აგროქიმიკატების ბაზრის მონიტორინგის შემდეგ, კონკურენციის სააგენტო ბაზარზე მოკვლევის დაწყებას არ გამორიცხავს. სააგენტომ აგროქიმიკატებისა და პესტიციდების ბაზრის მონიტორინგის შუალედური ანგარიში გამოაქვეყნა. დოკუმენტში საუბარია ბაზარზე არსებულ დომინანტურ მდგომარეობებზე, მაღალ ფასნამატებსა და ინტერესთა შესაძლო კონფლიქტზე. მონიტორინგის შუალედური ანგარიშის თანახმად, აგროქიმიკატების ნაწილში, 2022-2025 წლებში, დაიდენტიფიცირდა 75 შემთხვევა, როდესაც პროდუქციის იმპორტის დონიდან საცალო დონემდე ფასნამატი 100%-ს აღემატებოდა. პესტიციდების ბაზრის შესწავლის რეკომენდაცია მთავრობამ სურსათის, საწვავისა და მედიკამენტების ფასების შემდეგ გასცა. სააგენტოს დასკვნებს არ ეთანხმება აგროქიმიკატებისა და პესტიციდების რეალიზაციის ბაზარი. მათი განცხადებით, ბაზარი საკმაოდ მაღალკონკურენტულია, ხოლო ფასწარმოქმნაში ჩარევა სექტორს ჩამოშლის. რა ვითარებაა დარგში და რა პროცესებია მოსალოდნელი აგროქიმიკატების ბაზარზე?


#ახალიამბები #BusinessMediaGeorgia