2025 წლის რთველს სექტორი განსხვავებული პირობებით ხვდება - კერძო კომპანიებზე სუბსიდია აღარ გაიცემა და ჭარბ ყურძენს მხოლოდ სახელმწიფოს კუთვნილი "მოსავლის მართვის კომპანია" შეიძენს. წელს სახელმწიფომ დაადგინა ყურძნის ფასიც და ერთი კილოგრამი საფერავის ჯიშის ყურძნის ღირებულება კილოგრამზე 1.50 ლარით განისაზღვრება. ეს იქნება ფასი, რომელსაც ღვინის სახელმწიფო კომპანია მევენახეებს გადაუხდის. სხვა ჯიშის ყურძენზე, მათ შორის რქაწითელზე შესასყიდი ფასი კილოგრამზე 1.20 ლარით განისაზღვრება. ხოლო დაზიანებული ყურძნის ჩაბარების ღირებულება 1 ლარი იქნება. სუბსიდირების მავნე პრაქტიკაზე სექტორის წარმომადგენლები წლებია საუბრობენ და ამბობენ, სახელმწიფო რთველის სუბსიდირებიდან ეტაპობრივად უნდა გამოსულიყო. გადაწყვეტილება კი რომელიც 2025 წლის რთველთან მიმართებით იყო მიღებული ნედლეულს გააძვირებს და ღვინის კომპანიებს მძიმე მდგომარეობაში ჩააყენებს. რამდენად სწორი გზა აირჩია სახელმწიფომ სუბსიდირების პროგრამიდან გამოსასვლელად და რა გავლენა ექნება გადაწყვეტილებას როგორც ღვინის კომპანიებზე, ისე თავად მევენახეებზე?

სტუმარი: გიორგი სამანიშვილი - მეღვინეობის დარგის მართვის მაგისტრი

#ახალიამბები #BusinessMediaGeorgia