რეფორმა საქართველოს რკინიგზაში - სახელმწიფო კომპანიის ახალი მენეჯმენტი აცხადებს, რომ საოპერაციო და ადმინისტრაციული ხარჯების შემცირებასთან ერთად, საკადრო ოპტიმიზაციაც განახორციელა. რკინიგზიდან 1000 ადამიანი გაუშვეს, ჯამში კი ოპტიმიზაციის შედეგად დაზოგილმა თანხამ 230 მლნ ლარს გადააჭარბა. მასშტაბური განახლება რკინიგზაში ინფრასტრუქტურისა და მოძრავი შემადგენლობის მნიშვნელოვნად განახლებას ითვალისწინებს. დაგეგმილია 50-მდე ლოკომოტივისა და 1 500 ვაგონის შეძენა. ამასთან, მიმდინარეობს ახალი ინსტრუქციების დანერგვა, რაც მთავრობის თქმით, სატვირთო მატარებლებზე გადაზიდვების მოცულობას მნიშვნელოვნად გაზრდის. სიახლეებია სამგზავრო მიმართულებითაც. საქართველოს რკინიგზა 10 ახალი სამგზავრო მატარებლის შესყიდვას გეგმავს.

სტუმარი: ლევან ლომსაძე - GEORAIL-consulting-ის დამფუძნებელი/სარკინიგზო ინჟინერიის აკადემიური დოქტორი

#ახალიამბები #BusinessMediaGeorgia