2025 წლის მანძილზე დედაქალაქში ელექტროენერგიის მომსახურების წყვეტა 6 307-ჯერ, რეგიონებში 81 071-ჯერ დაფიქსირდა. ენერგოომბუდსმენის ანგარიშის მიხედვით, არაგეგმური წყვეტებისრაოდენობა 2024 წელთან შედარებით რეგიონებში გაზრდილია, რისი ძირითადი გამომწვევი მიზეზები იყო: ელექტრომოწყობილობა-დანადგარების დაზიანება, სარემონტო სამუშაოები, მექანიკური დაზიანება, მეტეოროლოგიური პირობების გაუარესება, გადართვები/სქემის ცვლილება და სხვა. ამიტომ, ენერგოომბუდსმენი აღნიშნავს, რომ საქართველოში არსებული ელექტროენერგიის მიმწოდებელი ქსელის ტექნიკური მდგომარეობა რეგულარულად საჭიროებს გაუმჯობესებასა და რეაბილიტაციას. ქსელის გაუმჯობესებისა და რეაბილიტაციის საჭიროებაზე საუბრობენ ენერგეტიკოსებიც. მათი შეფასებით, ელექტროენერგიის გაზრდილმა ტარიფებმა კომპანიებს საშუალება უნდა მისცეთ, მომსახურების ხარისხი გააუმჯობესონ და ქსელის განვითარებაში ინვესტიციები განახორციელონ. როდის აისახება 5 თეთრით გაზრდილი ტარიფი მიწოდებისა და ენერგეტიკული ინფრასტრუქტურის გაუმჯობესებაზე.

#ახალიამბები #BusinessMediaGeorgia