საქართველოს დასავლეთთან ასეთი დაძაბული ურთიერთობა ფაქტობრივად არასდროს ჰქონია. ევროკავშირი საქართველოსთვის ერთ-ერთი მთავარი ეკონომიკური პარტნიორია, თუმცა იმ ძირითადი ღირებულებებისგან უკან დახევის გამო, რომლებზეც ევროკავშირი-საქართველოს ურთიერთობები იყო დაფუძნებული, ევროკავშირმა თავისი დახმარების დიდი ნაწილი შეგვიმცირა. სტრატეგიული პარტნიორობა საქართველოსთან შეჩერებული აქვს ამერიკის შეერთებულ შტატებსაც. ბუნებრივია, დასავლეთთან დაძაბული პოლიტიკური ვითარება უარყოფითად აისახება როგორც ეკონომიკურ გარემოზე, ასევე იმ ბიზნესებზე, რომლებიც საქართველოში ოპერირებენ ან საქართველოს შესაძლოა საინვესტიციოდ განიხილავდნენ. ამ ფონზე, საქართველოს სტრატეგიული პარტნიორი ჰყავს ჩინეთის სახით, “ქართული ოცნების” მესვეურები მოგზაურობენ ცენტრალურ აზიასა და საუდის არაბეთში და რამდენიმე მილიარდიან ინვესტიციასაც აანონსებენ. გახდება თუ არა აზიური ფული დასავლური კაპიტალის ალტერნატივა და რა გავლენა აქვს ევროკავშირთან და ამერიკასთან დაძაბულ ურთიერთობას საქართველოს ეკონომიკაზე. #ახალიამბები #BusinessMediaGeorgia
ეკონომიკური ზრდის მიუხედავად, საქართველოში ბიზნესები მზარდ გამოწვევებს აწყდებიან - ევროკავშირი საქართველოს ბიზნეს კლიმატის შესახებ ახალ ანგარიშს აქვეყნებს. ევროპული ბიზნეს ასოციაციის მიერ მომზადებული კვლევით პოლიტიკური არასტაბილურობაა ის მთავარი გამოწვევა, რაც დღეს ბიზნესის წინაშე დგას. როგორც ევროპულ ბიზნეს ასოციაციაში აცხადებენ, შექმნილი არასტაბილურობის ფონზე, არაერთმა ევროპულმა კომპანიამ საქართველოში ახალი ინვესტიციების განხორციელება შეაჩერა. გამოკითხული ბიზნესებისთვის კვლავ დიდი გამოწვევაა სამუშაო ძალის სიმცირეც, რაც თავის მხრივ, ემიგრაციითაა გამოწვეული. რა გამოწვევები ჩანს საქართველოს ბიზნეს კლიმატის ანგარიშში. #ახალიამბები #BusinessMediaGeorgia
შუა დერეფანში ტვირთების ახალი ნაკადები ჩნდება. სატესტო გადაზიდვები ფოთისა და ბათუმის პორტებში შესრულდა, თუმცა გაზრდილ ტვირთნაკადს გამოწვევებიც თან სდევს. მზარდ მოთხოვნას არსებული ინფრასტრუქტურა ვერ პასუხობს, ბიზნესის წარმომადგენლები ამბობენ, რომ უნდა გაიზარდოს გამტარუნარიანობა როგორც პორტების, ისე ლოგისტიკური ცენტრების თუ რკინიგზის. არის საჭიროება საკანონმდებლო კუთხით კონკრეტული ნაბიჯების გადადგმის და ოპერაციების გამარტივებისაც. საკითხებზე შავი ზღვის პორტებისა და გადაზიდვების მე-5 საერთაშორისო გამოფენასა და კონფერენციაზე იმსჯელეს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 13.03.2025 "მანდარინის გაყიდვები 2-3 ბაზარზეა ჩამოკიდებული" - რატომ შემცირდა ციტრუსის ექსპორტი? “შატო კვირიკე“ ფართოვდება - ქობულეთში $100 მლნ-ის ინვესტიციით 300-ნომრიანი აპარტოტელი აშენდება; ტექინსპექტირების ცენტრებში მიმართვიანობა 10-12%-ით შემცირდა - გიორგი შიოლაშვილი; "მოგზაურობა აუცილებლად გაძვირდება" - PEGAS Touristik Georgia; "ღვინის საექსპორტო ქვეყნების რაოდენობა ლიმიტირებულია" – "თელავის ღვინის მარანი"; #ახალიამბები #BusinessMediaGeorgia
ეკონომიკური ზრდის მიუხედავად, საქართველოში ბიზნესები მზარდ გამოწვევებს აწყდებიან - ევროკავშირი საქართველოს ბიზნეს კლიმატის შესახებ ახალ ანგარიშს აქვეყნებს. ევროპული ბიზნეს ასოციაციის მიერ მომზადებული კვლევით პოლიტიკური არასტაბილურობაა ის მთავარი გამოწვევა, რაც დღეს კომპანიების წინაშე დგას. როგორც ასოციაციაში აცხადებენ, შექმნილი არასტაბილურობის ფონზე, არაერთმა ევროპულმა კომპანიამ საქართველოში ახალი ინვესტიციების განხორციელება შეაჩერა. გამოკითხული ბიზნესებისთვის კვლავ დიდი გამოწვევაა სამუშაო ძალის სიმცირეც, რაც თავის მხრივ, ემიგრაციითაა გამოწვეული. რა გამოწვევები ჩანს საქართველოს ბიზნეს კლიმატის ანგარიშში? #ახალიამბები #BusinessMediaGeorgia
საქართველოს დასავლეთთან ასეთი დაძაბული ურთიერთობა ფაქტობრივად არასდროს ჰქონია. ევროკავშირი საქართველოსთვის ერთ-ერთი მთავარი ეკონომიკური პარტნიორია, თუმცა იმ ძირითადი ღირებულებებისგან უკან დახევის გამო, რომლებზეც ევროკავშირი-საქართველოს ურთიერთობები იყო დაფუძნებული, ევროკავშირმა თავისი დახმარების დიდი ნაწილი შეგვიმცირა. სტრატეგიული პარტნიორობა საქართველოსთან შეჩერებული აქვს ამერიკის შეერთებულ შტატებსაც. ბუნებრივია, დაძაბული პოლიტიკური ვითარება უარყოფითად აისახება როგორც ეკონომიკურ გარემოზე, ასევე იმ ბიზნესებზე, რომლებიც საქართველოში ოპერირებენ ან საქართველოს შესაძლოა განიხილავდნენ საინვესტიციოდ. რა გავლენა აქვს დასავლეთთან გაუარესებულ ურთიერთობებს საქართველოს ეკონომიკაზე? #ახალიამბები #BusinessMediaGeorgia
