Financial Times საქართველოში საბანკო სექტორით, კონკრეტულად კი თიბისი ჯგუფის წარმატებით დაინტერესდა. ამ წუთებში, თიბისი ბანკის გენერალური დირექტორის მოადგილე Financial Times-ის გლობალური ბანკინგის სამიტში მონაწილეობს. გიორგი თხელიძე ერთ-ერთი მთავარი პანელის სპიკერია, სადაც 2030 წლისთვის საბანკო სექტორის ტრანსფორმაციაზე მსჯელობენ. ყოველწლიური ღონისძიება ლონდონში ტარდება და მსოფლიოს სხვადასხვა ქვეყნიდან 1000-ზე მეტ ლიდერს აერთიანებს. Global Banking Summit-ზე ბანკების ხელმძღვანელები, ტექნოლოგიური კომპანიები, ანალიტიკოსები და რეგულატორები ერთად განიხილავენ ფინანსური სექტორის ტენდენციებსა და შესაძლებლობებს. გიორგი თხელიძესთან ერთად პანელში მონაწილეობენ: წამყვანი ბრიტანული კომერციული ბანკის - Lloyds - საცალო საბანკო საქმიანობის აღმასრულებელი დირექტორი, ასევე, შვეიცარიული და ბრიტანული ტექნოლოგიური კომპანიების წარმომადგენლები.


#ახალიამბები #BusinessMediaGeorgia