2025 წელს ბიტკოინის გამომუშავებაზე საქართველოს ელექტროენერგიის 5% დაიხარჯა. სემეკისთვის წარდგენილი სტატისტიკის თანახმად, ამ საქმიანობით დაკავებული კომპანიების გამომუშავება სამჯერ გაიზარდა და 752 მილიონი კილოვატ საათი შეადგინა. რაც შეეხება 2026 წლის მონაცემებს, სემეკის ინფორმაციით, წელს იანვარ-თებერვალში ამ კომპანიების ჯამური მოხმარება 86.7 მილიონი კილოვატ საათი იყო, რაც საქართველოს ელექტრომოხმარების 3%-ს შეადგენდა. ანალიტიკოსებისა და ენერგეტიკოსების ნაწილი მიიჩნევს, რომ მაინინგს საქართველოს ეკონომიკისთვის სარგებელი არ მოაქვს. კომპანიების უმეტესობა, რომელიც მაინინგითაა დაკავებული, თავისუფალ ინდუსტრიულ ზონებში მუშაობს და გადასახადებს თითქმის, არ იხდის. ამასთან, დიდი რაოდენობით იაფ ელექტროენერგიას მოიხმარენ, რაც ქსელების გადატვირთვას, მათ დაზიანებას და შესაბამისად, დამატებით ხარჯებსაც იწვევს.


#ახალიამბები #BusinessMediaGeorgia