ფასების კომისიის რეკომენდაციით, მთავრობა „სურსათის მიწოდების ჯაჭვში არაკეთილსინდისიერი სავაჭრო პრაქტიკის აკრძალვის შესახებ“ კანონის შემოტანას გეგმავს. კანონპროექტია ერთ-ერთია, იმ 65 ინიციატივას შორის, რომელსაც მთავრობა პარლამენტს საშემოდგომო სესიაზე წარუდგენს. ინიციატივის წარმდგენი გარემოს დაცვისა და სოფლის მეურნეობის სამინისტროა. ხელისუფლება ცვლილებების შინაარსზე ჯერჯერობით, არ საუბრობს, თუმცა აღნიშნავს, რომ სურსათის მიწოდების ჯაჭვში არსებობს მოლაპარაკებითი ძალაუფლების არსებითი დისბალანსი. ახალი კანონპროექტით განისაზღვრება აბსოლუტურად აკრძალული და პირობითად დასაშვები სავაჭრო პრაქტიკები, ასევე კანონის აღსრულებაზე პასუხისმგებელი ორგანო და პასუხისმგებლობის სისტემა. როგორ აფასებენ ბაზრის მონაწილეები ინიციატივას და რა მოლოდინია კერძო სექტორში მოსალოდნელ რეგულაციებთან დაკავშირებით.


#ახალიამბები #BusinessMediaGeorgia