რა ხდება ბიზნესში?- #ბიზნესისსიახლეები ( www.bm.ge ) / 24.12.2024 ფოიერვერკის გაყიდვის უფლება დღესაც რომ მოგვცენ, წლის გეგმის შესრულებას ვეღარ მოვასწრებთ - "სამი ძმა"; ICR ჯგუფი ჭავჭავაძის გამზირზე მომხდარი ხანძრის გამო, იქ მოქმედ მაღაზიებს და რესტორნებს ახალ ლოკაციაზე გადაიტანს; რა გავლენა აქვს არასტაბილურ ვითარებას გაყიდვებზე - Wishlist-ის შეფასება; ხალხს განცდა აქვს, რომ კრიზისული ვითარებაა... გაყიდვები მინიმუმ 30%-ითაა შემცირებული - "მეგასპორტი"; შიდა ბაზარზე გაყიდვები 70%-ითაა შემცირებული, რეალიზაციის მხრივ, პანდემიის პერიოდზე უარესი სიტუაციაა - ფაფრის ველი; შპს "ქართული აგროპროდუქტი" მომავალი წლიდან ასორტიმენტს აფართოებს - რა გეგმები აქვს კომპანიას? #ახალიამბები #BusinessMediaGeorgia
შეჩერებული საინვესტიციო პროექტები და დონორული დაფინანსება - საქართველოში განვითარებული მოვლენების ფონზე ინვესტორები ახალი პროექტების დაწყებისგან თავს იკავებენ, შექმნილი გაურკვევლობის ფონზე მაგალითად ენერგეტიკის სექტორში ინვესტორების ნაწილი უკვე ფიქრობს საქართველოდან კაპიტალის გატანას. კერძო საინვესტიციო პროექტებთან ერთად დაპაუზებულია ქვეყნისთვის მნიშვნელოვანი პროექტები და რეფორმები, რომელიც დონორების დაფინანსებით უნდა განხორციელებულიყო. რა გავლენა აქვს ქართული ოცნების მიერ ევროინტეგრაციის პროცესის შეჩერების შესახებ განაცხადს და პროტესტს, რომელიც 27-ე დღეა ოცნების მიერ ქვეყნის კურსის ცვლილებას უპირისპირდება. #ახალიამბები #BusinessMediaGeorgia
რას ნიშნავს მაგნიტსკის სია, რა კრიტერიუმებით ხვდებიან ამ სიაში და რა რისკები შეიძლება შეექმნას სანქციების მორიგი ტალღით საქართველოს საბანკო სექტორს და საინვესტიციო კლიმატს? სტუმრები: დავით არჩვაძე - „სტემსქეილის“ კომერციალიზაციის და გლობალური კავშირების დირექტორი; მიხეილ კუკავა - "სტემსქეილის" მთავარი აღმასრულებელი ოფიცერი; #ახალიამბები #BusinessMediaGeorgia
თბილისის საკრებულოში 2025 წლის ბიუჯეტს განიხილავენ - საბოლოო წარმოდგენილი დოკუმენტის თანახმად თბილისის 2025 წლის ნაერთი ბიუჯეტი (სსიპ-ების საკუთარი შემოსავლების, გარდამავალი ნაშთის და სესხების ჩათვლით) 2 მილიარდ 455 მილიონ ლარს მიაღწევს. დედაქალაქი წელს ცენტრალური მთავრობისგან ტრანსფერის სახით 580 მილიონ ლარს მიიღებს, ხოლო დონორების მხრიდან 100 მილიონი ლარის პროექტები განხორციელდება. მერიის მხრიდან გავრცელებული ინფორმაციიდან ირკვევა, რომ ინფრასტრუქტურის მიმართულებით ხარჯები 700 მლნ ლარს შეადგენს, ჯანდაცვისა და სოციალური მიმართულებით - 535 მილიონს. საკრებულოს სხდომას, სადაც 2025 წლის თბილისის ბიუჯეტს განიხილავენ ჩემი კოლეგა გიგა ბენია ესწრება, რომელიც ადგილზე გაკეთებული განცხადებებით პირდაპირ ეთერში გვიერთდება. რაზე დახარჯავს თბილისის მერია ბიუჯეტით გათვალისწინებულ თანხას საარჩევნო წელს? #ახალიამბები #BusinessMediaGeorgia
ბიზნესის ნაწილი აცხადებს, რომ წინასაახალწლო პერიოდის მიუხედავად, გაყიდვები შემცირებულია. რითეილ სექტორში ამბობენ, რომ გასული წლის ამავე პერიოდთან შედარებით რეალიზაცია შემცირებულია, რაც მათი შეფასებით, ქვეყანაში შექმნილ არასტაბილურ ვითარებას უკავშირდება. გაყიდვების კლებაზე საუბრობენ ტურიზმთან და უძრავ ქონებასთან დაკავშირებული დარგების წარმომადგენლებიც. ბიზნესი ამბობს, რომ თუკი ვითარება ასე შენარჩუნდება, მომდევნო თვეები გაყიდვების მხრივ უარესი იქნება. რა გავლენა აქვს შექმნილ არასტაბილურობას გაყიდვებზე და როგორ შეიცვალა მომხმარებლის ქცევა. #ახალიამბები #BusinessMediaGeorgia
ის რომ შეხვედრები კიდევ იქნება ეს ვიცე პრემიერმაც დაადასტურა, ლევან დავითაშვილის თქმით, გადაწყდა, რომ მომავალში დაიგეგმება შეხვედრა, სადაც უფრო მეტად განსხვავებულ აზრზე მყოფი ბიზნესი იქნება. დავითაშვილის თქმით ბიზნესი მგრძნობიარეა პოლიტიკური მოვლენების მიმართ და მშვიდობა და სტაბილურობა განვითარების უპირველესი წინაპირობა. #ახალიამბები #BusinessMediaGeorgia
