ეკონომისტების ნაწილის შეფასებით, ბიუჯეტის საგადასახადო შემოსავლების ზრდის ტემპი წინააღმდეგობაში მოდის ეკონომიკური ზრდის მაღალ მაჩვენებელთან. როგორც სპეციალისტები ამბობენ, წელს პირველ კვარტალში დაფიქსირებული 9.1%-იანი ეკონომიკური ზრდის პირობებში, საგადასახადო შემოსავლების მხოლოდ 4.1%-იანი ზრდა არაერთ კითხვის ნიშანს აჩენს. მათი თქმით, ეს კიდევ ერთხელ მიუთითებს იმაზე, რომ საქართველოს ეკონომიკა ისეთი დარგების ხარჯზე იზრდება, რომელთან რეალურ ეკონომიკაზე ნაკლები გავლენა აქვს. ფინანსთა სამინისტროში კი განმარტავენ, რომ სხვადასხვა პერიოდში ეკონომიკურ ზრდაში სხვადასხვა კომპონენტებს შეაქვთ წვლილი, რის გამოც ბიუჯეტში საგადასახადო შემოსავლების მობილიზების ტემპიც განსხვავებულია. რამდენად თანხვედრაშია ერთმანეთთან საბიუჯეტო შემოსავლების და ეკონომიკური ზრდის ტემპი და რამდენად შეიცვალა ბოლო წლების განმავლობაში საქართველოს ეკონომიკის სტრუქტურა?


#ახალიამბები #BusinessMediaGeorgia