მაისში საქართველოს ეკონომიკა 7.5%-ით გაიზარდა, ხოლო 2025 წლის ხუთ თვეში ზრდის ტემპმა 8.8% შეადგინა. საქსტატის თანახმად, საქართველოს კერძო სექტორის, ანუ დღგ-ის გადამხდელი კომპანიების ბრუნვამ მაისის განმავლობაში 14.7 მილიარდი ლარი შეადგინა, რაც წლიურად 13%-ით გაზრდილი მაჩვენებელია. დარგების მიხედვით, ზრდა დაფიქსირდა ყველა მიმართულებით, გარდა ენერგეტიკის და საფინანსო სექტორებისა. ეკონომისტების ნაწილი კი აცხადებს, რომ მიუხედავად მაღალი ზრდის ტემპის შენარჩუნებისა, ეკონომიკური ზრდა არაინკლუზიურია. როგორი იყო მაისის ეკონომიკური ზრდის მაჩვენებლები და რა მიმართულებით ფიქსირდება კლება?


#ახალიამბები #BusinessMediaGeorgia