საერთაშორისო კონფერენცია სახელწოდებით „ევროპა ახალი გამოწვევების წინაშე“ გაიმართა, სადაც აშშ-ის მთავრობის მიერ დაფინანსებული პროგრამების ქართველი კურსდამთავრებულები, ექსპერტებთან და საკანონმდებლო ორგანოს წევრებთან ერთად მიგრაციის, უსაფრთხოების და პროპაგანდის საკითხებზე მსჯელობდნენ.
იან კელი გაეროს გენერალური ასამბლეის 71-ე სესიაზე მიღებულ რეზოლუციასაც გამოეხმაურა და აღნიშნა, რომ შტატები მხარს უჭერს ნებისმიერ დოკუმენტს, რომელიც საქართველოს ოკუპირებული ტერიტორიებიდან იძულებით დევნილ პირებს დაეხმარება.
ელჩი ასამბლეაზე რუსული მხარის მიერ დაფიქსირებულ პრეტენზიასაც გამოეხმაურა, სადაც რუსმა დიპლომატმა მიღებული რეზოლუციის გამო ჟენევის მოლაპარაკების ეფექტურობა ეჭვქვეშ დააყენა, რუსეთის ფედერაციას ჟენევის მოლაპარაკებებიდან გასვლის მუქარა აქამდეც არა ერთხელ დაუფიქსირებია.