4 საათიანი შეხვედრა სახელმწიფო კანცელარიაში, ასამდე ბიზნესმენი, პრემიერი და ეკონომიკის მინისტრი რომელთაც შექმნილი კრიზისული ვითარებიდან გამომდინარე კერძო სექტორის კითხვებს უპასუხეს. შეხვედრის დაწყებამდეც და მისი დასრულების შემდეგაც განსხვავებულად შეფასებული კომუნიკაცია როგორც დაანონსდა მომავალშიც გაგრძელდება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 23.12.2024 "შემცირებულია მოთხოვნაც და გაყიდვებიც"- ISPACE; არის რისკი, რომ ქვეყანაში განვითარებული მოვლენების შედეგად ექსპორტზე ვეღარ გავიდეთ – "ცაცია ოსტატი"; "[გაყიდვების] წინა წელთან შედარება კი არა, მთავარია არ ვიზარალოთ" - Spacebox; "მომხმარებლების ქცევა შეიცვალა, აღარ ყიდულობენ ძვირიან ნივთებს" - VELI.STORE; "Wok-შია" მეორე ფილიალის გახსნას გეგმავს; სასათბურე მეურნეობა "გრინარეა" გაფართოებას და სასწავლო პროგრამების ამოქმედებას გეგმავს; #ახალიამბები #BusinessMediaGeorgia
ბიზნესმენებსა და ირაკლი კობახიძეს შორის შეხვედრა დასრულდა. კერძო სექტორის ნაწილმა შეხვედრის შემდეგ მედიასთან კომენტარი გააკეთა. მათი თქმით, ქვეყანაში მიმდინარე პროცესი, რომელიც ეკონომიკაზე ნეგატიურად აისახება, უნდა დასრულდეს. ბიზნესის ნაწილი აცხადებს, რომ ბიზნესს თავისი ხედვა აქვს, მთავრობას კი თავისი. ნაწილი კი შეხვედრიდან კმაყოფილი გამოვიდა. როგორ წარმოუდგენია ბიზნესს სიტუაციის დასტაბილურება და რა საკითხები დააყენეს მათ შეხვედრაზე? #ახალიამბები #BusinessMediaGeorgia
წინასაახალწლოდ ბიზნესის ნაწილს გაყიდვები შეუმცირდა. როგორც კერძო სექტორში აცხადებენ, მიზეზი ქვეყანაში შექმნილი არასტაბილურობაა. გაყიდვების კლებაზე საუბრობენ როგორც რითეილ სექტორში, ასევე ტურიზმთან და უძრავ ქონებასთან დაკავშირებულ დარგებში. ბიზნესი ამბობს, რომ თუკი ვითარება ასე შენარჩუნდება, მომდევნო თვეები რეალიზაციის მხრივ კიდევ უფრო გაუარესდება. #ახალიამბები #BusinessMediaGeorgia
2200-ზე მეტი კომპანია ახალ არჩევნებსა და პატიმრების გათავისუფლებას ითხოვს. პლატფორმა ფრი ბიზნესზე რეგისტრირებულების რაოდენობა იზრდება. მუშავდება 669 კომპანიის განაცხადი, პოზიცია ამ დრომდე არ დაუფიქსირებია 120 კომპანიას. დარეგისტრირებულ ბიზნესებს შორის არაერთი მცირე და საშუალო კომპანიაა, მათ შორის, არიან სტარტაპებიც. როგორ აისახება მიმდინარე პროცესები სტარტაპებზე და რა მნიშვნელობა აქვს ევროინტეგრაციას დამწყები ბიზნესისთვის? სტუმარი: სალომე კუკავა - Globalize-ის დამფუძნებელი; #ახალიამბები #BusinessMediaGeorgia
შეხვედრა კანცელარიაში - რა გზავნილებით მიდის ბიზნესი კობახიძესთან?
პოლიტიკური კრიზისის სოციალურ-ეკონომიკური ეფექტები - ამ თემაზე მრგვალი მაგიდა გაიმართა, რომლის ორგანიზატორი ევროკავშირ საქართველოს ბიზნეს საბჭოა. რა შეიძლება გააკეთოს ბიზნესმა შექმნილ ვითარებაში და როგორ აისახება დასავლეთისგან იზოლაცია საქართველოს ეკონომიკაზე - ამ საკითხებზე მსჯელობა იყო შეკრების მთავარი მიზანი. ბიზნეს სექტორის ნაწილის შეფასებებით, დასავლეთის მხრიდან ხელისუფლების მაღალჩინოსნების დასანქცირება ქვეყნისთვის მნიშვნელოვანი რეპუტაციული რისკია, შექმნილ კრიზისში კი საუკეთესო გამოსავალი ვადამდელი არჩევნებია. რა გავლენა აქვს შექმნილ პოლიტიკურ კრიზისს ქვეყნის ეკონომიკაზე და რაში ხედავს ბიზნესი გამოსავალს. #ახალიამბები #BusinessMediaGeorgia
დაწინაურება, ღირსების ორდენი, შესაძლო ფინანსური ზარალის კომპენსირება გადასახადების გადამხდელების ფულით ბიუჯეტიდან-ქართული ოცნების პასუხი აშშ-ს სანქციებს.ირაკლი კობახიძე ამბობს, რომ გადაწყვეტილებები პასუხია deep state-ისთვის, რომელიც საქართველოს მიმართ უსამართლოდ მოქმედებს. სანქციები შინაგან საქმეთა სამინისტროს დაქვემდებარებაში მყოფ მაღალჩინოსნებს ეხებათ, რომლებიც ამერიკის შეერთებულმა შტატებმა ე.წ მაგნიტსკის სიაში შეიყვანა. აშშ-ის მიერ შემოღებული კანონი სიაში შეყვანილ პირებზე ვიზის გაცემის აკრძალვას და მათი ანგარიშების გაყინვას ითვალისწინებს. რას ნიშნავს მაგნიტსკის სია, რა კრიტერიუმებით ხვდებიან ამ სიაში და რა რისკები შეიძლება შეექმნას სანქციების მორიგი ტალღით საქართველოს საბანკო სექტორს და საინვესტიციო კლიმატს? #ახალიამბები #BusinessMediaGeorgia
ქართული ოცნების გადაწყვეტილების შემდეგ საქართველოს სახელით 2028 წლამდე შეაჩერონ ევროკავშირთან მოლაპარაკებები დაწყებული პროტესტი გრძელდება. ყოველდღიურად ახლდება სხვა და სხვა პროფესიის თუ ინტერესების მიხედვით საპროტესტო მარშები და მსვლელობები. ამ წუთებში კი მსვლელობას ენერგეტიკოსები მართავენ. #ახალიამბები #BusinessMediaGeorgia
