თვითმმართველი ქალაქების მიერ დაფუძნებულ იურიდიულ პირებს ტაქსის ლიცენზიების გაცემა და გარე რეკლამებიდან შემოსავლის მიღება შეეძლებათ. პარლამენტში ინიცირებული ცვლილებებით, თვითმმართველ ქალაქებს სსიპ-ების დაფუძნების უფლება მიეცემათ, და სწორედ ეს სსიპ-ები გასცემენ ლიცენზიებს. კანონპროეტქების ავტორთა განცხადებით, ლიცენზიების გაცემით თვითმმართველი ქალაქები დამატებით შემოსავლებს მიიღებენ. ქართული ოცნების საპარლამენტო უმრავლესობა აცხადებს, რომ გადაწყვეტილება მთავრობის მიერ გაცხადებული დეცენტრალიზაციის გეგმის ფარგლებში გადადგმული ნაბიჯია, თუმცა, სპეციალისტები გადაწყვეტილებაში კორუფციის რისკებს ხედავენ და მთავრობას დეცენტრალიზაციის ახალი გეგმის არქონის გამო აკრიტიკებენ. რა იცვლება თვითმმართველი ქალაქებისთვის და რა უშლის ხელს რეალური დეცენტრალიზაციის დაწყებას.


#ახალიამბები #BusinessMediaGeorgia