ივნისში საქართველოს ეკონომიკის ზრდის ტემპი შენელდა, თუმცა მაინც მაღალ ნიშნულზე ნარჩუნდება. საქსტატის მონაცემებით, გასულ თვეს ქვეყნის ეკონომიკა 6.3 პროცენტით გაიზარდა, წლის პირველი ექვსი თვის საშუალო მაჩვენებელი კი 8.3 პროცენტი იყო. შემცირებულია დღგ-ს გადამხდელ კომპანიათა ბრუნვის ზრდის ტემპიც. კერძოდ, 2025 წლის ივნისში საქართველოს კერძო სექტორის, ანუ დღგ-ის გადამხდელი საწარმოების ბრუნვამ 14.8 მილიარდი ლარი შეადგინა, რაც წლიურად 8.7%-ით მეტია, თუმცა ეს მაჩვენებელი წინა თვეებთან შედარებით შემცირებულია. აღსანიშნავია, რომ შედარებით მაღალი ეკონომიკური ზრდის ტემპის შენარჩუნების ფონზე, საბიუჯეტო შემოსავლებში არაერთი მიმართულებით გეგმასთან ჩამორჩენა ფიქსირდება. კერძოდ, 6 თვეში სახელმწიფო ბიუჯეტმა გადასახადებიდან 10.5 მილიარდი ლარის შემოსავალი მიიღო, რაც გეგმის 100.5%-ია, თუმცა, საშემოსავლო გადასახადის გარდა, ყველა ძირითად გადასახადში გეგმასთან მიმართებით ჩამორჩენაა. მთლიანობაში ეს დანაკლისი 217 მილიონ ლარს შეადგენს. რა ფაქტორები ახდენს გავლენას ეკონომიკურ ზრდაზე და რაზე მეტყველებს საბიუჯეტო შემოსავლებში გეგმასთან მიმართებაში ჩამორჩენა?

სტუმარი: ნიკოლოზ ალავიძე - „ჯეოქეისის“ მრჩეველი

#ახალიამბები #BusinessMediaGeorgia