საქართველო, როგორც მულტიმოდალური სავაჭრო ურთიერთობების ცენტრი - რა გამოწვევებით და შესაძლებლობებით შეხვდა შუა დერეფანი 2025 წელს. APM Terminals ფოთის ორგანიზებით ამ კვირაში შავი ზღვის პორტებისა და გადაზიდვების მე-5 საერთაშორისო კონფერენცია გაიმართა. ღონისძიებაში მონაწილეობა არაერთი ქვეყნის სატრანსპორტო და ლოგისტიკის სფეროს წარმომადგენელმა მიიღო. შეხვედრებზე იმსჯელეს დერეფანში არსებულ სიახლეებზე, ახალ ტვირთებზე და გამოწვევებზე, გლობალურ თუ რეგიონულ ვაჭრობაში ჩართული პირები ხვდებიან. სექტორის წარმომადგენლები მიიჩნევენ, რომ დერეფნის ეფექტიანობის გაზრდისთვის მნიშვნელოვანი ნაბიჯებია გადასადგამი, მათ შორის აუცილებელია პორტების გამტარუნარიანობა გაზრდა და ინფრასტრუქტურის განვითარება. რა გზავნილები გაკეთდა კონფერენციაზე, რა გამოწვევებს ხედავენ სექტორის წარმომადგენლები, ვინ ადებს დღეს ფსონს შუა დერეფანზე და რამდენად გრძელვადიანი ეს გაჩენილი ინტერესი? სტუმარი: ზვიად ჩხარტიშვილი - ფოთის საზღვაო ნავსადგურის ადმინისტრაციული დირექტორი; #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 12.03.2025 შეიქმნა „ქართული სტუმარმასპინძლობის ფონდი“ - ვის და როგორ დაეხმარებიან? “რამდენიმე მსხვილი პროექტი, რომელიც ვიცოდით რომ უნდა დაწყებულიყო, არ დაიწყო” - ტენდენციები სამშენებლო სექტორში; სუბლიმირებული ხილისა და კერძების საწარმო IZY საერთაშორისო ბაზრების ათვისებაზე მუშაობს; 2024 წელს საქართველომ $2.2 მილიარდის აგროსურსათი იყიდა; “ესთეტიკურ მედიცინას რეგულაცია სჭირდება“ - GAIA; #ახალიამბები #BusinessMediaGeorgia
რატომ მცირდება ამერიკული საფონდო ინდექსები? #ახალიამბები #BusinessMediaGeorgia
ენერგოპროექტებზე პირდაპირი კონტრაქტების მიღების მსურველთა განაცხადების მიღების ვადა ამოწურულია. ბაზრის მონაწილეების ინფორმაციით ჰიდროელექტროსადგურების პროექტებზე ინტერესი ტარიფების გავლენით პოტენციურთან შედარებით დაბალი იყო, თუმცა ისევ შეთავაზებული პირობების გავლენით მაღალი იყო მზის სადგურებთან დაკავშირებული წინადადებები. კერძი სექტორში მესამე cfd აუქციონის ჩატარების აუცილებლობაზე კიდევ ერთხელ საუბრობენ და არსებული განაცხადების განხილვის შემდეგ ეკონომიკის სამინისტროს პასუხის მოლოდინში არიან, რომლის ვადაც ცნობილი ჯერ არ არის. ვინ და რა პრინციპით მიმართა ლევან დავითაშვილის უწყებას განაცხადებით და რა პრიორიტეტს ირჩევს სახელმწიფო? #ახალიამბები #BusinessMediaGeorgia
უძრავი ქონების ბაზარზე მოთხოვნის კლების ტენდენცია თებერვალშიც შენარჩუნდა და გასულ თვეს თბილისში წლიურად ბინების გაყიდვები თითქმის 9%-ით იყო შემცირებული. დეველოპერული კომპანიების ნაწილში ამბობენ, რომ უძრავ ქონებაზე მოთხოვნა კვლავ შემცირებული რჩება, ნაწილი კი მარტში ბაზარზე მოთხოვნის გააქტიურებაზე საუბრობს. კერძო სექტორის ნაწილი ამბობს იმასაც, რომ ბანკების მხრიდან ახალი პროექტების დაფინანსება შენელებულია, რაც ბაზარზე სავარაუდოდ, ახალი დეველოპერული პროექტების მიწოდებას შეამცირებს. #ახალიამბები #BusinessMediaGeorgia
მარტში უძრავი ქონების ბაზარზე მოთხოვნის გააქტიურება შეიმჩნევა - ამის შესახებ უძრავი ქონების ეროვნულ ასოციაციაში აცხადებენ. ასოციაციის პრეზიდენტის განცხადებით, მიმდინარე წლის ორ თვეში ბინების გაყიდვების კლება დრამატული არ ყოფილა და მოლოდინია, რომ მომდევნო პერიოდში ტრანზაქციები გაიზრდება. დეველოპერული კომპანიების ნაწილში კი ამბობენ, რომ უძრავ ქონებაზე მოთხოვნა კვლავ შემცირებული რჩება. კომპანიების ნაწილში ამბობენ იმასაც, რომ ბანკების მხრიდან ახალი პროექტების დაფინანსება შენელებულია, რაც ბაზარზე სავარაუდოდ, ახალი დეველოპერული პროექტების მიწოდებას შეამცირებს. რა ვითარებაა უძრავი ქონების ბაზარზე და როგორია მოლოდინები? #ახალიამბები #BusinessMediaGeorgia
ენერგოპროექტებზე პირდაპირი კონტრაქტების მიღების მსურველთა განაცხადების მიღების ვადა ამოიწურა- ბაზრის მონაწილეები ამბობენ, რომ ჰიდროელექტროსადგურების პროექტებზე ინტერესი არც თუ ისე მაღალი იყო, რაც კონტრაქტით გათვალისწინებულ ტარიფს უკავშირდება, შესაბამისად ბიზნესის ნაწილი თვლის, რომ მესამე cfd აუქციონის ჩატარება და ჰიდროელექტრო სადგურებისთვის განახლებული ტარიფების დადგენა აუცილებელია. ვინ მიმართა პირდაპირი კონტრაქტებისთვის განაცხადებით ეკონომიკის სამინისტროს და რა გამოწვევებსა თუ შესაძლებლობებზე საუბრობენ კერძო სექტორში? #ახალიამბები #BusinessMediaGeorgia
