თვითმმართველი ქალაქების მიერ დაფუძნებულ იურიდიულ პირებს ტაქსის ლიცენზიების გაცემა და გარე რეკლამებიდან შემოსავლის მიღება შეეძლებათ. ინიცირებული ცვლილებების მიხედვით, თვითმმართველ ქალაქებს სსიპ-ების დაფუძნების უფლება მიეცემათ, და სწორედ ეს სსიპ-ები გასცემენ ლიცენზიებს. კანონპროეტქების ავტორთა განცხადებით, ამ ლიცენზიების გაცემით თვითმმართველი ქალაქები დამატებით შემოსავლებს მიიღებენ. საუბარია თვითმმართველი ქალაქების ადმინისტრაციულ საზღვრებში, რეგულარული სამგზავრო და ტაქსით გადაყვანაზე, ასევე, მუნიციპალიტეტების მხრიდან ისეთი სსიპ-ების დაფუძნებაზე, რომლებიც ლიცენზიებს გასცემენ და გარე რეკლამებს დაარეგულირებენ. ქართული ოცნების საპარლამენტო უმრავლესობა აცხადებს, რომ გაადწყვეტილება დეცენტრალიზაციის გეგმის ფარგლებში გადადგმული ნაბიჯია, თუმცა, სპეციალისტები ამ საკითხში კორუფციის რისკებს ხედავენ.


#ახალიამბები #BusinessMediaGeorgia