თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის სტუდენტები კვლევითი პროექტის ფარგლებში, „ამბასადორი აილენდ ბათუმის“ ორი ხელოვნური ნახევარკუნძულისა და ხელოვნური კუნძულის მშენებლობისა და მიწის მოწყობის პროცესს გაეცნენ. უნივერსიტეტის 15 სტუდენტით დაკომპლექტებულ ჯგუფს პროექტის ხელმძღვანელებმა უმასპინძლეს, რომელებმაც სტუდენტებს მიმდინარე სამუშაოები გააცნეს. ამ ეტაპზე „ამბასადორი აილენდ ბათუმის“ ტერიტორიაზე, მიწის მოწყობითი სამუშაოები მიმდინარეობს. პროექტი შავ ზღვაში ორი ხელოვნური ნახევარკუნძულის და ერთი კუნძულის ფორმირებას გულისხმობს, რომელზეც განთავსდება სასტუმრო, სავაჭრო და საცხოვრებელი კომპლექსები, ბულვარი, აკვაპარკები, იახტკლუბი, პლაჟები და დასასვენებელ-გასართობი სივრცეები.


#ახალიამბები #BusinessMediaGeorgia