ეროვნული ბანკი უკვე მეშვიდედ რეფინანსირების განაკვეთს 8%-ზე ინარჩუნებს. გლობალურად გაზრდილი გაურკვევლობის ფონზე, მონეტარული პოლიტიკის კომიტეტმა, ერთი მხრივ, განიხილა მაღალინფლაციური რისკების სცენარი, რომლის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. მეორე მხრივ, განიხილა დაბალინფლაციური რისკების სცენარი, რომლის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო დაბალ ტრაექტორიას მოითხოვს, ვიდრე ცენტრალური სცენარი, თუმცა მაკროეკონომიკური ანალიზისა და არსებული რისკების შეფასების შედეგად, მონეტარული პოლიტიკის კომიტეტმა ოპტიმალურად მიიჩნია განაკვეთის შემდგომი ნორმალიზების მიმართ ფრთხილი მიდგომის არჩევა და მონეტარული პოლიტიკის განაკვეთი, უცვლელად, 8 პროცენტზე დატოვა. სტუმარი: ოთარ ნადარია - „თიბისის“ მთავარი ეკონომისტი #ახალიამბები #BusinessMediaGeorgia
ეროვნული ბანკი ადასტურებს, რომ თებერვალში სავალუტო რეზერვების 202 მლნ დოლარით შემცირება მთავრობის ოპერაციებს, მათ შორის, საგარეო ვალის დაფარვას უკავშირდებოდა და ეს ჩანს ფინანსთა სამინისტროს მონაცემებში, რომლის მიხედვით, საგარეო ვალების მომსახურებაზე წლის დასაწყისიდან დღემდე დაახლოებით 127 მილიონი დოლარი მიემართა. თავად ეროვნული ბანკი ამბობს, რომ იანვარ-თებერვალში სავალუტო ბაზარზე ინტერვენცია არც გაყიდვის და არც ყიდვის მხრივ არ განუხორციელებია. თუმცა სებ-ის პრეზიდენტი ელის, რომ ბაზრიდან დამატებითი ვალუტის შეძენას და რეზერვების შევსებას მალე შეძლებს. ფინანსისტების ნაწილი კი გამორიცხავს, რომ შემცირებული სავალუტო რეზერვების ადეკვატურობის ნიშნულამდე დაგროვება უახლოეს ხანებში მოხდება, მით უფრო იმ ფონზე, რომ წელსაც ქვეყანას მნიშვნელოვანი მოცულობით საგარეო ვალის გადახდა უწევს. რამ გამოიწვია სავალუტო რეზერვების მოცულობის შემცირება და როგორია მოლოდინები? #ახალიამბები #BusinessMediaGeorgia
პირდაპირი უცხოური ინვესტიციები შემცირდა. 2024 წელს ქვეყანაში 1 მილიარდ 333 მილიონ დოლარის FDI ჩაიდო, თითქმის 30%-ით ნაკლები 2023 წელთან შედარებით. რაც საქსტატის განმარტებით, სააქციო კაპიტალის და რეინვესტიციის მაჩვენებლის შემცირებამ განაპირობა. წინასწარი მონაცემების მიხედვით, 2024 წელს FDI თითქმის 30%-ით შემცირდა. რომელ სექტორებში, რომელი კომპანიების მიერ განხორციელდა გასულ წელს პირდაპირი უცხოური ინვესტიციები და ქვეყანაში შექმნილი პოლიტიკური კრიზისი რა გავლენას ახდენს ინვესტორების განწყობებზე? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 11.03.2025 Galt & Taggart შეფასებით, თებერვალში ტურიზმის შემოსავლებმა წლიური ზრდა ვერ აჩვენა; შემცირებულია მოთხოვნა სერვისებზე, რომლებიც ახალ ინვესტორებს სჭირდებათ - BDO-ს მმართველი პარტნიორი; მოლოდინი გვაქვს, რომ სადაზღვევო ინდუსტრიას 2024 წელს 17-18%-იანი ზრდა ექნება - მიხეილ ჯაფარიძე; "თუ ტურისტული ნაკადები არ გაიზრდება, ან დახურვა ან თავის გადარჩენა მოგვიწევს" - „ლუდსახარში ვარძია“; “დაახლოებით 30-40%-იანი ვარდნა გვქონდა” - GAIA; #ახალიამბები #BusinessMediaGeorgia
ეროვნული ბანკი ადასტურებს, რომ თებერვალში სავალუტო რეზერვების 202 მლნ დოლარით შემცირება მთავრობის ოპერაციებს, მათ შორის, საგარეო ვალის დაფარვას უკავშირდებოდა და ეს ჩანს კიდეც ფინანსთა სამინისტროს მონაცემებში, რომლის მიხედვით, საგარეო ვალების მომსახურებაზე წლის დასაწყისიდან დღემდე დაახლოებით 127 მილიონი დოლარი მიემართა. თავად ეროვნული ბანკი ამბობს რომ იანვარ-თებერვალში სავალუტო ბაზარზე ინტერვენცია არც გაყიდვის და არც ყიდვის მხრივ არ განუხორციელებია. თუმცა სებ-ის პრეზიდენტი ელის, რომ ქვეყანაში ვალუტის შემოდინების ფონზე ბაზრიდან დამატებითი ვალუტის შეძენას და რეზერვების შევსებას შეძლებს. ამ განცხადების მიუხედავად ფინანსისტების ნაწილი არ ელის, რომ პერიოდში შემცირებული სავალუტო რეზერვების ადეკვატურობის ნიშნულამდე დაგროვება მოხდება, მით უფრო იმ ფონზე, რომ წელსაც ქვეყანას მნიშვნელოვანი მოცულობით საგარეო ვალის გადახდა უწევს. #ახალიამბები #BusinessMediaGeorgia
აუდიო ვიდეო ტექნიკის იმპორტიორებისთვის ახალი გადასახადი ამოქმედდა. გადასახადს ჰონორარის სახით იმპორტიორები ინტელექტუალური საკუთრების მფლობელთა ასოციაციას გადაუხდიან. ბრძანების მიხედვით, ჰონორარის გადახდას ექვემდებარება მხოლოდ ისეთი მოწყობილობების იმპორტი, რომელიც შეიძლება გამოყენებულ იქნეს ტექნიკის მფლობელი მიერ აუდიოვიზუალური ნაწარმოების მოსმენის ან ნახვისთვის და პროცესში შესაძლოა საავტორო უფლებების დარღვევა მოხდეს. UPS-ის ავტორიზებული კონტრაქტორი გიორგი ქოპილაშვილი ამბობს, რომ ინტელექტუალური საკუთრების მფლობელთა ასოციაციისგან მის კომპანიას შესაბამისი გადასახადის გადახდის მოთხოვნაზე უკვე მისწერეს. როგორც ქოპილაშვილი გვიხსნის, ავტორიზებული ასოციაცია ბიზნესს შემოსავლების სამსახურის მიერ მიწოდებული ინფორმაციის საფუძველზე ბეგრავს, რაც საბოლოო ჯამში მომხმარებლისთვის პროდუქტის გაძვირებაში აისახება. შესაბამისად, ცვლილებებს გავლენა ყველა შემთხვევაში ექნება კონკრეტული