2026 წლის პირველ კვარტალში თბილისში 10,511 საცხოვრებელი ბინა გაიყიდა, რაც წლიურად 16.7%-იანი ზრდაა. Colliers Georgia-ს მონაცემებით, უშუალოდ მარტში დედაქალაქში ტრანზაქციების რაოდენობამ 3,913 შეადგინა, რაც წლიურად 30.9%-ით გაზრდილი მაჩვენებელია. დეველოპერული კომპანიების ნაწილში ამბობენ, რომ გაყიდვების ზრდა მათ შორის ახლო აღმოსავლეთში მიმდინარე კონფლიქტს უკავშირდება, რომლის ფონზეც, საქართველოში უძრავ ქონებაზე უცხოელი ინვესტორების მხრიდან ინტერესი გაიზარდა. სექტორის მოთამაშეების მეორე ნაწილი კი ამბობს, რომ წლის პირველ კვარტალში გაზრდილი მაჩვენებლები მათ შორის შარშანდელი წლის პირველი ნახევრის დაბალ ბაზას უკავშირდება. რა ტენდენციებია უძრავი ქონების ბაზარზე და როგორია მოლოდინები მათ შორის ფასებთან მიმართებაში.


#ახალიამბები #BusinessMediaGeorgia