გასულ კვირას სამხრეთ კავკასიურ ქვეყნებს ყაზახეთის დელეგაცია სტუმრობდა. მათ შორის ქვეყნის საგარეო და ტრანსპორტის მინისტრები. სავაჭრო-ეკონომიკური თანამშრომლობის დინამიკა, ყაზახური ინვესტიციები, შუა დერეფნის პოტენციალი და ის ძალისხმევა, რაც რეგიონში დამატებითი ტვირთის მოზიდვისა და არსებული სატრანსპორტო ინფრასტრუქტურის განვითარებისთვის არის მნიშვნელოვანი - ეს იყო ის საკითხები, რაზეც არაერთ შეხვედრაზე იყო საუბარი. ამ ვიზიტის ფარგლებში ყაზახეთის მთავრობის წევრებს ყაზახურ-ქართული ეკონომიკური გაერთიანებამაც უმასპინძლა და ორ ქვეყანას შორის ბიზნეს ურთიერთობებზე საკუთარი ხედვებიც გააცნო. ამ შეხვედრაზე სხვა საკითხებთან ერთად, ბათუმის საზღვაო ნავსადგურის სტრატეგიულ როლზე და პორტის სიმძლავრეების გაზრდასა და მოდერნიზაციაზეც იმსჯელეს. რა ფუნქციონირებს აქვს ყაზახური კაპიტალით შექმნილი ბიზნესები საქართველოში, სად ხედავენ განვითარების პერსპექტივას და რა გამოწვევებს უქმნის ქართულ კანონმდებლობაში შესული რეგულაციები და ბიუროკრატიული ბარიერები კერძო სექტორს?

სტუმარი: გიორგი ჯახუტაშვილი - ყაზახურ-ქართული ეკონომიკური გაერთიანების გამგეობის თავმჯდომარე

#ახალიამბები #BusinessMediaGeorgia