პროდუქციის ფასზე. დღეის მდგომარეობით ბაზარზე მხოლოდ 1 აკრედიტებული ორგანიზაციაა და ეს ინტელექტუალური საკუთრების მფლობელთა ასოციაციაა. ასოციაციაში ამბობენ, რომ აღნიშნული გადასახადის მეშვეობით ქართველი ავტორების შემოსვლის სახით დამატებით 250-280 ლარს მიიღებენ, რაც საერთაშორისოდ მიღებული პრაქტიკაა. თავად ავტორები თვლიან, მათი უფლებები წლების განმავლობაში ირღვეოდა, ისინი ბიზნეს სთხოვენ გაგებით მოეკიდონ საკითხს. საქპატენტში განმარტავენ, რომ 2%-იანი გადასახადის ამოქმედება 2024 წლის 31 დეკემბერს ბიზნესმა კიდევ ერთხელ გაასაჩივრა. უწყებაში იმპორტიორების მხრიდან კიდევ ორი სარჩელია წარდგენილი, რომლითაც 2024 წლის ოქტომბერში მიღებული გადაწყვეტილების ბათილად ცნობას ითხოვენ. საკითხზე მსჯელობა სააპელაციო სასამართლოში გრძელდება მოდავე მხარე მედიასთან თემაზე ჯერ არ საუბრობს. რას ცვლის ახალი გადასახადი ბაზარზე? სტუმარი: ზურაბ ბეჟაშვილი - საავტორო უფლებების სპეციალისტი, ადვოკატი #ახალიამბები #BusinessMediaGeorgia
საქართველოში მეორე წელია პირდაპირი უცხოური ინვესტიციების მოცულობა მცირდება. გასულ წელს პირდაპირი უცხოური ინვესტიციები 1 მილიარდ 333 მლნ დოლარამდე შემცირდა, რაც საქსტატის განმარტებით, სააქციო კაპიტალის და რეინვესტიციის მაჩვენებლის შემცირებამ განაპირობა. წინასწარი მონაცემების მიხედვით, 2024 წელს FDI თითქმის 30%-ით შემცირდა. რომელ სექტორებში, რომელი კომპანიების მიერ განხორციელდა გასულ წელს პირდაპირი უცხოური ინვესტიციები და ქვეყანაში შექმნილი პოლიტიკური კრიზისი რა გავლენას ახდენს ინვესტორების განწყობებზე? #ახალიამბები #BusinessMediaGeorgia
2025 წლის იანვარ-თებერვალში BM.GE-ს 7.8მლნ ვიზიტორი ჰყავდა; #ახალიამბები #BusinessMediaGeorgia
დღეს თბილისი მომხმარებლის დაცვის მესამე საერთაშორისო კვირეული გაიხსნა. ღონისძიების ორგანიზატორი ექვსი მარეგულირებელი უწყება - კონკურენციისა და მომხმარებლის დაცვის სააგენტო, სემეკი, დაზღვევის სახელმწიფო ზედამხედველობის სამსახური, ეროვნული ბანკი, კომუნიკაციების კომისია და სურსათის ეროვნული სააგენტოა, რომლის ფარგლებში უწყებები მომხმარებელთა უფლებების დაცვის მიმართულებით მიღებულ შედეგებს, გამოწვევებს და აღსრულების მექანიზმებს განიხილავენ. რა პროგრესი აქვს ქვეყანას მომხმარებელთა უფლებების დაცვის მექანიზმების გაუმჯობესების მიმართულებით და სად რჩება გამოწვევები? #ახალიამბები #BusinessMediaGeorgia
აუდიო ვიდეო ტექნიკის იმპორტიორებისთვის 2%-იანი გადასახადი ამოქმედდა. გადასახადს ჰონორარის სახით იმპორტიორები ინტელექტუალური საკუთრების მფლობელთა ასოციაციას გადაუხდიან. ბრძანების მიხედვით, ჰონორარის გადახდას ექვემდებარება მხოლოდ ისეთი მოწყობილობების იმპორტი, რომელიც შეიძლება გამოყენებულ იქნეს ტექნიკის მფლობელი მიერ აუდიოვიზუალური ნაწარმოების მოსმენის ან ნახვისთვის და პროცესში შესაძლოა საავტორო უფლებების დარღვევა მოხდეს. ბიზნესის ნაწილი ამბობს, რომ მათ იმპორტირებულ აუდიო ტექნიკაზე დაწესებული გადასახადის გადახდა უკვე დაიწყო. მათი თქმით, ინვოისებს თავად ასოციაცია შემოსავლების სამსახურთან კოორდინაციაში აგზავნის. #ახალიამბები #BusinessMediaGeorgia
მიკროსაფინანსო ორგანიზაციების მიერ ერთ მსესხებელზე გაცემული კრედიტის ლიმიტი 200 000 ლარამდე იზრდება. შესაბამის საკანონმდებლო ცვლილებებს მხარი პირველი მოსმენით დღეს პარლამენტის საფინანსო-საბიუჯეტო კომიტეტმა დაუჭირა. ცვლილებით, 1 მსესხებელზე გაცემული მიკროკრედიტის ოდენობა ორმაგდება. ამასთან, ეროვნული ბანკი უფლებამოსილი იქნება, მიკროსაფინანსო ორგანიზაციისთვის ნორმატიული აქტით განსაზღვროს მიკროკრედიტის შესახებ დამატებითი მოთხოვნებიც. რა იცვლება მიკროსაფინანსო სექტორისთვის მიკროკრედიტის ოდენობის გაორმაგებით და როგორ აისახება ცვლილებები მომხმარებლებზე. #ახალიამბები #BusinessMediaGeorgia
აუდიო ვიდეო ტექნიკის იმპორტიორებისთვის 2%-იანი გადასახადი ამოქმედდა. გადასახადს ჰონორარის სახით იმპორტიორები ინტელექტუალური საკუთრების მფლობელთა ასოციაციას გადაუხდიან. ბრძანების მიხედვით, ჰონორარის გადახდას ექვემდებარება მხოლოდ ისეთი მოწყობილობების იმპორტი, რომელიც შეიძლება გამოყენებულ იქნეს ტექნიკის მფლობელი მიერ აუდიოვიზუალური ნაწარმოების მოსმენის ან ნახვისთვის და პროცესში შესაძლოა საავტორო უფლებების დარღვევა მოხდეს. ბიზნესის ნაწილი ამბობს, რომ მათ იმპორტირებულ აუდიო ტექნიკაზე დაწესებული გადასახადის გადახდა უკვე დაიწყო. მათი თქმით, ინვოისებს თავად ასოციაცია შემოსავლების სამსახურთან კოორდინაციაში აგზავნის. რას გულისხმობს ახალი გადასახადი ბიზნესისთვის, ქართველი ავტორებისთვის და რა გავლენა შეიძლება ჰქონდეს აღნიშნულს ტექნიკის ფასებზე? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 10.03.2025 თბილისის ცენტრში, იტალიური რესტორანი Casa Fiori გაიხსნა; წელს საკონფერენციო მომსახურების დამატებას ვგეგმავთ - მეღვინეობა “შუმი”; "ბარბალეს მარანი" უჯარმაში კოტეჯებს ხსნის - როდის შეძლებს ობიექტი მასპინძლობას? ბოლო ახალი წელი კოვიდის პერიოდსაც კი შემიძლია შევადარო - D.Tale Events ტენდენციებზე; "30 დღე, 30 აქტივობა" - "პატარა მკვლევრებმა" ახალი პროდუქტი შექმნა; #ახალიამბები #BusinessMediaGeorgia
