ბიზნესი ამბობს, რომ ქვეყანა ერთიან ელექტრონულ სატრანზიტო სისტემაზე გადასვლას მოუმზადებელი შეხვდა. საუბარია ე.წ NCTS-ზე, რომელიც გადამზიდავ კომპანიებს საქართველოს საბაჟოს მიერ გაცემული სატრანზიტო დოკუმენტაციით და გარანტიით, ტვირთის 36 ქვეყანაში შეუფერხებლად გადაზიდვის საშუალებას აძლევს, თუმცა სისტემის ამოქმედებიდან ერთი თვის თავზე მხოლოდ რამდენიმე ტრანზიტის ოპერატორი არსებობს, რომელსაც შეუძლია შესაბამისი დეკლარაცია გასცეს. პრობლემაა სავალდებულო წესით მოთხოვნილი გარანტიების წარდგენაც, რადგან სახმელეთო გადამზიდავთა ასოციაციის ინფორმაციით, ბანკები და სადაზღვევო კომპანიები გადამზიდავებისთვის ფინანსური გარანტების გაცემისგან თავს იკავებენ. გართულებული პროცედურები კი გადამზიდავების თქმით, საბაჟოებზე დამატებით საცობებს ქმნის. რა ვითარებაა საბაჟო გამშვებ პუნქტებზე და რა გამოწვევები შექმნა ახალ სატრანზიტო სისტემაზე გადასვლამ.

#ახალიამბები #BusinessMediaGeorgia