მთავრობა სახელმწიფო საწარმოებთან მიმართებაში სამოქმედო გეგმის განახლებას გეგმავს. ფინანსთა სამინისტროში აცხადებენ, რომ რეფორმის ახალი ეტაპი ფინანსური ზედამხედველობის კომპანიების უფრო ფართო სეგმენტზე გავრცელებას მოიცავს. ამას ითვალისწინებს საერთაშორისო სავალუტო ფონდთან რეფორმასთან დაკავშირებით მიღწეული შეთანხმება. რეფორმის შემდეგი ეტაპი კი საწარმოებში ე.წ. კვაზი ფისკალური აქტივობების იდენტიფიცირებას და მათ ეტაპობრივ შემცირებას ითვალისწინებს. აღსანიშნავია, რომ ცოტა ხნის წინ ასევე გამოქვეყნდა საერთაშორისო სავალუტო ფონდის ტექნიკური მისიის მიერ მომზადებული ანგარიში, რომელიც საქართველოში მიმდინარე სახელმწიფო საწარმოების რეფორმას ეხება, სადაც სხვა საკითხებთან ერთად აღნიშნულია, რომ პოლიტიკური ჩარევა სახელმწიფო საწარმოების სამეთვალყურეო საბჭოების წევრების დანიშვნასა და გათავისუფლებაში კომპანიების დამოუკიდებლობას ამცირებს. როგორ აფასებს სავალუტო ფონდი სახელმწიფო საწარმოების რეფორმას და რას გეგმავს ფინანსთა სამინისტრო?


#ახალიამბები #BusinessMediaGeorgia