„მასწავლებლების გაძლიერება მწვანე მომავლისთვის: განახლებადი ენერგია და გარემოსდაცვითი განათლება საქართველოს სკოლებსა და მუნიციპალიტეტებში“ - პროექტი, რომელსაც გრედა, ბრიტანეთის საელჩოს მხარდაჭერით ახორციელებს, მიმართულია მთელი საქართველოს მასშტაბით მასწავლებლების ცნობიერების ამაღლებაზე და მოიცავს სემინარებს საქართველოს 10 რეგიონში. შეხვედრები ძირითადად სამოქალაქო განათლებისა და გეოგრაფიის მასწავლებლებს დაეთმობა. პროექტის მეორე ნაწილი იქნება შეხვედრები მუნიციპალიტეტების წარმომადგენლებთან. ამ შეხვედრების მიზანი იმ გამოწვევების იდენტიფიცირებაა, რომლებსაც ადგილობრივი ხელისუფლება ხედავს ენერგეტიკული პროექტების განვითარებისას. #ახალიამბები #BusinessMediaGeorgia
მიკროსაფინანსო ორგანიზაციების მიერ ერთ მსესხებელზე გაცემული კრედიტის ლიმიტი, შესაძლოა, 200 000 ლარამდე გაიზარდოს. კანონპროექტის მიხედვით, რომლის განხილვაც დრეს დაიწყო საკანონმდებლო ორგანოში, 1 მსესხებელზე გაცემული მიკროკრედიტის ოდენობა ორმაგდება, თუმცა ამასთან, საქართველოს ეროვნული ბანკი უფლებამოსილი იქნება, მიკროსაფინანსო ორგანიზაციისთვის ნორმატიული აქტით განსაზღვროს მიკროკრედიტის შესახებ დამატებითი მოთხოვნებიც. რეალურად რა შეიცვლება სექტორისთვის მიკროკრედიტის ოდენობის გაორმაგებით? #ახალიამბები #BusinessMediaGeorgia
ბოლო თვეებში სასტუმრო ბიზნესში შექმნილი კრიზისის ფონზე, ბიზნესის ნაწილი საფინანსო ინსტიტუტებისგან სასესხო ვალდებულებების რესტრუქტურიზაციას ითხოვს. მიუხედავად იმისა რომ მარტის დინამიკაზე დაკვირვება მოთხოვნის ზრდაზე მიუთითებს, უკვე შეთანხმებული თანამშრომლობის ფორმის ცვლილების მიზეზი სამასპინძლო სექტორისათვის ბოლო დროის გამოწვევად ქცეული დაბალი დატვირთულობაა. სასტუმროების ფედერაციის დამფუძნებლის ინფორმაციით, სასტუმროებმა საოპერაციო ხარჯები უმეტეს შემთხვევაში სხვა ბიზნესებიდან გადმომისამართებული ფინანსური რესურსით უზრუნველყვეს. საბანკო ასოციაციაში განმარტავენ, რომ ვალდებულებების მასიური გადავადების შესახებ ინფორმაცია არ აქვთ და სექტორულ პორტფელში მნიშნელოვანი ცვლილებები არ არის. ემსახურება თუ არა სასტუმრო ბიზნესი საბანკო ვალდებულებებს და გაზრდილი რისკებიდან გამომდინარე გაართულეს თუ არა საფინანსო ინსტიტუტებმა სასტუმროების დაკრედიტება? #ახალიამბები #BusinessMediaGeorgia
2024 წელს საქართველოს მიერ უცხოეთიდან გამოწერილი ამანათების რაოდენობა გაორმაგდა და მან 15.1 მილიონს მიაღწია - ამის შესახებ BMG-ისთვის შემოსავლების სამსახურიდან მოწოდებული სტატისტიკიდან ხდება ცნობილი. ამ ამანათების საერთო ღირებულება კი 1.4 მილიარდ ლარს აღემატებოდა, რაც 2023 წელს ამანათების სახით შემოსული საქონლის საერთო ღირებულებას 2.7-ჯერ აღემატებოდა. რის ხარჯზე გაიზარდა ქვეყანაში ამანათების მოცულობა, რამდენად მზად შეხვდა ქვეყანა გაზრდილი ამანათების ნაკადებს და რა უნდა გაკეთდეს იმისთვის, რომ ზრდის ტემპი შენარჩუნდეს? #ახალიამბები #BusinessMediaGeorgia
2024 წელს საქართველოს მიერ უცხოეთიდან გამოწერილი ამანათების რაოდენობა გაორმაგდა და მან 15.1 მილიონს მიაღწია - ამის შესახებ BMG-ისთვის შემოსავლების სამსახურიდან მოწოდებული სტატისტიკიდან ხდება ცნობილი. ამ ამანათების საერთო ღირებულება კი 1.4 მილიარდ ლარს აღემატებოდა, რაც 2023 წელს ამანათების სახით შემოსული საქონლის საერთო ღირებულებას 2.7-ჯერ აღემატებოდა. რის ხარჯზე გაიზარდა ქვეყანაში ამანათების მოცულობა, რამდენად მზად შეხვდა ქვეყანა გაზრდილი ამანათების ნაკადებს და რა უნდა გაკეთდეს იმისთვის, რომ ზრდის ტემპი შენარჩუნდეს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 07.03.2025
ეკონომისტების ნაწილის მოლოდინით, მიმდინარე წელს საქართველოს ეკონომიკური ზრდის ტემპი შენელდება. „საქართველოს ეკონომიკური კლიმატის" ბიულეტენში რომელიც PMCG-მ გამოაქვეყნა, აღნიშნულია, რომ წელს ქვეყნის ეკონომიკა საშუალოდ 3.9%-ით გაიზრდება. კვლევა 2025 წლის პირველი კვარტლის პერიოდს მოიცავს და აჩვენებს ეკონომისტების შეფასებას მიმდინარე მდგომარეობის შესახებ, ასევე მოლოდინებს, რომელიც ნეგატიურია. ამასთან, ეკონომისტების მოლოდინით, მომდევნო ექვსი თვის ბოლოსთვის მოსალოდნელია, რომ წლიური ინფლაციის მაჩვენებელი გაიზრდება და 2025 წლისთვის ინფლაციის მაჩვენებელი საშუალოდ 4.7%-ია. რა განაპირობებს მოლოდინების გაუარესებას და რამდენად მოსალოდნელია ეკონომიკური ზრდის ტემპის შენელება იანვარში დაფიქსირებული 11%-იანი ზრდის შემდეგ? სტუმარი: გოჩა ქარდავა - PMC კვლევითი ცენტრის მკვლევარი; #ახალიამბები #BusinessMediaGeorgia