ჯილდო და ზარალის ანაზღაურება - ასეთი იყო ქართული ოცნების პასუხი ბრიტანეთისა და ამერიკის შეერთებული შტატების სანქციებზე, რომლის შესახებ ცნობილი გუშინ გახდა. სანქციები შეეხოთ შინაგან საქმეთა სამინისტროს დაქვემდებარებაში მყოფ მაღალჩინოსნებს, რომლებიც ამერიკის შეერთებულმა შტატებმა ე.წ მაგნიტსკის სიაში შეიყვანა. აშშ-ის მიერ შემოღებული კანონი სიაში შეყვანილ პირებზე ვიზის გაცემის აკრძალვას და მათი ანგარიშების გაყინვას ითვალისწინებს. რას ნიშნავს მაგნიტსკის სია, რა კრიტერიუმებით ხვდებიან ამ სიაში და რა რისკები შეიძლება შეექმნას სანქციების მორიგი ტალღით საქართველოს საბანკო სექტორს და საინვესტიციო კლიმატს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 20.12.2024
როგორ აისახება ქვეყანაში შექმნილი ვითარება და დასავლეთისგან იზოლაცია ეკონომიკასა და ბიზნესზე და სადაა გამოსავალი? სტუმარი: გიორგი სიმონგულაშვილი - GEC Consulting-ის პარტნიორი #ახალიამბები #BusinessMediaGeorgia
პოლიტიკური კრიზისის სოციალურ-ეკონომიკური ეფექტები - ამ თემაზე მრგვალი მაგიდა გაიხსნა, რომლის ორგანიზატორი ევროკავშირ საქართველოს ბიზნეს საბჭოა. რა შეიძლება გააკეთოს ბიზნესმა შექმნილ ვითარებაში და როგორ აისახება დასავლეთისგან იზოლაცია საქართველოს ეკონომიკაზე - ამ საკითხებზე მსჯელობაა შეკრების მიზანი. ბიზნეს სექტორის ნაწილის შეფასებებით, დასავლეთის მხრიდან ხელისუფლების მაღალჩინოსნების დასანქცირება ქვეყნისთვის მნიშვნელოვანი რეპუტაციული რისკია და შექმნილ კრიზისში საუკეთესო გამოსავალი ვადამდელი არჩევნებია. რა შეფასებები კეთდება შეხვედრაზე? #ახალიამბები #BusinessMediaGeorgia
ენერგო კრიზისი აფხაზეთში გრძელდება. დროებით ოკუპირებულ ტერიტორიაზე რამდენიმე კვირაა, ელექტროენერგია დღეში ერთი საათი და 20 წუთი მიეწოდებათ. მიზეზი ენგურჰესზე წყლის დონის დაკლება და რუსეთის მხრიდან ელექტროენერგიის კომერციულ ფასად მიწოდებაა. ე.წ. ბიუჯეტს ელექტროენერგიის შეძენის საშუალება არ აქვს. როგორც ენგურჰესის დირექტორმა, ლევან მებონიამ აფხაზებთან შეხვედრისას განაცხადა, ენგურჰესიდან გამომუშავებული ენერგიის 98%-ს ახლა მთლიანად აფხაზეთი მოიხმარს, თუმცა ესეც საკმარისი არ არის. აპირებს თუ არა თბილისი აფხაზების დახმარებას, ჯერ უცნობია. აფხაზეთის უმაღლესი საბჭოს წევრი, ვახტანგ ყოლბაია აცხადებს, რომ თბილისმა სოხუმს დახმარების ხელი უნდა გაუწოდოს. #ახალიამბები #BusinessMediaGeorgia
ქვეყანაში უქმდება საქმიანი ღონისძიებებიც- Mice ტურიზმზე მომუშავე კომპანიები გვიყვებიან, რომ მიმდინარე არასტაბილური პოლიტიკური პროცესებიდან გამომდინარე ადგილობრივი დაკვეთები შეჩერებულია, ხოლო საერთაშორისო კლიენტებისგან საქართველოში მასშტაბური ღონისძიებების დაგეგმვა ჯერ ისევ არ დაწყებულა, რაც სექტორის წარმომადგენლებს აძლევს საფუძველს, იმისას, რომ მაის ტურიზმზე მომუშავე კომპანიებისთვისა 2025 წლის 1 კვარტალი შემოსავლიანი არ იქნება. რას ამბობენ, ტურიზმის ინდუსტრიაში ჩართული სუბიექტები, როგორია საერთაშორისო პარტნიორების განწყობები საქართველოსთან მიმართებით და რას უნდა ველოდოთ მომავალ წელს- ბიზნესის ხმა ანუკა ჯოხაძემ მოისმინა. #ახალიამბები #BusinessMediaGeorgia
საქართველოს საგარეო სავაჭრო ბრუნვა იზრდება. 11 თვეში ქვეყნიდან 6 მილიარდი დოლარის პროდუქციის ექსპორტი განხორციელდა, რაც წლიურად 7.9%-ით გაზრდილი მაჩვენებელია. მთლიანი ექსპორტის 37% ავტომობილების რეექსპორტს უჭირავს, რაც რუსეთ-უკრაინის ომის ფონზე რეკორდულად მზარდი მიმართულებაა. ამ ფონზე მთლიან ექსპორტში ევროკავშირის წილი კვლავ მცირე, მხოლოდ 8.5% რჩება. ბიზნესის ნაწილი ამბობს, რომ საქართველოში ბოლო პერიოდში განვითარებული მოვლენების და დასავლეთისგან იზოლაციის ფონზე, უცხოელი პარტნიორების მხრიდან კითხვები გახშირდა და ქართულ კომპანიებთან ახალი კონტრაქტების გაფორმებისგან თავს იკავებენ. როგორია საგარეო ვაჭრობის სტატისტიკა და როგორ აისახება მასზე ქვეყანაში შექმნილი ვითარება. #ახალიამბები #BusinessMediaGeorgia
