„საოჯახო კალათა” სავაჭრო ქსელებში - „რითეილ ასოციაციის“ წევრი კომპანიები აცხადებენ, რომ იწყებენ კამპანიას, რაც მაღაზიებში მათ მიერვე შერჩეულ პროდუქტებზე მუდმივ რეჟიმში სპეციალური ფასების დაწესებას გულისხმობს. ასოციაციის განცხადებით, გადაწყვეტილება პარლამენტის ფასების კომისიის დასკვნის პასუხია. თუმცა რითეილერები ამბობენ, რომ კამპანია ეფექტიანი ისეთ შემთხვევაში იქნება, თუ პროცესში მწარმოებლები და დისტრიბუტორები ჩაერთვებიან. თავად დისტრიბუტორთა ბიზნეს ასოციაციაში კი აცხადებენ, რომ მარკეტებში დღეს მოქმედი ფასდაკლებების დიდი წილი ისედაც მათ ხარჯზე ხორციელდება და დამატებით მიწოდების ფასების შემცირება თავად რითეილ სექტორის შემხვედრ ნაბიჯებზე იქნება დამოკიდებული. რას მოიცავს სავაჭრო ქსელების მიერ დაანონსებული “საოჯახო კალათა” და როგორ აფასებენ ინიციატივას სექტორის სხვა რგოლები.


#ახალიამბები #BusinessMediaGeorgia