ბოლო თვეების განმავლობაში სასტუმრო ბიზნესში შექმნილი კრიზისის ფონზე, ბიზნესის ნაწილი საფინანსო ინსტიტუტებს სასესხო ვალდებულებების რესტრუქტურიზაციის მიზნით მიმართავს. მიზეზი დაბალი დატვირთულობაა, რის ფონზეც ბიზნესი ხარჯებს ვეღარ უმკლავდება და ვერც საბანკო ვალდებულებებს ისტუმრებს. საბანკო ასოციაციაში აცხადებენ, რომ ვალდებულებების მასიური გადავადების შესახებ ინფორმაცია არ აქვთ, როგორც აქამდე, სესხების რესტრუქტურიზაცია დღესაც მიმდინარეობს და გეგმა, კონკრეტული სექტორისთვის მასიურად სესხების გადავადებაზე, არ არსებობს. რა გამოწვევებია სასტუმრო ბიზნესში? #ახალიამბები #BusinessMediaGeorgia
ნათია თურნავას ბრძანებით, ბანკებისთვის დადგენილი ჯარიმების ზედა ზღვარი გაათმაგდა- შესაბამისი ბრძანება საკანონმდებლო მაცნეზე უკვე ატვირთულია. შედეგად სებ-ს ბანკების დაჯარიმება შეეძლება მათი საზედამხედველო კაპიტალის 1%-ის ოდენობის თანხითაც, რასაც აქამდე კანონმდებლობა არ ითვალისწინებდა და მისი ზედა ზღვარი 0.1%-ით იყო განსაზღვრული. რითი ხსნიან ეროვნულ ბანკში კომერციული ბანკებისთვის ჯარიმების ზედა ზღვრის გაათმაგებას და რა პოზიცია აქვთ საბანკო ასოციაციაში? #BusinessMediaGeorgia
აშშ-ის პრეზიდენტის დონალდ ტრამპის გადაწყვეტილებით, 25%-იანი ტარიფები კანადასთან და მექსიკასთან ავტოინდუსტრიაზე ერთი თვით გადავადდა და ნაცვლად მარტისა, აპრილის დასაწყისიდან ამოქმედდება. უკვე კეთდება შეფასებები, რომ ტრამპის მიერ დაწყებული სატარიფო ომი აშშ-ს ბაზარზე ავტომობილებს მკვეთრად გააძვირებს. არის მოლოდინი, რომ გავლენა იქნება საქართველოზეც, რომლისთვისაც შეერთებული შტატები მეორადი ავტომობილების მთავარი საიმპორტო ბაზარია. სექტორის წარმომადგენელი ამბობენ, რომ უახლოეს თვეებში აშშ-დან იმპორტირებული ავტომობილები გაძვირდება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 06.03.2025 "ბიოგრაფი ლივინგმა" Schüco-სთან თანამშრომლობის მემორანდუმი გააფორმა; ბორჯომში 5*-იანი მულტიფუნქციური ბალნეოკომპლექსი აშენდება - ინვესტიცია $60 მილიონია; 2024 წლის IV კვარტალში, ბიზნეს სექტორის ბრუნვამ ₾62 მილიარდს მიაღწია; "ლუმიერსის" ფილიალი მადრიდის შემდეგ სტამბოლში გაიხსნა; ტანსაცმლის ექსპორტი მცირდება, იმპორტი კი იზრდება; საქართველოდან კარტოფილის ექსპორტი 29.5-ჯერ გაიზარდა; #ახალიამბები #BusinessMediaGeorgia
აშშ-ს მიერ დაწყებულ სატარიფო ომის გავლენები რომ მძიმე იქნება არამხოლოდ მსოფლიოსთვის, არამედ თავად ამერიკისთვისაც ეკონომისტები უკვე საუბრობენ. ეს სიმძიმე კი უკვე იგრძნო ამერიკულმა ავტოინდუსტრიამ, თუმცა მსხვილმა ავტომწარმოებლებმა ჯერ მხოლოდ იმას მიაღწიეს, რომ 4 მარტს დაწესებული ტარიფები ძალაში მხოლოდ 1 თვის შემდეგ შევა... ეს იმას ნიშნავს, რომ საბოლოოდ ტარიფები ამერიკულ წარმოებაზე გავლენას მოახდენს, რასაც გადმოცემის ეფექტი ექნება საქართველოზეც, რომლისთვისაც შეერთებული შტატები მეორადი ავტომობილების მთავარი საიმპორტო ბაზარია. #ახალიამბები #BusinessMediaGeorgia
ტრამპის მეორედ მოსვლამ ისედაც მყიფე მსოფლიო წესრიგი თავდაყირა დააყენა - ჯერ კიდევ გუშინ ახლო მოკავშირეებს შორის ახლა, რბილად რომ ვთქვათ, გაუგებრობაა და არავინ იცის როგორ გაგრძელდება თავდაცვითი და ეკონომიკური თანამშრომლობა. ერთი კი ცხადია, ყველაფერი ისე აღარ იქნება როგორც აქამდე - “ამაღამ ამ დარბაზში დავბრუნდი, რათა შეგატყობინოთ, რომ ამერიკის დრო დაბრუნდა”, - მიმართა სამშაბათს დონალდ ტრამპმა კონგრესმენებს და საზოგადოებას, ამ მიმართვამდე ცოტა ხნით ადრე კი, ტრამპმა ტარიფებით ომი გააჩაღა კანადასთან, მექსიკასა და ჩინეთთან. ეს ომი კი, რომლის მთავარი იარაღი საპროცენტო განაკვეთებია, როგორც ჩანს გაფართოვდება - “ევროკავშირი აშშ-ის დაზიანებისთვის შეიქმნა”, - თქვა თეთრ სახლში დაბრუნებულმა შეერთებული შტატების 47-ე პრეზიდენტი და ევროკავშირისთვის 25%-იანი საბაჟო განაკვეთის შემოღება დააანონსა და არამხოლოდ ევროკავშირისთვის. მოსალოდნელია, რომ სატარიფო ომი თუ არამონეტარული ბარიერები ალბათ კიდევ არაერთ ქვეყანას შეეხება. ყოველ შემთხვევაში კონგრესის ტრიბუნიდან ასეთი გზავნილი უკვე გაჟღერდა. “ჩვენ მივიღებთ ტრილიონობით დოლარს და შევქმნით სამუშაო ადგილებს ისეთს, როგორიც აქამდე არასდროს გვინახავს", - ჰპირდება დონალდ ტრამპი ამერიკელებს. ამერიკული