მიიღებს თუ არა საქართველო აზერბაიჯანიდან დამატებითი გაზის მოცულობებს ისეთივე შეღავათიანი პირობებით - აზერბაიჯანთან დადებული ხელშეკრულება დამატებითი გაზის მიღების პირობებზე 2026 წელს იწურება. ირაკლი კობახიძე ამბობს, რომ საკითხზე კონსულტაციები აზერბაიჯანულ მხარესთან გაიმართება, თუმცა, არსებული ინფორმაციით, წინასწარი მოლაპარაკებები ახლაც მიმდინარეობს. სამხრეთ კავკასიური მილსადენის კონსორციუმთან დადებული ხელშეკრულებით საქართველო გაზს ორი შეთანხმებით იღებს: ერთი ოფციური გაზია და აზერბაიჯანიდან თურქეთისა და ევროპის მიმართულებით გატარებული გაზის 5%-ს შეადგენს, ხოლო მეორე - დამატებითი გაზია, რაც დღეის მდგომარეობით ყოველწლიურად 500 მლნ კუბურ მეტრ გაზს შეადგენს. სწორედ, ამ შეთანხმების გადახედვის საკითხი დადგება მომავალ წელს დღის წესრიგში. თუკი, არსებული პირობების შენარჩუნება ვერ მოხერხდა,ეს შესაძლოა, გაზის ტარიფებზე უარყოფითად აისახოს.

#ახალიამბები #BusinessMediaGeorgia