ენერგეტიკული კრიზისი აფხაზეთში. დროებით ოკუპირებულ ტერიტორიაზე რამდენიმე კვირაა, ელექტროენერგია დღეში ერთი საათი და 20 წუთი მიეწოდებათ. მიზეზი ენგურჰესზე წყლის დონის დაკლება და რუსეთის მხრიდან ელექტროენერგიის კომერციულ ფასად მიწოდებაა. ე.წ. ბიუჯეტს ელექტროენერგიის შეძენის საშუალება არ აქვს. როგორც ენგურჰესის დირექტორმა, ლევან მებონიამ აფხაზებთან შეხვედრისას განაცხადა, ენგურჰესიდან გამომუშავებული ენერგიის 98%-ს ახლა მთლიანად აფხაზეთი მოიხმარს, თუმცა ესეც საკმარისი არ არის. რა გამოწვევების წინაშე დგას საქართველოს ოკუპირებული ტერიტორია და რა უნდა იყოს ოფიციალური თბილისის ნაბიჯები . #ახალიამბები #BusinessMediaGeorgia
ამ წუთებში ევროკავშირს ლიდერები ბრიუსელში მსჯელობენ. 2024 წლის მიწურულს ევროპელი ლიდერების წინაშე რამდენიმე ამოცანაა. მათ ყველა განზომილებაში უნდა განიხილონ რუსეთის აგრესიული ომი უკრაინის წინააღმდეგ, ახლო აღმოსავლეთში მიმდინარე მოვლენები და მიგრაციის საკითხები. კონკრეტული მოვლენების გათვალისწინებით მოიაზრება მსჯელობა საგარეო პოლიტიკის კონკრეტულ საკითხებს, მათ შორის საქართველოსა და მოლდოვაში განვითარებულ მოვლენებზე. ევროკავშირის ლიდერების შეკრებას ამ კვირაში წინ უძღოდა მსჯელობა ევროპულ საბჭოში, სადაც თბილისში მიმდინარე პროტესტის და აქციების ძალადობრივი დაშლის ფონზე, ევროკავშირის საგარეო საქმეთა მინისტრების კვალიფიციურმა უმრავლესობამ ქართული დიპლომატიური პასპორტებისთვის უვიზო მიმოსვლის პროცედურის წამოწყებას დაუჭირა მხარი და მიუხედავად იმისა, რომ სულ უფრო აქტიურად არის საუბრები რომ საჭიროა პერსონალური სანქციები, ამ ტიპის ტიპის სანქციებზე შეთანხმებას ევროკავშირი ჯერ ვერ მიაღწიეს... დღევანდელ დღეს წინ უძღოდა ასევე საქართველოს პრეზიდენტის გამოსვლა ევროპარლამენტში, სადაც სალომე ზურაბიშვილმა ევროპელ ლიდერებს გააქტიურებისკენ მოუწოდა - ეს ეხება ევროპას. პირველყოვლისა, ევროპის სანდოობას. ევროპამ არ უნდა დაუშვას, ყველა დემოკრატიული წესისა და ნორმის გათელვის უფლება მისცეს ქვეყანას, რომელმაც სულ ახლახან მიიღო კანდიდატის სტატუსი" - თქვა სტრასბურგში ჩასულმა ზურაბიშვილმა. ამ ფონზე საქართველოში მართავს ვიზიტებს ევროპის საბჭოს გენერალური მდივანი, რომელიც გუშინ ქართული ოცნების საპატიო თავმჯდომარეს ბიძინა ივანიშვილს შეხვდა, თუმცა რაზე ისაუბრეს მხარეებმა არც ერთ მხარეს არაფერი უთქვამს. ეს ყველაფერი კი საქართველოში საკამათო არჩევნების, ევროკავშირში გაწევრიანებისთვის მოლაპარაკებების დღის წესრიგიდან მოხსნის, დასავლეთთან უკიდურესად გართულებული ურთიერთობების და „ქართული ოცნების“ მიერ მშვიდობიანი აქციების ძალადობრივი დაშლის ფონზე ხდება... საზოგადოების ნაწილში სულ აქტუალურია შიში, რომ „ოცნებამ“ პოლიტიკური ვექტორი დასავლეთიდან ჩრდილო-აღმოსავლეთისკენ მოატრიალა. როგორ შეიძლება განვითარდეს მოვლენები, რას კარგავს ქვეყანა და რა ბერკეტები გვ #ახალიამბები #BusinessMediaGeorgia
freebusiness.ge -ზე ჰაკერული შეტევა განხორციელდა; freebusiness -ის მოთხოვნებს 1100 კომპანიაზე მეტი შეუერთდა სტუმარი: გიორგი ჩუგოშვილი - freebusiness.ge -ის იდეის ავტორი; #ახალიამბები #BusinessMediaGeorgia
თბილისში ბინების გაყიდვა შემცირდა. კერძო სექტორში აცხადებენ, რომ ქართული ოცნების ანტიდასავლური პოლიტიკა და მიმდინარე პროცესები დარგზე ნეგატიურად უკვე აისახება. ამასთან, კომპანიებში აცხადებენ, რომ გაჩერებულია კომერციული ფართების როგორც გაყიდვა, ისე გაქირავებაც. ბიზნესს მოლოდინებზე საუბარი უჭირს, თუმცა არ გამორიცხავს, რომ კომპანიების ნაწილი დაიხუროს. #ახალიამბები #BusinessMediaGeorgia
პოლიტიკურმა კრიზისმა სამომხმარებლო აქტივობაზე ასახვა უკვე ჰპოვა. სავაჭრო ცენტრებში, ტექნიკის მაღაზიებსა და ონლაინ ვაჭრობის პლატფორმების ნაწილში დეკემბრის ტრადიციული გაყიდვების ბუმის ნაცვლად წლიურად შემცირებულ მოხმარებაზე საუბრობენ. როგორ შეიცვალა მომხმარებლების განწყობები და ქცევა და რას უმზადებს ბიზნესს წლის ყველაზე შემოსავლიანი თვე 2024 ის მიწურულს. #ახალიამბები #BusinessMediaGeorgia
ეროვნულმა ბანკმა მონეტარული პოლიტიკის განაკვეთი უცვლელად, 8%-ზე დატოვა. იქიდან გამომდინარე, რომ ინფლაცია მიზნობრივ 3%-ზე დაბლა ნარჩუნდება, ხოლო ინფლაციური მოლოდინები შემცირებულია, ეროვნული ბანკი ამბობს, რომ რეფინანსირების განაკვეთს არ ამკაცრებს. თუმცა ამასთან, სები მიუთითებს, რომ გლობალურ ბაზრებზე არსებულ ტენდენციებს, ასევე მაღალ გაურკვევლობას, შესაძლოა, ინფლაციურ მოლოდინებზე ნეგატიური გავლენები ჰქონდეს. ეკონომისტები კი ამბობენ, რომ არსებული არასტაბილური ვითარების შენარჩუნების შემთხვევაში, ლარის მკვეთრი მერყეობა და შესაბამისად, ინფლაციური პროცესის დაჩქარებაა მოსალოდნელი . რა არგუმენტებით შეინარჩუნა ეროვნულმა ბანკმა რეფინანსირების განაკვეთი უცვლელად და რა რისკები არსებობს ინფლაციასთან მიმართებაში #ახალიამბები #BusinessMediaGeorgia