ინდუსტრიების დაცვა, სახელმწიფო შემოსავლების გაზრდა - სწორედ ეს არის მთავარი მიზანი და ამ მიზნისკენ მიმავალ გზაზე როგორც ჩანს პრეზიდენტი ტრამპი და მისი გუნდი სულაც არ ცდილობს გაითვალისწინოს ეკონომისტების პროგნოზები, რომ ტარიფების გავლენა მძიმე იქნება არამხოლოდ მსოფლიოსთვის, არამედ თავად ამერიკისთვისაც. ეს სიმძიმე კი უკვე იგრძნო ავტოინდუსტრიამ თუმცა მსხვილმა ავტომწარმოებლებმა ჯერ მხოლოდ იმას მიაღწიეს, რომ 4 მარტს დაწესებული ტარიფები ავტონაწილებზე ძალაში 1 თვის შემდეგ შევა... რეალურად რას უნდა ველოდოთ… რა გავლენა ექნება სავაჭრო ომს მსოფლიოს ეკონომიკაზე და ახალ არქიტექტურაზე, რომლის კონტურები სწორედ ახლა იკვეთება სტუმარი: ვიქტორ ყიფიანი - “ჯეოქეისის” დამფუძნებელი #ახალიამბები #BusinessMediaGeorgia
მასშტაბური ჯარიმები კომერციული ბანკებისთვის - სებ-მა ბანკებისათვის ჯარიმების ზედა ზღვარი 10-ჯერ გაზარდა. დარღვევის სერიოზულობის, კომერციული ბანკის აქტივებისათვის მიყენებული ზარალისა ან/და შესაძლო საფრთხიდან გამომდინარე ეროვნულ ბანკს შეეძლება კომერციული ბანკი მისი საზედამხედველო კაპიტალის 0.01%-დან 1%-მდე თანხით დააჯარიმოს. ეს კი იმას ნიშნავს, რომ მაგალითად, თუ სებ-ი გადაწყვეტს ქვეყანაში ყველაზე დიდი საზედამხედველო კაპიტალის მქონე ბანკის დაჯარიმებას და მისთვის 1%-იან განაკვეთს გამოიყენებს, დღეის მდგომარეობით, ჯარიმის მოცულობა 68 მლნ ლარამდე იქნება, ნაცვლად აქამდე არსებული 7 მილიონისა. ჯარიმების გაზრდის მიზანზე სებ-მა გასული წლის 14 ნოემბერს განაცხადა და კონსულტაციებისთვის პროექტიც გამოაქვეყნა. ათჯერ გაზრდილი ჯარიმების პოტენციური ობიექტებისგან კომენტარები მაშინ არ გაკეთებულა. რა შენიშვნები ჰქონდათ ბანკებს და გაითვალისწინა თუ არა სექტორის რომელიმე მოსაზრება თურნავას უწყებამ. რით ხსნიან ეროვნულ ბანკში კომერციული ბანკებისთვის ჯარიმების ზედა ზღვრის გაათმაგებას და რა პოზიცია აქვთ საბანკო ასოციაციაში? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 05.03.2025 საქართველოში 9 045 ელექტრომობილია რეგისტრირებული - სტატისტიკა რეგიონების მიხედვით; როგორი იყო 2024 წელი საჰაერო გადაზიდვების სექტორისთვის? "ხელმეორედ გახსნა ამ რეალობაში, არც კი განიხილება" - ტურისტული ობიექტი "ღვინის ბუფეტი" დაიხურა; "კერძო საბავშვო ბაღებზე მოთხოვნა მაღალია" - კერძო საბავშვო ბაღების ასოციაცია; “ბარბალეს მარანი” წელს აშშ-ს ბაზარზე ექსპორტს აორმაგებს; #ახალიამბები #BusinessMediaGeorgia
2024 წელს სახელმწიფო შესყიდვებთან დაკავშირებული დავების განხილვის საბჭომ 1 172 საჩივარი განიხილა, მათ შორის 8 საჩივარი გამარტივებული შესყიდვის ხელშეკრულებას ეხებოდა. გასაჩივრებული ტენდერების სავარაუდო ღირებულებების ჯამი 2 მლრდ 152 მლნ ლარს აღემატებოდა. დავების განხილვის საბჭოს 2024 წლის ანგარიშის თანახმად, სრულად დაკმაყოფილდა კომპანიების მიერ წარდგენილი საჩივრების 24%, ხოლო ნაწილობრივ 38%. დარგის სპეციალისტები კი ამბობენ, რომ ხშირია შემთხვევები, როდესაც შემსყიდველი ორგანიზაციები საბჭოს მიერ მიღებული გადაწყვეტილებების შესრულებას თავს არიდებენ. რა საჩივრებით მიმართავდა ბიზნესი გასულ წელს სახელმწიფო შესყიდვებთან დაკავშირებული დავების განხილვის საბჭოს და როგორ ფასდება სახელმწიფო ტენდერების არსებული სისტემა. #ახალიამბები #BusinessMediaGeorgia
რეფერენტულ ფასებს დაქვემდებარებული მედიკამენტების ნუსხა ჯანდაცვის სამინისტროს 4 თვეა არ გაუფართოებია, თუმცა ბაზრის მოთამაშეები უწყებას დადგენილი ფასების გადახედვისკენ მოუწოდებენ. მათი თქმით, უნდა დაჩქარდეს შესაბამის საბჭოში კონკრეტული მედიკამენტების დადგენილი ფასების გადახედვის პროცესი, რადგან ბიზნესს ალტერნატიული მომწოდებლების მოძიება უჭირს. როგორ მუშაობს მედიკამენტების ფასების რეგულირების მექანიზმი, რომელიც მთავრობამ ქვეყანაში 2023 წლიდან აამოქმედა, რა რაოდენობის მედიკამენტზე ვრცელდება ზღვრული ფასი და რა გამოწვევები რჩება დღის წესრიგში? #ახალიამბები #BusinessMediaGeorgia
2024 წელს სახელმწიფო შესყიდვებთან დაკავშირებული დავების განხილვის საბჭომ 1 172 საჩივარი განიხილა, მათ შორის 8 საჩივარი გამარტივებული შესყიდვის ხელშეკრულებას ეხებოდა. დავების განხილვის საბჭოს 2024 წლის ანგარიშის თანახმად, სრულად დაკმაყოფილდა კომპანიების მიერ წარდგენილი საჩივრების 24%, ხოლო ნაწილობრივ 38%. დარგის სპეციალისტები კი ამბობენ, რომ ხშირია შემთხვევები, როდესაც შემსყიდველი ორგანიზაციები საბჭოს მიერ მიღებული გადაწყვეტილებების შესრულებას თავს არიდებენ და ხელშეკრულებები მაინც თავდაპირველად შერჩეულ კომპანიებთან ფორმდება. რა საჩივრებით მიმართავდა ბიზნესი გასულ წელს სახელმწიფო შესყიდვების სააგენტოსთან არსებულ დავების განხილვის საბჭოს და როგორ ფასდება სახელმწიფო ტენდერების არსებული სისტემა. #ახალიამბები #BusinessMediaGeorgia
