ავტომობილებზე აქციზის გადასახადის ცვლილება და 6 წელზე მეტი ხნის მანქანების იმპორტთან დაკავშირებული რეგულაციები, ლიზინგზე მოთხოვნას კიდევ უფრო გაზრდის. ამის შესახებ სალიზინგო სექტორში აცხადებენ, სადაც მოლოდინია, რომ როგორც ბიზნესის, ასევე ფიზიკური პირების მხრიდან ახალ ავტომობილებზე მოთხოვნა გაიზრდება, ამისთვის საჭირო ფულადი სახსრების დეფიციტს კი მომხმარებელი დანაზოგებით, სესხებითა და ლიზინგით შეავსებს. შესაბამისად, მოსალოდნელია, რომ ლიზინგის პროდუქტზე მოთხოვნა გაიზრდება. ამასთან, სექტორის წარმომადგენლების განცხადებით, სალიზინგო სექტორმა ბოლო წლებში მნიშვნელოვანი გამოცოცხლება აჩვენა. ბაზარზე ახალი მოთამაშეების გამოჩენა და პორტფელების ზრდა კი, იმაზე მიუთითებს, რომ ეს ფინანსური ინსტრუმენტი მომხმარებლისთვის სულ უფრო მიმზიდველი ხდება. მიუხედავად მაკროეკონომიკური გამოწვევებისა, სექტორი მიმდინარე წელსაც პოზიტიურ დინამიკას ელოდება.


#ახალიამბები #BusinessMediaGeorgia