ქვეყანაში სამომხმარებლო აქტივობა მცირდება, რითეილ სექტორში გაყიდვების მკვეთრ ვარდნაზე საუბრობენ. სავაჭრო ცენტრების, ტექნიკის მაღაზიების და ონლაინ ვაჭრობის პლატფორმების ნაწილი აცხადებს, რომ დეკემბრის გაყიდვების გეგმების დაკორექტირება მოუწიათ და ის გათვლა რაც წლის ყველაზე შემოსავლიან თვეზე კეთდებოდა, მიმდინარე პოლიტიკური პროცესებიდან გამომდინარე მიუღწეველი გახდა. როგორ შეიცვალა მომხმარებლების განწყობები და როგორ იქცა წლის ყველაზე შემოსავლიანი დეკემბერი ბევრი ბიზნესისთვის ზარალიან თვედ? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 18.12.2024 "4 ინვესტორთან მოლაპარაკებები დავაპაუზეთ ...წარმოუდგენელია ინვესტორს საქართველოში ინვესტიციის ჩადებაზე ელაპარაკო" - "რაში"; „სახელმწიფო დგას ბიზნესზე და ბიზნესის არმოსმენა დანაშაულია“ - "ზოდი"; "მომხმარებელს არ აქვს განწყობა, ივაჭროს, ვინმეს საჩუქარი გაუკეთოს"; სადაზღვევო ინდუსტრია იზრდება არა დაზღვეულთა რაოდენობის ინტეგრაციით, არამედ ფასების კორექტირებით - სოფო ლებანიძე; სანელებლების ექსპორტი რეკორდულად $33.4 მილიონამდე გაიზარდა - სად ვყიდით პროდუქტს? მომავალ წელს, Waime Spices ევროპული ბაზრისთვის ონლაინ მაღაზიის გახსნას გეგმავს; #ახალიამბები #BusinessMediaGeorgia
ეროვნულმა ბანკმა მონეტარული პოლიტიკის განაკვეთი უცვლელად 8%-ზე დატოვა. რეფინანსირების განაკვეთი მიზნობრივ 3%-ზე დაბლა ნარჩუნდება, აღნიშნულის გათვალისწინებით კი ეროვნული ბანკი ამბობს, რომ რეფინანსირების განაკვეთს არ ამკაცრებს, თუმცა ამასთან, სებ-ი მიუთითებს იმაზეც, რომ გლობალურ ბაზრებზე არსებობს სასურსათო ნედლეულის ფასების ზრდის ტენდენცია, რასაც თავის მხრივ საქართველოში ინფლაციურ მოლოდინებზე შესაძლოა ნეგატიური გავლენები ჰქონდეს. იმ შემთხვევაში, თუკი ინფლაციური რისკები არ რეალიზდება და ინფლაციური რისკების სიმწვავე შემსუბუქდება, ეროვნული ბანკი ამბობს, რომ ფრთხილი ბიჯებით, პოლიტიკის განაკვეთის მის ნეიტრალურ დონემდე, 7 პროცენტამდე, შემცირებას გააგრძელებს. ცენტრალური ბანკი ასევე აღნიშნავს, რომ ეკონომიკური პერსპექტივა კვლავ მაღალი გაურკვევლობით ხასიათდება. როგორც შიდა საყურადღებო ფაქტორებმა, ასევე რეგიონში არსებულმა გეოპოლიტიკურმა დაძაბულობამ, შესაძლოა ქვეყნის სუვერენული რისკის პრემია გაზარდოს და აქედან გამომდინარე საბოლოოდ ინფლაციური ზეწოლა წარმოქმნას. რა ფაქტორებზე დაყრდნობით მიიღო სებ-მა რეფინანსირების განაკვეთის უცვლელად დატოვების გადაწყვეტილება და რა არის დღეს ეკონომიკის მთავარი რისკები? სტუმარი: თამთა სოფრომაძე ეროვნული ბანკის მაკროეკონომიკისა და სტატისტიკის დეპარტამენტის უფროსის მოადგილე #ახალიამბები #BusinessMediaGeorgia
ეროვნულმა ბანკმა მონეტარული პოლიტიკის განაკვეთი უცვლელად 8%-ზე დატოვა. რეფინანსირების განაკვეთი მიზნობრივ 3%-ზე დაბლა ნარჩუნდება, აღნიშნულის გათვალისწინებით კი ეროვნული ბანკი ამბობს, რომ რეფინანსირების განაკვეთს არ ამკაცრებს, თუმცა ამასთან, სები მიუთითებს იმაზეც, რომ გლობალურ ბაზრებზე არსებობს სასურსათო ნედლეულის ფასების ზრდის ტენდენცია, რასაც თავის მხრივ საქართველოში ინფლაციურ მოლოდინებზე შესაძლოა ნეგატიური გავლენები ჰქონდეს. მარეგულირებელი ასევე მიუთითებს, რომ ეკონომიკური პერსპექტივა კვლავ მაღალი გაურკვევლობით ხასიათდება, რამაც ასევე შეიძლება წარმოქმნას ინფლაციური ზეწოლა. რა არგუმენტებით შეინარჩუნა ეროვნულმა ბანკმა რეფინანსირების განაკვეთი უცვლელად და რა რისკებს ხედავს მარეგულირებელი? #ახალიამბები #BusinessMediaGeorgia
რამდენად არის დაცულია თუ არა მოსახლეობის საპენსიო დანაზოგები? - კითხვა აქტუალური ქვეყანაში არსებული ვითარების ფონზე გახდა. საფინანსო ბაზრის სპეციალისტების ნაწილი შიშობს, რომ პოლიტიკური და ეკონომიკური კრიზისის გაღრმავების შემთხვევაში იზრდება რისკი, რომ საპენსიო აქტივები არამიზნობრივად ინვესტირდეს, მათ შორის თანხებით გარკვეული სახელმწიფო პროექტები დაფინანსდეს. მათი შეფასებით, ამ რისკებს ზრდის კანონში შესული ცვლილებები, რომლის თანახმადაც საპენსიო სააგენტოს მმართველობითი საბჭოს წევრების დაკომპლექტების საკითხი ერთპიროვნულად პრემიერზე გადადის. საინტერესოა, რა რისკებზე საუბრობენ სპეციალისტები და რეალურად, რამდენად დაცულია მოსახლეობის საპენსიო დანაზოგები. #ახალიამბები #BusinessMediaGeorgia