2025 წლის იანვარ-თებერვალში კონკურენციისა და მომხმარებლის დაცვის სააგენტოში შესული განაცხადები წლიურად 60%-ით გაიზარდა. სააგენტოს ინფორმაციით, გასულ ორ თვეში მომხმარებლის უფლებების დაცვის მიმართულებით, 202 განაცხადი დაფიქსირდა, ხოლო ზარების რაოდენობამ 675 შეადგინა. განაცხადების 70% ონლაინ ვაჭრობის ფაქტს ეხებოდა, ხოლო 30% ნივთის ადგილზე შეძენის შემთხვევას. რეგიონების მიხედვით, 79%-ით თბილისი ლიდერობს. იანვარ-თებერვალში, სააგენტოს გადაწყვეტილებით, მომხმარებელთა ჯგუფის უფლების 14 დარღვევის ფაქტი დადასტურდა - 35 საქმეზე. სააგენტოს მიერ დაკისრებული ვალდებულების შეუსრულებლობის გამო 8 მოვაჭრეს - 17 საქმეზე ჯარიმა დაეკისრა, ჯამში - 5400 ლარის ოდენობით. რომელ სექტორებში არღვევენ ძირითადად მომხმარებლის უფლებებს და გარდა ამისა, კანონით მინიჭებული მანდატის ფარგლებში რა საქმეებს განხილავს სააგენტო? სტუმარი: ირაკლი ლექვინაძე - კონკურენციის და მომხმარებლის დაცვის სააგენტოს თავმჯდომარე #ახალიამბები #BusinessMediaGeorgia
დატვირთული 2024 წლის შემდეგ, ბიზნესი კომპანიების შერწყმა/შეძენის მიმართულებით კვლავ აქტიურია. მიმდინარე წელს კონკურენციის და მომხმარებლის დაცვის სააგენტომ სამ კონცენტრაციაზე თანხმობა უკვე გასცა, ხოლო 3 საქმესთან მიმართებით პროცესები მიმდინარე რეჟიმშია. გასული წლების განმავლობაში M&A გარიგებების მხრივ ყველაზე აქტიური სექტორი FMCG ბაზარი იყო, სადაც შარშან რამდენიმე მსხვილი გარიგება ვიხილეთ. რა ტენდენციებია კომპანიების კონცენტრაციების მხრივ და რა გავლენა აქვს ეკონომიკასა და მომხმარებელზე მსგავს გარიგებებს? #ახალიამბები #BusinessMediaGeorgia
2024 წელი გადაზიდვების სექტორმა ზრდით დაასრულა. საქსტატის მიერ გამოქვეყნებული ანგარიშიდან ჩანს, რომ მცირედით, თუმცა გაზრდილია საქართველოს რკინიგზის მიერ გადატანილი ტვირთის მოცულობა, თითქმის 6%-იანი ზრდა აჩვენა საქართველოს ნავსადგურებმა და ტერმინალებმა. გაცილებით დიდი ზრდა დააფიქსირეს საჰაერო გადამზიდავებმა. საჰაერო ტრანსპორტით გადატანილი ტვირთის მოცულობა წლიურად 20.3%-ით იყო გაზრდილი. როგორი იყო გასული წელი გადაზიდვების სექტორისთვის რიცხვებში და როგორია ტენდენციები მიმდინარე წლისთვის? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 04.03.2025 ქართული ტაქსის გამოძახების კომპანია "რაში“, წლის ბოლომდე, ბათუმსა და ქუთაისში შევა; "ქართული პური პირველად გადის ექსპორტზე" - სად გაიყიდება "იფქლი დიღომის" პროდუქცია? "უკეთესი მომავლის იმედად ვხსნით" - რესტორანი "სოფიკო” 15 მარტს გაიხსნება; "თითოეული დაკარგული ტურისტი მთელი თვის დაკარგვას ნიშნავს" - ლაშა ბერეკაშვილი; თბილისში ქირის ფასის შემცირება ტურისტული ნაკადების კლებასაც უკავშირდება - "პროსპექტი"; #ახალიამბები #BusinessMediaGeorgia
2024 წელი გადაზიდვების სექტორმა ზრდით დაასრულა. საქსტატის მიერ გამოქვეყნებული ანგარიშიდან ჩანს, რომ მცირედით, თუმცა გაზრდილია საქართველოს რკინიგზის მიერ გადატანილი ტვირთის მოცულობა, თითქმის 6%-იანი ზრდა აჩვენა საქართველოს ნავსადგურებმა და ტერმინალებმა. გაცილებით დიდი ზრდა დააფიქსირეს საჰაერო გადამზიდავებმა. როგორი იყო გასული წელი გადაზიდვების სექტორისთვის რიცხვებში და როგორია ტენდენციები მიმდინარე წლისთვის? #ახალიამბები #BusinessMediaGeorgia
თურქეთიდან მედიკამენტების იმპორტი ბოლო 5 წელიწადში პირველად შემცირდა- ოფიციალური სტატისტიკის მიხედვით, ამ პერიოდში საქართველომ 48 მილიონ 135 ათასი დოლარის ღირებულების 1002 ტონა მედიკამენტები შეიძინა, რაც მოცულობაში 2024 წლის იანვრის იმპორტის ღირებულებას 20.2%-ით, მოცულობით კი 33.6%-ით ჩამორჩება. დაფასოებული სამკურნალო საშუალებების იმპორტის შემცირება, ძირითადად მთავარი მომწოდებელი ქვეყნიდან - თურქეთიდან იმპორტის კლებით არის განპირობებული. იანვარში თურქეთიდან შემოტანილი მედიკამენტების ღირებულება $20 მილიონით $13 მილიონამდე შემცირდა და ქვეყანაში სულ 338 ტონა სამკურნალო საშუალებები შემოვიდა, მაშინ როდესაც გასული წლის ამავე პერიოდში მოცულობა 732 ტონა იყო. ფარმაცევტული კომპანიების ასოციაციაში თურქეთიდან მედიკამენტების იმპორტის განახევრებას რამდენიმე ფაქტორით ხსნის. გაერთიანების ხელმძღვანელი აღნიშნავს, რომ თურქეთიდან იმპორტირებული მედიკამენტების 90-95% რეფერენტულია. რატომ შემცირდა თურქეთიდან მედიკამენტების იმპორტი და რა რისკები ჩნდება საქართველოსთვის თურქეთიდან მედიკამენტების იმპორტის შემცირებით? სტუმარი: თინა ტურძელაძე - ფარმაკოეკონომიკის და პოლიტიკის კონსულტანტი #ახალიამბები #BusinessMediaGeorgia