალდის გამო, მოსალოდნელია, რომ წიგნებიც გაძვირდეს.


#ახალიამბები #BusinessMediaGeorgia