"არც წაკითხულის გააზრების პრობლემა გვაქვს და არც უდიპლომოები ვართ." - ასე მიმართა დღეს ჰორეკა სექტორმა ქართულ ოცნებას. რესტორნების, სასტუმროების, ტურისტული კომპანიებისა და მომიჯნავე დარგების წარმომადგენლებმა ორ ლოკაციაზე საპროტესტო აქცია გამართეს და მსვლელობით პარლამენტთან მივიდნენ. მათი მთავარი მოთხოვნა, 20 დღის მანძილზე დაკავებული პირების გათავისუფლება და ახალი არჩევნების ჩატარებაა. კერძო სექტორში აცხადებენ, რომ ქვეყანა და შესაბამისად, ბიზნესი, კრიზისულ მდგომარეობაშია. ჯავშნები გაუქმებულია, რესტორნებში მომხმარებლების რაოდენობა შემცირებულია, ხელფასების გადახდა პრობლემურია. #ახალიამბები #BusinessMediaGeorgia
რამდენად არის დაცულია თუ არა მოსახლეობის საპენსიო დანაზოგები? - კითხვა აქტუალური ქვეყანაში არსებული ვითარების ფონზე გახდა. საფინანსო ბაზრის სპეციალისტების ნაწილი შიშობს, რომ პოლიტიკური და ეკონომიკური კრიზისის გაღრმავების შემთხვევაში იზრდება რისკი, რომ საპენსიო აქტივები არამიზნობრივად ინვესტირდეს, მათ შორის თანხებით გარკვეული სახელმწიფო პროექტები დაფინანსდეს. მათი შეფასებით, ამ რისკებს ზრდის კანონში შესული ცვლილებები, რომლის თანახმადაც საპენსიო სააგენტოს მმართველობითი საბჭოს წევრების დაკომპლექტების საკითხი ერთპიროვნულად პრემიერზე გადადის. საინტერესოა, რა რისკებზე საუბრობენ სპეციალისტები და რეალურად, რამდენად დაცულია მოსახლეობის საპენსიო დანაზოგები. #ახალიამბები #BusinessMediaGeorgia
Freebusiness-ის პლატფორმას და გაჟღერებულ მოთხოვნებს უერთდება მსხვილი რითეილ ჯგუფი დეილიც, რომელიც საქართველოს მასშტაბით 1,600-ზე მეტ მაღაზიას ფლობს. ჯგუფის გამსხვილება რამდენიმე თვის წინ განხორციელებული გარიგების შედეგად მოხდა, დღეს კი დეილი ჯგუფის ქვეშ ერთიანდებიან ისეთი ბრენდები როგორებიცაა სპარი, იოლი, კალათა, დეილი, გვირილა და მაგნიტი. 2024 წლის 10 თვის გაყიდვებში, დეილი ჯგუფი ქსელური ბაზრის 27.6%-ს იკავებს. FMCG ბაზრის 9 თვის მიმოხილვა როგორც თიბისი კაპიტალმა ისე გალტ ენდ ტაგარტმა გამოაქვეყნეს. თიბისი კაპიტალის მიმოხილვის მიხედვით, FMCG ბაზრის მოცულობა 2024 წელს 21 მილიარდ 200 მილიონ ლარს მიაღწევს, რაც 2023 წელთან შედარებით 800 მილიონი ლარით მეტი იქნება. თიბისი კაპიტალის ექსპერტები ვარაუდობენ, რომ მომდევნო 2 წლის განმავლობაში ორგანიზებული ვაჭრობის წილი და ბაზარზე მსხვილი ქსელური მარკეტების რაოდენობა გაიზრდება. 2025 წლისთვის მოლოდინი არსებობს რომ ორგანიზებული ვაჭრობის წილი 45%-ს მიაღწევს, მაშინ როცა 2023 წელს ეს მაჩვენებელი 36% იყო. რაც შეეხება გალტ ენდ ტაგარტის პროგნოზს, მათი შეფასებით, FMCG ბაზარი წლიურად 8.0%-ით გაიზრდება 2025-28 წლებში. საინვესტიციო ბანკში ამბობენ, რომ FMCG ბაზრის ზრდის წარმმართველი ფაქტორი იქნება მოსახლეობის მსყიდველობითუნარიანობის ზრდა. გალტ ენდ ტაგარტის კვლევაში ვკითხულობთ, რომ ბრენდული ქსელების ბაზარი წლიურად 2025-28 წლებში 14.8%-ით გაიზრდება რაც საბაზრო წილის მიმდინარე 40.7%-დან 52.0%-მდე ზრდას გამოიწვევს 2028 წელს. პროგნოზები პოზიტიური კეთდება, თუმცა მიმდინარე პროცესების ფონზე ექსპერტები რისკებზე საუბრობენ. ამბობენ, რომ პოლიტიკურმა არასტაბილურობამ შესაძლოა ბაზრის განვითარება დაამუხრუჭოს. როგორ შეიძლება შეიცვალოს პოლიტიკური არასტაბილურობის ფონზე FMCG ბაზრის კონიუქტურა, მოუწევთ თუ არა ბაზრის მოთამაშეებს დაგეგმილი საინვესტიციო გეგმების შეცვლა და რა ასახვა შეიძლება ჰქონდა ამას, როგორც კომპანიებზე, ისე თავად მომხმარებელზე? სტუმარი: მირანდა მანჯგალაძე - რითეილ სექტორის ექსპერტი; #ახალიამბები #BusinessMediaGeorgia
სტუმარ მასპინძლობის ინდუსტრიის წარმომადგენლები ამ წუთებში საპროტესტო მარშს მართავენ- სექტორის წარმომადგენლები უერთდებიან 2 მთავარ მოთხოვნას, რომელიც აქციებზე დაკავებული ადამიანების გათავისუფლებას და ქვეყანაში ახალი არჩევნების დანიშვნას გულისხმობს. #ახალიამბები #BusinessMediaGeorgia
