საქართველოსა და EU-ს შორის ტვირთბრუნვის გამარტივების მიზნით, ტრანზიტულ ტვირთებზე ახალი კომპიუტერიზებული სატრანზიტო სისტემის ამოქმედებამ ბიზნესს გარკვეული გამოწვევები შეუქმნა. კერძო სექტორის წარმომადგენლები აცხადებენ, რომ ე.წ NCTS-ის დეკლარაციის გამოყენება სავალდებულოდ დანერგვამ საბაჟო გამშვებ პუნქტებზე სატვირთო ავტომობილების გაფორმების შეფერხება გამოიწვია. მათი თქმით, ახალი სისტემის ფარგლებში გამოწვევაა როგორც ადამიანური რესურსი, ისე საბანკო გარანტიები, რომლის მიღებაც კომპანიებს უჭირთ, რაც საზღვარზე პროცედურების შეფერხებას იწვევს. საქართველოს სახმელეთო გადამზიდავთა ასოციაციაში აცხადებენ, რომ შექმნილი ხარვეზების ფონზე სახელმწიფომ კომპანიებისთვის მორატორიუმი გამოაცხადა 1 აგვისტომდე, რაც პერიოდშიც მათ შეუძლიათ დეკლარირება მოახდინონ საქართველოს საზღვრის გადაკვეთის შემდეგ, იქამდე სანამ ქვეყანას დატოვებს. ასოციაციაში ამბობენ, რომ აუცილებელია პროცესების გადალაგება და უცხოური ინსტიტუტების ფინანსური გარანტიების დაშვება, წინააღმდეგ შემთხვევაში საზღვარზე რიგები მორატორიუმის ამოწურვის შემდეგ უფრო მასშტაბური გახდება.

სტუმარი: გიორგი ზუმბაძე - SKYLOG-ის მმართველი პარტნიორი;

#ახალიამბები #BusinessMediaGeorgia