თბილისის მერიამ თხევადი გაზის ავტოგასამართი სადგურების მასობრივი დაჯარიმების პროცესი დაიწყო. სექტორის წარმომადგენლების ინფორმაციით, ბოლო ორი დღის განმავლობაში 20-მდე ობიექტი დაჯარიმდა, ჯარიმების ოდენობა კი 2 500-დან 5 000 ლარამდე მერყეობს. გაზგასამართ სადგურებს მერიის მუნიციპალური ინსპექცია აჯარიმებს და ობიექტების აღებას ითხოვს. დავის საგანი თბილისის მუნიციპალიტეტის საკრებულოს ის დადგენილებაა, რომლის მიხედვითაც 2026 წლის პირველი იანვრიდან გარკვეულ საცხოვრებელ ზონებში ჯართის, ადვილად აალებადი და ფეთქებადი მასალების განთავსება აიკრძალა. თხევადი გაზის იმპორტიორთა და რეალიზატორთა ასოციაციაში აცხადებენ, რომ ადგილი აქვს თბილისის საკრებულოს დადგენილების არასწორ ინტერპრეტაციას. რა ვითარებაა სექტორში და რას ითხოვენ თხევადი გაზის რეალიზატორები?


#ახალიამბები #BusinessMediaGeorgia