ქვეყანაში არც ეკონომიკური კრიზისი გვაქვს და არც - პოლიტიკური. ამის შესახებ ირაკლი კობახიძემ ბრიფინგზე, BMG-ის შესაბამისი კითხვის საპასუხოდ განაცხადა. ბრიფინგი მთავრობის ადმინისტრაციაში დაახლოებით 1 საათის წინ დასრულდა, სადაც ირაკლი კობახიძე გუშინ, ევროკავშირის საგარეო საქმეთა მინისტრების შეხვედრაზე მიღებული გადაწყვეტილებას, რომელიც დიპლომატიური პასპორტების მფლობელებისთვის უვიზო რეჟიმის შეჩერებას გულისხმობს ეხმიანება და ამბობს, რომ ეს სიმბოლური დატვირთვისაა და ანტიქართული ნაბიჯია. #ახალიამბები #BusinessMediaGeorgia
მიმდინარე წლის 9 თვეში სადაზღვევო სექტორმა 983 მლნ ლარის მოცულობის პრემია მოიზიდა, რაც წლიურად 20%-ით გაზრდილი მაჩვენებელია. გაზრდილია სექტორის მომგებიანობაც და 9 თვეში მზღვეველების წმინდა მოგებამ 115 მლნ ლარი შეადგინა. მიუხედავად გაუმჯობესებული მაჩვენებლებისა, ბაზრის წარმომადგენლების ნაწილი აცხადებს, რომ ბაზრის ზრდა ძირითადად პოლისების გაძვირებაზე მოდის. ამასთან, სექტორის წარმომადგენლები არ გამორიცხავენ, რომ ქვეყანაში შექმნილი არასტაბილური გარემო და დასავლეთისგან იზოლაცია სამომავლოდ ნეგატიურად სადაზღვევო ბაზარზეც აისახოს. როგორია სადაზღვევო ბაზრის ტენდენციები და რა გავლენა შეიძლება ჰქონდეს შექმნილ ვითარებას სექტორზე. #ახალიამბები #BusinessMediaGeorgia
ახლად შექმნილ პლატფორმაზე Freebusiness რომლის წარდგენაც გუშინ მოხდა საკუთარი პოზიციის დაფიქსირებისას უერთდებიან განცხადებას, რომელშიც აღნიშნულია, რომ არსებული კრიზისი გაცდა პარტიული პოლიტიკის საზღვრებს და გარდაუვალი სოციალური და ეკონომიკური საფრთხის წინაშე აყენებს ქვეყანას. აუცილებელია ვითარების სასწრაფო დეესკალაცია. დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების დროს დაპატიმრებული ადამიანების ახალ წლამდე გათავისუფლება. ჩვენ, ქართული ბიზნესის წარმომადგენლები, ვართ რა პასუხისმგებელნი ქვეყნის ბედზე და მის შეუქცევად განვითარებაზე, განურჩევლად ჩვენი პოლიტიკური პრეფერენციებისა, ხელს ვაწერთ ამ მოწოდებას და განცხადებას. - ამ დროისთვის განცხადების ხელმომწერი 360 ზე მეტი კომპანიაა… ➡️სტუმარი: გიორგი ჩუგოშვილი - Free business, დამფუძნებელი; #ახალიამბები #BusinessMediaGeorgia
პოლიტიკური კრიზისი რომელმაც შეიძლება გამოუსწორებელ ეკონომიკურ კრიზისამდე მიიყვანოს ქვეყანა ბიზნესის გადმოსახედიდან დროულ რეაგირებას და ვითარების დეესკალაციას საჭიროებს. ქვეყნის დოვლათის შემქმნელები ღიად საუბრობენ იმ პრობლემებზე, რაც არსებულმა ვითარებამ უკვე შექმნა ან უახლოეს მომავალში კიდევ შექმნის. კერძო სექტორის წარმომადგენელთა ნაწილი აღნიშნავს, რომ უცხოელ ინვესტორებს ჩვენი ქვეყანა აღარ აინტერესებთ, რადგან მათ ინვესტირება და ბიზნესის კეთება მშვიდ ადგილას სურთ. ინფორმაციული ტექნოლოგიების ასოციაციის თავმჯდომარე კრიზისის გაგრძელების შემთხვევაში სფეროში დასაქმებულების ქვეყნიდან გადინებას ელოდება. ბიზნესის კვირეულის ეთერში შექმნილი პოლიტიკური ვითარების გათვალისწინებით რისკებზე და პერსპექტივებზე მსჯელობისთვის შეკრებილი ბიზნესის წარმომადგენლები ამბობენ, რომ იმ შემთხვევაში თუ მდგომარეობის გამოსასწორებლად მთავრობა ქმედით ნაბიჯებს არ გადადგამს და იზოლაციონიზმის პოლიტიკიდან არ გამოვა, მომდევნო 3-4 თვის განმავლობაში ეკონომიკური კოლაფსი გარდაუვალია. საჭიროა ვითარების დეესკალაცია და ამის გზად ბიზნესის ნაწილი ვადამდელ არჩევნებს და აქციების დროს დაკავებულთა გათავისუფლებას ასახელებს. #ახალიამბები #BusinessMediaGeorgia
საჯარო სამსახურში რეორგანიზაციისა და დასაქმებულთა გათავისუფლების საკითხები მარტივდება. „საჯარო სამსახურის შესახებ“ კანონში ცვლილებები საქართველოს პარლამენტმა მიმდინარე კვირის ბოლოს დაჩქარებული წესით განიხილა და მიიღო. კანონში განხორციელებული ცვლილებები მკვეთრად აუარესებს საჯარო მოხელეების უფლებრივ მდგომარეობას ამბობენ არასამთავრობო ორგანიზაციები და იურისტები. მათი შეფასებით, ცვლილებებით უარესდება დღეს არსებული საკანონმდებლო მოწესრიგება, რაც არსებითად ეწინააღმდეგება საქართველოს კონსტიტუციას. რა იცვლება საჯარო სამსახურის შესახებ კანონში და რა რისკებს ხედავენ ცვლილებებში იურისტები? #ახალიამბები #BusinessMediaGeorgia
