სამეწარმეო დანიშნულების ვენახის გაშენება შესაძლოა მხოლოდ ღვინის ეროვნული სააგენტო თანხმობით გახდეს შესაძლებელი - გარემოს დაცვისა და სოფლის მეურნეობის სამინისტრომ საქართველოს პარლამენტს შესაბამისი კანონპროექტი გადაუგზავნა. კანონპროექტში წერია, რომ ბოლო წლებში ხდება ვენახების გაშენება იმ ჯიშებით, რომლებიც იმ კონკრეტული ზონისთვის არ არის ნებადართული, რაც ქმნის როგორც რეალიზაციის პრობლემას ისე რისკებს ღვინის წარმოებაში. მოსალოდნელია, რომ გაშენებული ვენახებიდან მოწეული ყურძნის მოცულობის ზრდასთან ერთად გამკაცრდეს ხარისხის კონტროლი. ცვლილებების მიხედვით, დაცული ადგილწარმოშობის ღვინო და სპირტიანი სასმელი უნდა იწარმოოს მხოლოდ იმ მიკროზონაში მოწეული ყურძნისგან, რომელიც კონკრეტული პროდუქტის სპეციფიკაციაშია განსაზღვრული. სხვა საკვანძო სიახლეა ტექნოლოგიური პროცესების აღრიცხვა-შეტყობინების ვალდებულების გავრცელება ყველა ღვინის მწარმოებელ კომპანიაზე, რაც უწყების მტკიცებით, სექტორში გამჭვირვალობას და ხარისხის მართვის პროცესების გაუმჯობესებას ხელს შეუწყობს. როგორ აფასებენ მეღვინე მევენახეები მოსალოდნელ ცვლილებებს და ხომ არ უკავშირდება ცვლილებები სახელმწიფოს მხრიდან რთველის სუბსიდირების მზარდი ხარჯების შემცირებას?

სტუმარი: თამაზ ომანაძე - "ხომლის მარნის" დამფუძნებელი

#ახალიამბები #BusinessMediaGeorgia