9 თვეში სადაზღვევო სექტორმა 983 მლნ ლარის მოცულობის პრემია მოიზიდა, რაც წლიურად 20%-ით გაზრდილი მაჩვენებელია. გაზრდილია სექტორის მოგებიანობაც და 9 თვეში მზღვეველების წმინდა მოგებამ 115 მლნ ლარი შეადგინა. მიუხედავად გაუმჯობესებული მაჩვენებლებისა, კომპანიების ნაწილში აცხადებენ, რომ ბაზრის ზრდა ძირითადად პოლისების გაძვირებაზე მოდის და არა დაზღვეულთა რაოდენობის მნიშვნელოვან ზრდაზე. ამასთან, სექტორის წარმომადგენლები არ გამორიცხავენ, რომ ქვეყანაში შექმნილი არასტაბილური გარემო და დასავლეთისგან იზოლაცია, სამომავლოდ სადაზღვევო ბაზარზე ნეგატიურად აისახოს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 16.12.2024
ადამიანური რესურსების მართვის სპეციალისტები, ტრენერები და ბიზნეს-კონსულტანტები ერთობლივ განცხადებას აქვეყნებენ, რომლითაც მიმდინარე პროევროპული სახალხო პროტესტის მოთხოვნებს უერთდებიან. 400-მდე პროფესიონალი დაკავებული დემონსტრანტების გათავისუფლებას და ხელახალი არჩევნების დანიშვნას ითხოვს. მათი განცხადებით, საქართველო თავისი ღირებულებებითა და კულტურით ყოველთვის იყო დასავლური ცივილიზაციის ნაწილი. როგორც განცხადებაშია აღნიშნული, ბოლო წლების განმავლობაში ქვეყნის ინსტიტუციურ და ეკონომიკურ განვითარებაში უდიდესი წვლილი ევროკავშირსა და დასავლურ საერთაშორისო ინსტიტუციებს აქვს. სექტორში აღნიშნავენ, რომ ევროკავშირთან მოლაპარაკებების შეჩერება და ქვეყანაში მიმდინარე მოვლენები პირდაპირი საფრთხეა როგორც ქვეყნის სუვერენიტეტისთვის და დემოკრატიისთვის, ისე ქართული ეკონომიკისთვის, ბიზნესისთვის და შრომის ბაზრისთვის. რა გამოწვევების წინაშე დგას შრომის ბაზარი და როგორ აისახება მიმდინარე პროცესები დასაქმებაზე? სტუმარი: მედეა ტაბატაძე - საკონსულტაციო და კვლევითი კომპანია Insource-ის მმართველი პარტნიორი #ახალიამბები #BusinessMediaGeorgia
300-ზე მეტი კომპანია ახალი არჩევნების დანიშვნას და პროევროპულ აქციებზე დაკავებული მოქალაქეების ახალ წლამდე გათავისუფლებას ითხოვს. კომპანიებმა საკუთარი პოზიცია ახალ პლატფორმა Freebusiness-ზე დააფიქსირეს, რომელიც სტარტაპერმა გიორგი ჩუგოშვილმა შექმნა. პლატფორმაზე აღნიშნულია, რომ არსებული კრიზისი პარტიული პოლიტიკის საზღვრებს გასცდა , რაც ქვეყანას გარდაუვალი სოციალური და ეკონომიკური საფრთხის წინაშე აყენებს. ბიზნესების თქმით, აუცილებელია ვითარების, რაც შეიძლება სასწრაფო დეესკალაცია. freebusiness.ge -ს პლატფორმის პრეზენტაცია გუშინ, BMGTV-ის გადაცემა „ბიზნესის კვირეულში“ გაიმართა. სტუმარი: გიორგი ჩუგოშვილი - freebusiness.ge -ის იდეის ავტორი; #ახალიამბები #BusinessMediaGeorgia
300-მდე გაიზარდა იმ ბიზნეს-კომპანიების რაოდენობა, რომლებიც ახალი არჩევნების დანიშვნას და პროევროპულ აქციებზე დაკავებული მოქალაქეების ახალ წლამდე გათავისუფლებას ითხოვენ. კომპანიებმა საკუთარი პოზიცია ახალ პლატფორმა Freebusiness-ზე დააფიქსირეს, რომელიც სტარტაპერმა გიორგი ჩუგოშვილმა შექმნა. პლატფორმაზე აღნიშნულია, რომ არსებული კრიზისი პარტიული პოლიტიკის საზღვრებს გასცდა , რაც ქვეყანას გარდაუვალი სოციალური და ეკონომიკური საფრთხის წინაშე აყენებს. ბიზნესების თქმით, აუცილებელია ვითარების, რაც შეიძლება სასწრაფო დეესკალაცია. freebusiness.ge -ს პლატფორმის პრეზენტაცია გუშინ, BMGTV-ის გადაცემა „ბიზნესის კვირეულში“ გაიმართა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 13.12.2024
აქცია მსვლელობების ე.წ აფიშა ჯერ ამოწურული არ არის. ელექტრონული მუსიკისა და საკლუბო სცენის წარმომადგენლები სოლიდარობის მარშს რამდენიმე წუთში გამართავენ. ქვეყანაში ღამის ეკონომიკის მთავარი კონტრიბუტორები მარჯანიშვილის მოედნიდან პარლამენტის შენობისკენ დაიძვრებიან და კონკრეტულ მოთხოვნებს გააჟღერებენ. იქამდე სანამ ინდუსტრიის წარმომადგენლები საპროტესტო მარშს შეუერთდებიან. #ახალიამბები #BusinessMediaGeorgia
IT, HR, PR, ტრენერებისა და ფინანსური სფეროს წარმომადგენლები, მარკეტერები და სხვა შემოქმედებით სფეროში დასაქმებულები მსვლელობით თბილისის მერიასთან მივიდნენ. მათი ნაწილი ვაკის პარკიდან, მეორე ნაწილი კი რესპუბლიკის მოედნიდან მართავდა მსვლელობას. აქციის მონაწილეები დედაქალაქის მერიის თანამშრომლებს, რომლებიც ფანჯრებიდან იყურებოდნენ, აქციის შემოერთებისკენ მოუწოდებდნენ მათთან ერთად დგომისკენ მოუწოდებდნენ. #ახალიამბები #BusinessMediaGeorgia